১ করিন্হীয় 9:26 - Chakma Bible

²⁶ সেনত্তে উদ্দেচ্চ্য নেইয়্যে গুরি মুই ধাবা ন-দোঙর্। যিগুনে খালি জাগাত্ আঘাত্ গুরিনে আঢ্‌তোই যুদ্ধো গরন্ মুই তারা ধোক্ক্যেন নয়।

১ করিন্হীয় 9:26 ပူးပေါင်းရင်းမြစ်များ

মথি লেখ্যে গম্ হবর্ 11:12

বাপ্তিষ্মদিয়্যে যোহন সময়ত্তুন্ ধুরি তা ফগদাং গোজ্জ্যে হবরান ইক্কিনে সং স্বর্গ-রেজ্যগান জদবদে জোরে উজেই এজের্, আর যিগুনে উগ্র তারা সিয়েন্ ধুরি আঘন্।

লূকে লেখ্যে গম্ হবর্ 13:24

চিগোন্ দুয়োরদি সুমিবাত্যে জদবদে চেষ্টা গরঅ। মুই তমারে কঙর্, ভালোক্‌জনে সুমিবাত্যে চেষ্টা গুরিবাক্ মাত্তর্ ন-পারিবাক্।

১ করিন্হীয় 14:9

ঠিগ্ সেবাবোত্যেগুরি যে ভাষা মানুচ্চুনে ন-বুঝোন্ তুমি যুনি সেই ভাষায় কধা কঅ সালে তুমি যিয়েন কঅ সিয়েন কেধোক্ক্যেন গুরি বুঝো যেবঅ? কিয়া সেক্কে যে কধানি তুমি কঅ সিয়েনি দঅ বোইয়্যের ইধু কঅ।

২ করিন্হীয় 5:1

আমি এ কধাগান্ কোই পারিই যে, এ পিত্‌থিমীত যে তাম্বুলানত্ আমি বজত্তি গুরির্, অত্তাৎ যে বল্‌পোজ্যে কিয়্যেগানিলোই আমি আঘিই সিয়েন যুনি বর্‌বাদ ওই যায় তো গোজেনর্ দিয়্যে এক্কান্ ঘর আমার আঘে। এ ঘরান্ মান্‌জ্যর্ আঢে বানেইয়্যে নয়, সিয়েন স্বর্গত্ উমরত্যে আঘে।

২ করিন্হীয় 5:8

আমাত্তুন্ সাহচ্‌ আঘে আর আমি কিয়্যেগানি ঘরত্তুন্ দূর্ ওইনে প্রভু সমারে বজত্তি গরানা গম্ মনে গুরিই।

গালাতীয় 2:2

গোজেনর্ আওজ্‌চান ফগদাং অনার্ পরেদি মুই সিধু গেলুং। যে গম হবরান্ মুই অযিহূদীগুনো ইধু প্রচার গুরি থাং সিয়েন কলুং। মন্ডলীর গণ্যমান্য মানুচ্চুনো ইধু সিয়েনি বেক্কানি ভিদিরে ভিদিরে কলুং, কিয়া মর্ দর্ লাগেত্তে, অয়ত মুই অনত্তক্ কাম গরঙর্ বা গোজ্জ্যং।

ইফিষীয় 6:12

আমার্ এ যুদ্ধোগান দঅ কনঅ মান্‌জ্যর বিরুদ্ধে নয়, বরং সিয়েন আন্ধার রেজ্যর্ বেক শাসনগুরিয়্যে আর খেমতার্ অধিকারীগুনোর বিরুদ্ধে, আন্ধার জগদর্ খেমতাবলা আত্মাগুনোর্ বিরুদ্ধে, আর আগাজর্ বেক ভান্ন্যেই আত্মাগুনোর বিরুদ্ধে।

