১ রাজাবলী 1:20 - Chakma Bible

²⁰ ও মর্‌ গিরোজ্‌ মহারাজ, বেক্‌ ইস্রায়েলর চোক্কুন্‌ তর্‌ উগুরে রোইয়্যে। তারা তত্তুন্‌ জানিবাত্তে চান্‌ তর্‌ পরেন্দি কন্না মর্‌ গিরোজ মহারাজর সিংহাসনত্‌ বুজিবো।

১ রাজাবলী 1:20 ပူးပေါင်းရင်းမြစ်များ

২ শমূয়েল 23:2

লগেপ্রভুর আত্মাগানে মঅ ভিদিরেন্দি কধা কর্‌, মঅ মুয়োনত্‌ আঘে তা কধাগান।

১ রাজাবলী 1:19

তে বোউত্‌ গোরু, পক্তামক্তা গোরু ছঅ আর ভেড়া উৎসর্ব গোজ্যে আর রাজার বেক্‌ পূঅগুনোরে, ধর্মগুরু অবিয়াথররে আর সেনাপতি যোয়াবরে বাত্যেয়্যে, মাত্তর্‌ তর্‌ চাগর্‌ শলোমনরে তে ন-বাত্যেই।

১ রাজাবলী 1:21

সিয়েন ন-অলে যেক্কে মর্‌ গিরোজ্‌ মহারাজ তার পূরোণিমানেইয়ূনো ইদু যেবগোই সেক্কে মরে আর মর্‌ পূঅ শলোমনরে দুষি বিলিনে ধরা অবঅ।”

১ বংশধর 28:10

ইক্কিনে মনযোগী অ, কিয়া তবনা গুরিবাত্তে এক্কান্‌ ঘর্‌ বানেবাত্তে লগেপ্রভু তরে বেঈ লোইয়্যে। তুই বোলী অ আর কাম্‌ গর্‌।”

১ বংশধর 29:1

রাজা দায়ূদে সে পরেন্দি বেক্‌ মানুচ্চুনোরে কলঅ, “মর্‌ পুয়োবো শলোমনরে গোজেনে বেঈ নেযেয়্যে; তার্‌ বয়জঅ বেজ্ ন-অয় আর অভিজ্ঞতায়ো কম্‌। এ কামান্‌ খুব দাঙর্, কিত্তে এ দাঙর্‌ ঘরান্‌ গোজেন লগেপ্রভুত্তে, কনঅ মান্‌জ্যত্তে নয়।

২ বংশধর 20:12

ও আমার্‌ গোজেন, তুই কি তারারে বিচের্‌ ন-গুরিবে? এই যে দাঙর্‌ সৈন্যদল্লো আমারে আক্রমণ গুরিবাত্তে এজের্‌ তারা মুজুঙো-মুজুঙি অবার্‌ বলান্‌ আমার নেই। কি গরা পুরিবো সিয়েন্‌ আমি ন-জানিই, মাত্তর্‌ আমি বানা তইন্দি চেই আগিই।”

গীতসংহিতা 123:2

গিরোজ্‌সো ইন্দি যেধোক্ক্যেন চাগরুনোর চোগ্ থায় আর চাগরানিগুনোর্ চোগ্‌কুন থান গিরোজ্‌সো মোক্কো আঢ্‌তান ইন্দি, সেধোক্ক্যেন আমা চোগ্‌কুন থেবদে গোজেন লগেপ্রভু ইন্দি, যেদকদিন সং তে আমারে দোয়্যে ন-গরে।

গীতসংহিতা 25:15

মর্ চোখকুনে নিত্য লগেপ্রভু ইন্দি আগন্, কিত্যে শিগেরীগুনো জালত্তুন্ তেয়ই মরে মর্ টেঙানি উদ্ধোর্ গুরিবো।

সখরিয় 3:9

ও যিহোশূয়, মুই তঅ মুজুঙোত্ এক্কো পাত্তর্ থোইয়োং। সেই পাত্তর্‌‌‌‌‌‌বো উগুরে সাত্‌তো চোগ্ আগন, আর তা উগুরে মুই এক্কান কধা খোদাই গুরিম আর মুই এক দিনে এ দেজর্ পাপ্‌‌‌‌‌‌‌পানি দূর গুরি দিম।‌‌‌‌