১ রাজাবলী 10:13 - Chakma Bible

¹³ রাজা শলোমন দান ইজেবে শিবার রাণীরে ভালোক্কানি দিয়্যে। সিয়েনি বাদেয়ো রাণী যিয়েনি চেইয়্যে সিয়েনি বেক্কানি দিয়্যে। ইয়েনর্‌ পরেন্দি রাণী তা মানুচ্চুনোরে লোইনে নিজোর্‌ দেজত্‌ ফিরি গেলঅ।

১ রাজাবলী 10:13 ပူးပေါင်းရင်းမြစ်များ

মথি লেখ্যে গম্ হবর্ 15:28

সেক্কে যীশু তারে কলঅ, “যদবদে তঅ বিশ্বেজ্‌চান অমকদ বেশ্। তুই যেবাবোত্যে চাজ্ সেবাবোত্যে ওক্।” আর সেক্কে তা ঝিবো গম্ ওই গেলঅ।

গীতসংহিতা 37:4

লগেপ্রভুরে নিইনে রঙ্গ-ফুত্তিয়ে থাগ্; তর্ মন আওজ্‌ছান্ তেয়ই পূরেই দিবো।

গীতসংহিতা 20:4

তর্ মনর্ আওজ্‌‌ছানি তে পূরোণ গোরোক্, তর্ বেক্ সল্লাগানি তে ফোলেই দুয়োক্।

ইফিষীয় 3:20

আমা মনত্ গোজেনর্ যে খেমতাগান কাম্ গরের্ সেই খেমতা অনুসারে তে আমার চানা আর চিন্তেত্তুন্‌অ বোউত্ বেশ্ গুরি পারে।

১ রাজাবলী 10:2

তে ভালোক্কুন্‌ মানুচ্‌ আর উটসুমুত্তো যিরূশালেমত্‌ এইনে লুমিলো। উটতুনোর্‌ পিদিত্‌ এলঅ তুম্বাজ্‌ মজলা, ভালোক্কানি সোনা আর মানেক্‌। তে শলোমন ইদু এইনে তা মনত্‌ যিয়েনি এলঅ সিয়েনি বেক্কানি তারে কলঅ।

১ রাজাবলী 9:1

এধোক্ক্যেনগুরি শলোমনে লগেপ্রভুর ঘর, রাজঘর আর নিজোর্‌ আওজ্ মজিম্‌ যেদক্কানি কাম্‌ গুরিবাত্তে চেইয়্যে সিয়েনি থুম্‌ গুরিলো।

১ রাজাবলী 10:12

রাজা সে বেরস তক্তানিলোই লগেপ্রভুর ঘরর্‌ আর রাজঘরর্‌ রেলিং আর গানগেই্‌য়্যেগুনোত্তে বীণা আর সুরবাহার বানেল। এচ্ছে সং এদক্‌ বেরস তক্তা কনদিন্‌অ দেজত্‌ আনা ন-অয় আর দেগায়ো ন-যায়।

১ রাজাবলী 10:14

পত্তি বজর্‌ শলোমন ইদু যে সোনাগানি এদঅ সিয়েনির ভরান্ অলদে পেরায় ছাব্বিশ টন।

২ বংশধর 9:12

শিবার রাণী যিয়েন্‌ আওজ্ গুরিদো আর চেদঅ রাজা শলোমনে সিয়েনি বেক্কানি তারে দিলো। রাণী তাত্তেই যিয়েনি আন্যে তাত্তুন্‌ বেশ্‌ তে তারে দিলো। সে পরেন্দি রাণী তা মানুচ্চুনোরে লোইনে নিজোর্‌ দেজত্‌ ফিরি গেলঅ।