১ যোহন 3:11 - Chakma Bible

¹¹ যে কধাগান তুমি পত্তমত্তুন্ ধুরি শুনি এজর্ সিয়েন এবাবোত্যে-আমার একজন আরেকজনরে কোচ্‌পানা উচিত।

১ যোহন 3:11 ပူးပေါင်းရင်းမြစ်များ

যোহন 13:4

ইয়েনত্যে তে হানাগান্ থোইনে উদিলো আর উগুরেদি কাবড়ান্ খুলি ফেলেইনে এক্কান্ গান্‌জাকানি লোইনে ফার্‌বোত্ বেড়েল।

যোহন 15:12

মঅ উগুমান্ ইয়েন, মুই যেবাবোত্যেগুরি তমারে কোচ্‌পেইয়োং, সেবাবোত্যেগুরি তুমিয়ো একজন আরেক জনরে কোচ্‌পেইয়ো।

গালাতীয় 6:2

তুমি একজন আরেকজনর্ ভারান্ ভুগি লোইয়ো। এবাবোত্যেগুরি তুমি খ্রীষ্টর্ সুদোমানি পালেই পারিবা।

ইফিষীয় 5:2

খ্রীষ্ট যেধোক্ক্যেন গুরি আমারে কোচ্‌পেইয়্যে আর আমাত্যে গোজেনর্ উদ্দেচ্চ্যে তুমবাচ্‌‌‌‌বলা উৎসর্ব ইজেবে নিজোরে দিয়্যে, ঠিগ সেবাবোত্যেগুরি তুমিয়ো কোচ্‌পানার পধেদি চলঅ।

১ থিষলনীকীয় 4:9

ভেইয়ো উগুরে ভেইয়োর্ কোচ্‌পানা পৌইদ্যেনে তমা ইধু কিজু লিগিবার দরকার নেই, কিয়া গোজেনে তমারে একজন আরেকজনরে কোচ্‌পেবাত্যে শিগেয়্যে।

১ তীমথিয় 1:5

এ উগুমানর্ উদ্দেচ্য অলঅ কোচ্‌পানা জাগেই তুলোনা। এ কোচ্‌পানাগান খাটি মন, সাব্ বিবেক আর আজল্ বিশ্বেজত্তুন্ এজে।

১ পিতর 1:22

ইক্কিনে সত্যগানরে মানি লোইনে তুমি তমার মনানরে সিজি গোজ্জ্য, আর সেনত্যে বিশ্বেজি ভেইয়ুনে তমা ইধু এদক্ পরাণর্। সেনত্যে কঙত্তে, তুমি একজন আরেকজনরে মনে-পরাণে গভীন্ গুরিনে কোচ্‌পেইয়ো।

১ পিতর 3:8

শেজদি কং, তমার বেক্কুনো মনানি যেন একবাবোত্যে অয়। তুমি একজন আরেকজনর্ দুঘে দুঘ্ পঅ, ভেইয়ো ধোক্ক্যেন কোচ্‌‌পানার মনভাব রাগঅ আর দোয়্যেলু আহ্ চিদে অ।

১ পিতর 4:8

আর বেগত্তুন্ দাঙর্ কধাগান অলঅ, তুমি একজন আরেকজনরে যদবদে কোচ্‌পেইয়ো, কিয়া কোচ্‌পানাগানে ভালক্কানি পাপরে ঢাগি রাগায়।

১ যোহন 1:5

আমি যে কধাগান যীশু খ্রীষ্টত্তুন্ শুনিনে তমারে জানের্ সিয়েন অলঅ গোজেন পহ্‌রান; সিয়েন ভিদিরে আন্ধার্ বিলিনে কিচ্চু নেই।

১ যোহন 4:11

কোচ্‌পেইয়্যে পুয়ো-ছা লগ্, গোজেনে যেক্কে এবাবোত্যেগুরি আমারে কোচ্‌পেইয়্যে সেক্কে আমার্‌অ একজন আরেকজনরে কোচ্‌পানা উচিত।

১ যোহন 4:21

আমি তাত্তুন্ এই উগুমান পেইয়্যেইদে যে, গোজেনরে যিগুনে কোচ্‌পান তারা যেন ভেইয়োরেয়ো কোচ্‌পান।

১ যোহন 4:7

কোচ্‌পেইয়্যে পুয়ো-ছা লগ্, আমি যেন একজন আরেকজনরে কোচ্‌পেই, কিয়া কোচ্‌পানাগান গোজেনত্তুন্ এজে। তারা মনভিদিরে কোচ্‌পানা আঘে, গোজেনত্তুন্ তারার্ জর্ম ওইয়্যে আর সিগুনে গোজেনরে চিনোন্।

২ যোহন 1:5

আমি যেন একজন আরেকজনরে কোচ্‌পেই, ইয়েনই অলঅ তইধু মর্ কোজোলি। কোচ্‌পেইয়্যে বোন্নো, মুই যিয়েন লেগঙর্ সিয়েন কনঅ নুয়ো উগুম নয়, বরং এ উগুমান আমি পৌইল্যাত্তুন্ ধুরি পেইয়্যেই।