১ করিন্হীয় 9:22 - Chakma Bible

²² যিগুনোর্ বিশ্বেজ্ কম্ তারা ইধু মুই সেবাবোত্যে মান্‌জ্য ধোক্ক্যেন ওইয়োং, যেন খ্রীষ্টত্যে তারারে পুরোপুরি গুরিনে জিদি পারং। আজল্ কধা, মুই বেক্কুনো ইধু বেক্কানি ওইয়োং যেন যে কনঅ বাবদে কিজু মন্‌জ্যরে উদ্ধোর্ গুরি পারং।

১ করিন্হীয় 9:22 ပူးပေါင်းရင်းမြစ်များ

রোমীয় 11:14

ইয়েন্দোই যেন মুই মঅ নিজো জাদর্ মানুচ্চুনোরে আওজ্ জাগেইনে তারাত্তুন্ কয়েক্কো মান্‌জ্যরে উদ্ধোর্ গুরি পারং।

রোমীয় 14:1

বিশ্বাজে যে মন্‌মরা তারে আপন গুরি নেয; তা কধাগান্দোই তা সমারে তর্কাতর্কি ন-গোজ্য।

রোমীয় 14:2

কেঅ কেঅ মনে গরন্ তে বেক্কানি হেই পারে, মাত্তর্ যে বিশ্বেজদি দুর্বল তে বানা শাক্-পাত্ খায়।

রোমীয় 15:1

আমি যিগুনে বিশ্বেজদি ঠিগ্, আমি যেন নিজোরে হুজি গরানা ইন্দি চোগ্ ন-দিইনে কম্ বিশ্বেজিগুনোর্ দুর্বলানি সোজ্জ্য গুরিই।

রোমীয় 15:2

বিশ্বেজি ভেইয়োরে গোড়েই তুলিবার আজায় আমি পত্তিজনে যেন তার্ ভালেদিত্যে তারে হুজি গুরিই।

১ করিন্হীয় 7:16

মিলেবো, তুই কেধোক্ক্যেন গুরি কোই পারচ্ যে, তঅ নেক্কোরে তুই উদ্ধোর্ গুরি ন-পারিবে? মরত্তো, তুই কেধোক্ক্যেন গুরি কোই পারচ্ যে, তঅ মোক্কোরে তুই উদ্ধোর্ গুরি ন-পারিবে?

১ করিন্হীয় 8:13

হানাত্তে যুনি মঅ ভেইবো পাপত্ পড়ে সালে মঅ ভেইবো যাতে পাপত্ ন-পড়ে সেনত্তে মুই য়েরা হানা ছাড়ি দিম।

১ করিন্হীয় 9:19

যুনিয়ো মুই কারঅ চাগর্ নয় তো মুই নিজোরে বেক্কুনোর্ চাগর্ বানেয়োং, যেন ভালোক্ জনরে খ্রীষ্টত্যে জিদি পারং।

১ করিন্হীয় 9:23

ইয়েনি বেক্কানি মুই গম্ হবরত্যে গরঙর্ যেন ইয়েনর্ আশিদ্‌বাদর ভাগি ওই পারং।

২ করিন্হীয় 11:29

কেঅ বল্‌‌পোজ্যে অলে মুই কি তার্ বল্‌‌পোজ্যেগানর্ ভাগি ন-অং? কারঅ কারনে কেঅ পাপত্ পড়িলে মুই কি মনত্ জ্বালা ন-পাং?

গালাতীয় 6:1

ভেইলগ্, তমাত্তুন্ যুনি কেঅ অঢাদত্ কনঅ পাপত্ পড়ে, সালে তুমি যিগুনে পবিত্র আত্মার্ অধীনোত্ আঢাউদো গরর্ তুমি তারে তুলি আন্ন্য। মাত্তর্ ভারী নরম মনভাব্‌পোই তুমি এ কামান্ গোজ্জ্য আর নিজো পৌইদ্যেনে উজিয়ার্ থেয়ো, যেন তুমিয়ো পাপত্ ন-পড়।