১ যোহন 3:23 - Chakma Bible

²³ তার্ উগুমান ইয়েন-আমি যেন তার্ পুয়ো যীশু খ্রীষ্ট উগুরে বিশ্বেজ্ গুরিই আর একজন আরেকজনরে কোচ্‌পেই। এই উগুমানই তে আমারে দিয়্যে।

১ যোহন 3:23 ပူးပေါင်းရင်းမြစ်များ

গীতসংহিতা 2:12

তুমি সেই পুয়োবোরে সর্মান দেগেইনে চুমো, যেনে তে তমা উগুরে বেজার্ ন-অয় আর আঢি যাদে তুমি ভস্ত ওই ন-যঅ; কিত্যে চোগো মুজুঙোত্ তা রাগ্‌কান জুলি উদি পারে। বর্ পেইয়্যে সিগুন, যিগুনে তাইদু আশ্রয় নেযান।

মথি লেখ্যে গম্ হবর্ 22:39

সে পরেদি দরকারী উগুমান্ পত্তমান ধোক্ক্যেন্- ‘তমা পাড়াল্যেগুনোরে নিজো ধোক্ক্যেন্ কোচ্‌পেবা।’

মার্ক 9:7

সে পরেদি এক্কান মেঘ এইনে তারারে ছাবালোই নাঢি ফেলেল, আর সে মেঘ্‌‌কানত্তুন্ এ কধাগান শুনো গেলঅ, “ইবে মর্ কোচ্‌‌পেইয়্যে পুয়ো, তুমি ইবে কধা শুনো।”

যোহন 1:12

মাত্তর্ যেদক্‌জনে তা উগুরে বিশ্বেজ্ গুরিনে তারে গুজি ললাক্ তারারে বেক্কুনোরে তে গোজেনর্ পুয়ো অবার্ অধিকারান্ দিলো।

যোহন 13:34

এক্কান্ নুয়ো উগুম্ মুই তমারে দোঙর্-তুমি একজন আরেকজনরে কোচ্‌পেইয়ো। মুই যেধোক্ক্যেন্ তমারে কোচ্‌পেইয়োং সেধোক্ক্যেন্ তুমিয়ো একজন আরেকজনরে কোচ্‌পেইয়ো।

যোহন 14:1

“তমা মনানি যেন আর থির্ নেইয়্যে ন-অয়। গোজেন উগুরে বিশ্বেজ্ গরঅ, মঅ উগুরেয়ো বিশ্বেজ্ গরঅ।

যোহন 15:12

মঅ উগুমান্ ইয়েন, মুই যেবাবোত্যেগুরি তমারে কোচ্‌পেইয়োং, সেবাবোত্যেগুরি তুমিয়ো একজন আরেক জনরে কোচ্‌পেইয়ো।

যোহন 17:3

তরে, মানে এক্কো গুরি সত্য গোজেনরে আর তুই যিবেরে দিপাধেয়োচ্ সেই যীশু খ্রীষ্টরে হবর্ পানাই অলঅ উমর্‌অ জিংকানি।

যোহন 2:23

উদ্ধোর্-পরব সময় যীশু যিরূশালেমত্ থেইনে যেদক্কানি আমক্ অবার্ কাম্ গোজ্যে সিয়েনি দেগিনে ভালোক্ জনে তা উগুরে বিশ্বেজ্ গুরিলাক্।

যোহন 3:18

যে সেই পুয়োবো উগুরে বিশ্বেজ্ গরে তার্ কনঅ বিচের্ ন-অয়, মাত্তর্ যে বিশ্বেজ্ ন-গরে তারে দুষি বিলি আগেত্তুন্ ধুরি ঠিগ্ গরা ওইয়্যে, কিয়া তে গোজেনর্ বানা এক্কোগুরি পুয়ো উগুরে বিশ্বেজ্ ন-গরে।

যোহন 6:29

যীশু তারারে কলঅ, “গোজেনে যিবেরে পাধেয়্যে তা উগুরে বিশ্বেজ্ গরানা অলঅ গোজেনর্ কাম্।”

প্রেরিত্‌ 16:31

তারা কলাক্, “তুই আর তঅ পরিবার প্রভু যীশু উগুরে বিশ্বেজ্ গরঅ, সালে পাপত্তুন্ উদ্ধোর্ পেবা।”

ইফিষীয় 5:2

খ্রীষ্ট যেধোক্ক্যেন গুরি আমারে কোচ্‌পেইয়্যে আর আমাত্যে গোজেনর্ উদ্দেচ্চ্যে তুমবাচ্‌‌‌‌বলা উৎসর্ব ইজেবে নিজোরে দিয়্যে, ঠিগ সেবাবোত্যেগুরি তুমিয়ো কোচ্‌পানার পধেদি চলঅ।

১ থিষলনীকীয় 4:9

ভেইয়ো উগুরে ভেইয়োর্ কোচ্‌পানা পৌইদ্যেনে তমা ইধু কিজু লিগিবার দরকার নেই, কিয়া গোজেনে তমারে একজন আরেকজনরে কোচ্‌পেবাত্যে শিগেয়্যে।

১ তীমথিয় 1:15

এ কধাগান বিশ্বেজ্‌বলা আর পুরোপুরি গুরিনে মানি লবার্‌অ যগাজ্জ্যে যে, পাপত্তুন্ পাপীগুনোরে উদ্ধোর্ গুরিবাত্যে খ্রীষ্ট যীশু জগদত্ এচ্চ্যে।

১ পিতর 1:22

ইক্কিনে সত্যগানরে মানি লোইনে তুমি তমার মনানরে সিজি গোজ্জ্য, আর সেনত্যে বিশ্বেজি ভেইয়ুনে তমা ইধু এদক্ পরাণর্। সেনত্যে কঙত্তে, তুমি একজন আরেকজনরে মনে-পরাণে গভীন্ গুরিনে কোচ্‌পেইয়ো।

১ পিতর 4:8

আর বেগত্তুন্ দাঙর্ কধাগান অলঅ, তুমি একজন আরেকজনরে যদবদে কোচ্‌পেইয়ো, কিয়া কোচ্‌পানাগানে ভালক্কানি পাপরে ঢাগি রাগায়।

১ যোহন 2:7

কোচ্‌পেইয়্যে পুয়ো-ছাগুন, মুই তমা ইধু কনঅ নুয়ো উগুমোর্ কধা ন-লেগঙর্, বরং পত্তমত্তুন্ ধুরি যে উগুমান এলঅ সেই পুরোণি উগুমানর্ কধা লেগঙর্। তুমি যে কধাগান আগে শুন্ন্য সিয়েনই সেই পুরোণি উগুমান।

১ যোহন 3:11

যে কধাগান তুমি পত্তমত্তুন্ ধুরি শুনি এজর্ সিয়েন এবাবোত্যে-আমার একজন আরেকজনরে কোচ্‌পানা উচিত।

১ যোহন 4:15

যে কেঅ স্বীগের্ গরে যীশু গোজেনর্ পুয়ো, গোজেনে তা ভিদিরে থায় আর তেয়ো গোজেন সমারে থায়।

১ যোহন 4:21

আমি তাত্তুন্ এই উগুমান পেইয়্যেইদে যে, গোজেনরে যিগুনে কোচ্‌পান তারা যেন ভেইয়োরেয়ো কোচ্‌পান।

১ যোহন 5:13

তুমি যিগুনে গোজেন পুয়োবো উগুরে বিশ্বেজ্ গরঅ, তমা ইধু মুই ইয়েনি লিগিলুং যেনে তুমি হবর্ পঅ যে, তুমি উমর্‌অ জিংকানি পেইয়ো।