১ করিন্হীয় 9:14 - Chakma Bible

¹⁴ ঠিগ্ সেবাবোত্যেগুরি প্রভু উগুম্ দিয়্যে, যিগুনে গম্ হবর্ প্রচার্ গরন তারা যেন সিয়েনত্তুন্ হানা-উরোনা পান্।

১ করিন্হীয় 9:14 ပူးပေါင်းရင်းမြစ်များ

মথি লেখ্যে গম্ হবর্ 10:10

পদত্তে কনঅ বাবোত্যে থৈল্যে, দ্বিবে সিলুম, জদা বা লুদিক্অ ন-নেযেয়ো, কিয়া যে কাম্ গরে তে হানা-উরোনা পেবার্ যোগ্য।

লূকে লেখ্যে গম্ হবর্ 10:7

সেই ঘরানত্ থেয়ো আর তারা যিয়েন্ দুয়োন্ সিয়েনই হেয়ো, কিয়া যে কাম্ গরে তে বেতন্ পেবার্ যগাজ্যে। এক্কান্ ঘর্ ফেলেইনে অন্য ঘরত্ ন-যেয়ো।

লূকে লেখ্যে গম্ হবর্ 10:8

যুনি কনঅ আদামত্ যঅ আর সিদুগো মানুচ্চুনে তমারে মানি লন্ সালে তমারে যিয়েনি হেবাত্তে দিয়্যে অয় সিয়েনি হেয়ো।

প্রেরিত্‌ 18:3

তারা ধোক্ক্যেন্ তেয়ো তাম্বুল বানাইদ্যে কাম্ গত্ত বিলি তারা সমারে থেইনে কাম্ গরা ধুরিলো।

১ করিন্হীয় 4:15

খ্রীষ্ট পৌইদ্যেনে শিক্ষ্যে দিবার্ মানুচ্‌ অয়ত তমার্ আজার আজার থেই পারন, মাত্তর্ বাপ্ তমার ভালোক্কুন্ নেই; মুয়ই গম হবরর্ মাধ্যমে খ্রীষ্টীয় জিংকানিত্ তমার বাপ্ ওইয়োং।

১ করিন্হীয় 9:11

আমি যেক্কে তমা ভিদিরে আত্মিক বীজি লাগেইয়্যেই সেক্কে তমাত্তুন্ যুনি জাগতিক্ হানা-উরোনা থুবোং সালে সিয়েন কি ভারী বেশ্ কিজু?

১ করিন্হীয় 9:12

এ পৌইদ্যেনে তমা উগুরে যুনি অন্যগুনোর্ দাবি থায় সালে আমার্ কি সিয়েন আরঅ বেশ্ গুরি ন-থেবঅ? মাত্তর্ আমি সেই দাবিগান কামত্ ন-লাগেই বরং বেক্কানি সোজ্জ্য গুরির্, যেন খ্রীষ্ট পৌইদ্যেনে গম্ হবর্ প্রচার পধত্ আমি কনঅ কাঙেলেত্যে ন-ওই।

১ করিন্হীয় 9:16

মুই গম্ হবর্ প্রচার গরঙর্ সত্য, মাত্তর্ সিয়েনত্যে মর্ বাঈনী গুরিবার কিচ্চু নেই, কিয়া মত্তুন্ সিয়েন গরা পুরিবো। দুর্ভাগ্গ্য মর্, যুনি মুই সেই গম্ হবরান্ প্রচার ন-গরং!

১ করিন্হীয় 9:4

আমার্ হানা-দানা গুরিবার্ অধিকার কি নেই?

২ করিন্হীয় 2:12

মুই ত্রোয়া শঅরত্ খ্রীষ্ট পৌইদ্যেনে গম্ হবর্ প্রচার গুরিবাত্যে যেইনে দেগিলুং, সিধু কাম্ গুরিবাত্যে প্রভু মরে এক্কো জু গুরি দিয়্যে।

গালাতীয় 6:6

যিবেরে গোজেনর্ কধা শিক্ষ্যে দিয়্যে অয় তে যেন তা মাষ্টরবোরে তার্ বেক্‌ গম জিনিস্‌চানির্ ভাগ্ দে।

১ থিষলনীকীয় 1:5

কিয়া আমার ফগদাং গোজ্জ্যে গম্ হবরান বানা কধালোই তমা ইধু ন-এজে, মাত্তর্ সিয়েন খেমতা, পবিত্র আত্মা আর পুরোপুরি নিচ্চিত্ গুরি এচ্চ্যে। তমা সমারে থেবার অক্তত্ তমার ভালেদিত্যে আমি কেধোক্ক্যেন গুরিনে আঢাউদো গোজ্জ্যেই সিয়েন তুমি কোই পারঅ।