১ যোহন 3:6 - Chakma Bible

⁶ যিগুনে পাপত্ পড়ি থান্ সিগুনে খ্রীষ্টরে ন-দেগন আর নয়ো-জানন্।

১ যোহন 3:6 ပူးပေါင်းရင်းမြစ်များ

২ করিন্হীয় 3:18

ইয়েনত্যে আমি যিগুনে খ্রীষ্ট সমারে মিজেয়্যেই, আমি বেক্কুনে খুলো মুয়োদি আনাত্ দেখ্যে ফোটু ধোক্ক্যেন গুরি প্রভুর মহিমাগান্ দেগদে দেগদে নিজেয়ো মহিমায় বাড়ি উদিনে বুদুলি যেইনে তা ধোক্ক্যেন ওই যের্। প্রভুর, অত্তাৎ পবিত্র আত্মার্ খেমতালোই ইয়েন অয়।

২ করিন্হীয় 4:6

আমি এ কধানি প্রচার গুরির্, কিয়া যে কোইয়্যে, “আন্ধারত্তুন্ পহ্‌র ওক্”, সেই গোজেনে আমা রিবেঙত্ জ্বোল্ল্যে, যেন তার্ মহিমাগান্ বুঝিবার পহ্‌রান ফগদাং পায়। এই মহিমাগান্ খ্রীষ্টর্ মুয়োনত্ আঘে।

১ যোহন 2:28

পুয়োলগ্, সেনত্যে কঙর্, তুমি খ্রীষ্ট সমারে থাগঅ যেনে তে যেক্কে ফগদাং অবঅ সেক্কে আমার সাহচ্‌ থায় আর তে যেক্কে এবঅ সেক্কে তা মুজুঙোত্ আমার্ লাজে মুয়োনি লুগো ন-পরে।

১ যোহন 2:3

আমি যুনি তার বেক্‌ উগুমানি পালেই সালে আমি ঘেচ্চ্যেকগুরি বুঝি পারিবোং যে, আমি তারে চিন্ন্যেই।

১ যোহন 2:4

যে কয়, “মুই তারে চিন্নোং,” অদচ তা উগুমানি পালন ন-গরে তে মিজে মাদিয়্যে; তা ভিদিরে সত্যগান নেই।

১ যোহন 3:2

পরাণর্ পুয়ো-ছাগুন, ইক্কিনে আমি গোজেনর্ পুয়ো, মাত্তর্ যেরেদি কি অবং সিয়েন এজঅ ফগদাং ন-অয়। মাত্তর্ আমি কোই পারিই, খ্রীষ্ট যেক্কে ফগদাং অবঅ সেক্কে আমি তা ধোক্ক্যেন অবং, কিয়া তে আজলে যেধোক্ক্যেন, সেই চেঙেরালোই আমি তারে দেগিবোং।

১ যোহন 3:9

গোজেনত্তুন্ যিবের্ জর্ম ওইয়্যে তে পাপত্ পড়ি ন-থায়, কিয়া গোজেনর্ খাচ্চ্যত্ তা ভিদিরে থায়। গোজেনত্তুন্ জর্ম ওইয়্যে বিলিনে তে পাপত্ পড়ি থেই ন-পারে।

১ যোহন 4:8

যিগুনোর্ মনভিদিরে কোচ্‌পানা নেই সিগুনে গোজেনরে ন-জানন্, কিয়া গোজেনে নিজেই কোচ্‌পানা।

১ যোহন 5:18

আমি কোই পারিই, গোজেনত্তুন্ যিবের জর্ম ওইয়্যে তে পাপত্ পড়ি ন-থায়। যিবে গোজেনত্তুন্ জোর্মেয়্যে তেয়ই তারে রোক্ষ্যে গরে, আর শদানে তারে ধুরি ন-পারে।

৩ যোহন 1:11

পরাণর্ সমাজ্জ্যেগুন, ভান্ন্যেয়র্ পিজেদি ন-যেইনে বরং গমঅ পিজেদি আঢঅ। যে গম কাম গরে তে গোজেনর্ মানুচ্‌; আর যে ভান্ন্যেই কাম গরে তে গোজেনরে ন-দেগে।