১ রাজাবলী 10:18 - Chakma Bible

¹⁸ ইয়েনর্ পরেন্দি রাজা এদো দাদর্‌ এক্কান্‌ দাঙর্‌ সিংহাসন বানেইনে গম্ সোনালোই সিয়েন বেড়েই দিলো।

১ রাজাবলী 10:18 ပူးပေါင်းရင်းမြစ်များ

১ রাজাবলী 10:19

সে সিংহাসনর সাঙুগানত্ ছগান পোইদ্যে এলঅ আর সিংহাসন পিজেন্দি উগুরেগান এলদে গুল্‌। বজিবার্‌ জাগানত্‌ দ্বিকিত্তেন্দি এলদে আঢ্ রাগোনিগান আর আঢ্ রাগাইদে কুরে এলদে থিয়্যেই থেইয়্যে সিংহ মূত্তি।

১ রাজাবলী 10:22

সাগরত্‌ হীরমর জাহাজ সমারে রাজারঅ দাঙর্‌ দাঙর্‌ তর্শীশ-জাহাজ এলঅ। পত্তি তিন বজর্‌ পর পর সে জাহাজছানি সোনা, রূবো, এদো দাত্, বান্দর আর বেবুন লোইনে ফিরি এদঅ।

১ রাজাবলী 22:39

আহাবর অন্য বেক্‌ কামর কধা, অত্তাৎ তে যিয়েনি গোজ্যে সে বেক্‌ কধানি, এদো দাত্তোই কাম্‌ গোজ্যে যে রাজঘরান্‌ তে বানেয়্যে সিয়েনর্‌ কধানি আর যে শঅরান্‌ তে দরমর গুরিনে তুল্যে সিয়েনর্‌ কধা “ইস্রায়েলর রাজাগুনোর্‌ বিজগ” নাঙে বোইবোত্‌ লেগা আঘে।

গীতসংহিতা 110:1

লগেপ্রভু মঅ গিরোজ্‌সোরে কোইয়্যেদে, “যেদক্কন সং মুই তঅ শত্রুগুনোরে তঅ টেঙত্ তলে ন-রাগাং, সেদক্কন্ সং তুই মঅ ডেনেন্দি বস।”

গীতসংহিতা 122:5

সিয়োদোই আঘে বিচেরর্ বেক্ সিংহাসনানি, দায়ূদো বংশগুনোর বিচেরর্ সিংহাসনানি।

গীতসংহিতা 45:6

ও গোজেন, তর্ সিংহাসনান্ জিংকানিবর থিদেবর্ গোজ্যে; তর্ শাজনান্ ন্যায়র শাজন্।

গীতসংহিতা 45:8

গন্ধরস, অগুরু আর দারচিনির তুম্বাজে তর্ রাজপোশাকে তুম্বাজ্ ওইয়্যে; এদোর্ দাত্ বোজেইনে রাজঘরত্ তার যন্ত্রলোই যে বাজনা বাজে সিয়েনে তরে হুজি গরে।

যিহিষ্কেল 27:6

তারা বাশন দেজর্ এলোন গাজত্তুন্ বানেয়োন তর্ পাঙেইয়ানি; সাইপ্রাসত্তুন্ তাশূর গাজ আনিনে তারা তর্ তক্তা বানেইনে এদো দাত্তোই সাজেয়োন্।

আমোষ 6:4

তুমি এ্যদো দাদর্ কাম গোজ্যে খাদত্ ঘুম যঅ আর তমা বিচ্ছোনত্ আল্‌‌সি গুরিনে কিয়্যেগান টানঅ। তমা পালত্তুন্ তুমি বেঈ লোইয়্যে ভেড়া ছঅ আর গোরু ছর্ য়েরা খঅ।

ইব্রীয় 1:3

গোজেনর্ বেক্‌ গুণানি সেই পুয়োবো ইধু আঘে; পুয়োবোই গোজেনর্ পুরো ফোটু ধোক্ক্যেন। পুয়োবো তার্ খেমতাবলা কধালোই বেক্কানি ধুরি রাগেইনে পরিচালনা গরে। মান্‌জ্যর পাপ্পানি দূর্ গরানার্ পরে পুয়োবো স্বর্গত্ মহান গোজেনর্ ডেন্ ধাগেদি বজিলো।

ইব্রীয় 1:8

মাত্তর্ পুয়োবো পৌইদ্যেনে গোজেনে কোইয়্যেদে, “ও গোজেন, তর্ সিংহাসনান্ উমরত্যে; তর্ শাসনান্ ন্যায়র্ শাসন।

ফগদাং পেইয়্যে 18:12

তারার সেই জিনিচ্চানি ভিদিরে আঘে-সনা, রূবো, মংগা পাথর আর মুক্তা; কচি মসীনার্ কাবড়, বিগুনী রংয়র্ কাবড়, রেশমী আর রাঙা কাবড়; নানান্ বাবোত্যে তুম্‌বাচ্‌ গাজ আর এদো দাতর্ বানেয়্যে নানান্ বাবোত্যে জিনিচ্‌; ভারী মংগা গাজ্‌চোই বানেয়্যে আর পিদোল, লুয়ো আর মার্বেল পাথরলোই বানেয়্যে নানান্ জিনিচ্‌;

ফগদাং পেইয়্যে 20:11

সিয়েন পরেদি মুই এক্কান দাঙর্ ধুব্ সিংহাসন আর সিয়েন উগুরে একজনরে বৈ থাগদে দেগিলুং। তা মুজুঙোত্তুন্ পিত্‌থিমীগান আর আগাজ্‌চান ধেই গেলঅ, তারার্ জাগায়ান আর কনমিক্ক্যে ন-থেলঅ।