১ রাজাবলী 10:4 - Chakma Bible

⁴ শিবার রানী শলোমনর্ বেক্‌ জ্ঞানান্‌ আর তার বানেয়্যে রাজঘরান্‌ চেলঅ।

১ রাজাবলী 10:4 ပူးပေါင်းရင်းမြစ်များ

১ রাজাবলী 10:3

শলোমনে তার্‌ বেক্‌ প্রশ্নগানির জোব্‌ দিলো। রাজা ইদু কনঅ কিজুর্‌ এন্‌ আগাত্যা নঅ-এল যে, যিয়েনি তে তারে বুঝেইনে কোই ন-পারে।

১ রাজাবলী 10:5

তে আরঅ দেগিলোদে তা টেবিলোর্‌ হানা, তার্‌ কামগুরিয়্যেগুনোর থেবার জাগানি, দোল্‌ কাবড়-চুগোড়্‌ পিন্যে তার সেবাগুরিয়্যেগুনোরে, তার পানীয় দিয়্যেগুনোরে আর লগেপ্রভুর ঘরত্‌ তার্‌ পুজ্যে-উৎসর্বর এ্যামানর্‌ সোংখ্যেগুন্‌। এদক্কানি দেগিনে তে আমক্‌ ওই গেলঅ।

১ রাজাবলী 3:28

রাজার দিয়্যে রায়য়ান শুনিনে ইস্রায়েলর বেক্কুনোর মনত্‌ রাজার্ উগুরে ভোক্তিপূর্ণ দর্‌ জাগি উদিলো, কিত্যে তারা দেগিলাক্, দোলবিচের্‌ গুরিবাত্তে তার মনত্‌ গোজেনর দিয়্যে জ্ঞান রোইয়্যে।

উপদেশক 12:9

উপদেশকে নিজে জ্ঞানী এলঅ আর তে মানুচ্চুনোরেয়ো জ্ঞান পৌইদ্যেনে শিক্ষ্যে দিদো। তে ভাবি ভাবাই আর পোরোক্ষ্যে গুরিনে বোউত্ দাঘ কধানি সাজেয়্যে।

মথি লেখ্যে গম্ হবর্ 12:42

বিচের দিনোত্ দোগিণ দেজর্ রাণী উদিনে এ কালর্ মানুচ্চুনোরে দুষ্ দেগেই দিবো, কিয়া শলোমন রাজার জ্ঞানর্ কধাবাত্তা শুনিবাত্তে তে পিত্‌থিমীর শেজ দুযিত্তুন্ এচ্চ্যে। আর চঅ, ইয়েনত্ শলোমনত্তুন্অ বেশ্ আরঅ দাঙর্ এক্কো আঘে।

মথি লেখ্যে গম্ হবর্ 6:29

মাত্তর্ মুই তমারে কঙর্, শলোমন রাজা এদক্ সয়-সাগোজ্যে ভিদিরে থেইনেয়ো ইগুনোর্ এক্কো ধোক্ক্যেন্অ তে নিজোরে সাজেই ন-পারে।

লূকে লেখ্যে গম্ হবর্ 12:27

চিদে গুরি চঅ, ফুলুন্ কিবাবোত্যে গুরি দাঙর্ অন্। সিগুনে কাম্অ ন-গরন্ সূদোয়ো ন-কাবন্। মাত্তর্ মুই তমারে কঙর্, শলোমন রাজা এদক্ সয়-সাগোজ্যে ভিদিরে থেইনেয়ো ইগুনোর্ এক্কানর্‌‌‌অ নিজোরে সাজেই ন-পারে।