ফিলিপীয় 1:21

কিয়া মর্ পক্ষে জিংকানি অলঅ খ্রীষ্ট আর মরণান্ অলঅ লাভ।

কলসীয় 1:29

এই উদ্দেচ্চ্যগান্দোই গোজেনে যে দাঙর্ খেমতাগানে মঅ ভিদিরে কাম গোজ্জ্যে সেই খেমতা মজিম মুই জদবদে কাম্ গরঙর্।

২ তীমথিয় 1:12

ইয়েনত্যে মুই এ দুঘ্‌কানি ভুগোঙর্; তো মুই ন-লাজাঙর্, কিয়া মুই কোই পারং মুই কা উগুরে বিশ্বেজ্ গোজ্জ্যং। মুই ঘেচ্চ্যেকগুরি কোই পারং, মুই তা ইধু যিয়েনি থোইয়োং খ্রীষ্টর এবার দিন্নোত্যে সিয়েনি রোক্ষ্যে গুরিবার খেমতা তার্ আঘে।

২ তীমথিয় 2:5

সেবাবোত্যে গুরি জিদেজিত্যে খারাত্ মিজেইনে কেঅ যুনি সুদোম মজিম ন-খেলে সালে তে জিদেনার্ মালাবো ন-পায়।

২ তীমথিয় 4:7

খ্রীষ্টর্ পক্ষে মুই মনে-পরাণে যুদ্ধ গোজ্জ্যং, মত্যে ঠিগ্ গোজ্জ্যে পধ্‌তানর্ থুম্ সং ধাবা দুয়োং আর খ্রীষ্টীয় ধর্ম-বিশ্বেজ্‌চানরে ধুরি রাগেয়োং।

ইব্রীয় 12:1

সালে দেগা যাত্তে, গোজেন উগুরে বিশ্বেজর্ সাক্ষী ইজেবে বোউত্ মানুচ্‌ আমা চেরোকিত্যেদি ঝাগ্ গুরি আঘন্। ইয়েনত্যে এজঅ, আমি পত্তি ঝাগুলুগ্ জিনিস আর যে পাপ্পানিয়ে সহজে আমারে বেড়েকোরে ধুরিনে সিয়েনিরে দূরোত্ ঠেলি দিইনে মুজুঙেদি জিদেজিত্যে ধাবাদেনাত্ ধৈয্য ধুরিনে ধাবা দিই।

ইব্রীয় 4:1

গোজেনর দিয়্যে জিরেবার জাগানত্ যেবার যে এগেমান্ এলঅ সেই এগেমান্ আমাত্যেয়ো খাদে। সেনত্যে আমার উজিয়ার উয়ো পরিবো, যেন কেঅ সেই এগেম্ গোজ্জ্যে বর্ পানার্ যোগ্য নয় বিলি দেগা ন-যায়।

১ পিতর 5:1

মুই খ্রীষ্টর্ দুঘ্ ভুগোনার সাক্ষী আর খ্রীষ্টর্ যে মহিমা ফগদাং অবঅ সিয়েনর্ ভাগী। সেনত্যে তমা ভিদিরে যিগুনে মন্ডলীর আজল্ নেতা তারারে মুই আর এক্কো আজল্ নেতা ইজেবে এ উপদেচ্‌‌চান দোঙর্-

২ পিতর 1:10

ইয়েনত্যে ভেইলগ, গোজেনে যে ঘেচ্চ্যেকগুরি তমারে ডাক্ক্যে আর বেঈ লোইয়্যে সিয়েন যদবদে অবাত্যে আরঅ বেচ্ আওজি অ। ইয়েনি গুরিলে তুমি কনদিনঅ উজোট্ ন-হেবা।

বিচের গুরিয়্যেগুন 3:2

ইস্রায়েলীয়গুনোর গুট্টিগুনে যিগুনে আগেন্দি কনঅ‌ দিনঅ যুদ্ধো ন-গরন্‌ তারারে যুদ্ধোর্‌ পৌইদ্যেনে শিক্ষিত গুরি তুলিবাত্তে তে সেধোক্কেন্‌ গুরিলো।