১ রাজাবলী 10:8 - Chakma Bible

⁸ তঅ মানুচ্চুনে কদক্‌ সুগী! যিগুনে নিত্য তঅ মুজুঙোত্‌ থান্‌ আর তর্‌ জ্ঞানর কধানি শুনোন্‌ তর্‌ সে কামগুরিয়্যেগুনে কদক্‌ ভাগ্যত্যে!

১ রাজাবলী 10:8 ပူးပေါင်းရင်းမြစ်များ

১ রাজাবলী 10:7

মাত্তর্‌ ইদু এইনে নিজো চোগেন্দি ন-দেগানা সং মুই সে কধানি বিশ্বেজ্ ন-গত্তুং। অয়, ইয়েনির অদ্দেক্‌অ মরে কুয়ো ন-অয়। যে হবরানি মুই পেইয়োং তর্‌ জ্ঞান আর ধন তাত্তুন্ বোউত্‌ বেশ্‌।

১ রাজাবলী 12:6

যিদুক্কুন্‌ বুড়ো নেতায় তা বাপ্পো শলোমনর্ জীংকানিগানত্‌ তারে সেবা গুরিদাক্ রহবিয়াম তারার্‌ লগে সুল্লুক্‌ গুরিবাত্তে কলঅ, “এ মানুচ্চুনোরে জোব্‌ দিবাত্তে তুমি মরে কি সল্লা দিবা?”

গম্ উপদেজ্ 10:21

গোজেন ভক্তগুনোর্ মুয়োনিয়ে ভালোক্ জনরে পালায়, মাত্তর্ বুদ্ধির অভাবে বাজে মানুচ্চুনে মুরি যান্।

গম্ উপদেজ্ 13:20

জ্ঞানীগুনো সমারে যে আঢাউদো গরে তে জ্ঞানী অয়, মাত্তর্ যে মানুচ্চো কান্ড-জ্ঞান নেইয়্যেগুনোর সমাজ্যে তার ক্ষতি অয়।

গম্ উপদেজ্ 22:29

তুই কি এধোক্ক্যেন কনঅ মান্‌জ্যরে দেখ্যচ্ যে কাবিল্ আঢ্‌তোই কাম্ গরে? তে রাজাগুনোত্তে কাম্ গুরিবো, সাধারণ মানুচ্চুনোর অধীনোত্ কাম্ ন-গুরিবো।

গম্ উপদেজ্ 8:34

যে মানুচ্চো মঅ কধানি শুনে আর পত্তিদিন মঅ দোরো ইদু জাগি থায় আর মঅ দোরো ফ্রেমান ইদু বাজ্জেই থেইনে তে সুগি;

যিরমিয় 40:10

মুই নিজে মিসপাত থেম্ আর যিদুক্কুন বাবিলীয় আমা ইধু এবাক্ তারা ইধু মুই তমা তপ্পে ওইনে কধা কোম্; মাত্তর্ তুমি আংগুর-রস, গরম কাল ফল আর তেল থুবেইনে তমা পিলেত্ জমা গুরিবা আর তুমি যেদক্কানি আদাম আর শঅর গজক্ গুরি নিবা সিয়েনিত্ বজত্তি গুরিবা।”

লূকে লেখ্যে গম্ হবর্ 11:28

মাত্তর্ যীশু কলঅ, “ইয়েনত্তুন্ বেশ্ বরং তারা বর্‌পেইয়্যে যিগুনে গোজেনর্ কধা শুনোন্ আর সেবাবোত্যেগুরি কাম্ গরন্।”

লূকে লেখ্যে গম্ হবর্ 11:31

বিচের দিনোত্ দোগিণ দেজর্ রাণী উদিনে এ কালর্ মানুচ্চুনোরে দুষ্ দেগেই দিবো, কিয়া শলোমন রাজার জ্ঞানর্ কধাবাত্তা শুনিবাত্তে তে পিত্‌থিমীর শেজ দুযিত্তুন্ এচ্চ্যে; আর চঅ, ইয়েনত্ শলোমনত্তুন্অ বেশ্ আরঅ দাঙর্ এক্কো আঘে।