১ করিন্হীয় 9:12 - Chakma Bible

¹² এ পৌইদ্যেনে তমা উগুরে যুনি অন্যগুনোর্ দাবি থায় সালে আমার্ কি সিয়েন আরঅ বেশ্ গুরি ন-থেবঅ? মাত্তর্ আমি সেই দাবিগান কামত্ ন-লাগেই বরং বেক্কানি সোজ্জ্য গুরির্, যেন খ্রীষ্ট পৌইদ্যেনে গম্ হবর্ প্রচার পধত্ আমি কনঅ কাঙেলেত্যে ন-ওই।

১ করিন্হীয় 9:12 ပူးပေါင်းရင်းမြစ်များ

পত্থম 24:56

সে চাগর্‌বো তারে কলঅ, “লগেপ্রভু যেক্কে মর্‌ এ যাত্রাবো গম্‌ গোজ্যে সেক্কে মরে আর্ ধুরি ন রাগেয়ো। মরে বিদেয় দুয়ো যেনে মুই মর্‌ গিরোজ্‌সো ইধু ফিরি যেই পারং।”

নহিমিয় 4:8

তারা বেক্কুনে মিলিনে এ কুজুরোমিগান্‌ গুরিলাক্‌, তারা যেইনে যিরূশালেমর বিরুদ্ধে যুদ্ধো গুরিবাক্‌ আর বেজাল্‌ আরাম্ভ গুরি দিবাক্‌।

লূকে লেখ্যে গম্ হবর্ 11:52

“ধর্ম-মাষ্টরুন তমাত্যে কত্তমান দর্‌গরেপারা! তুমি জ্ঞানর্ চাবি নেযেয়ো। নিজেয়ো ভিদিরে ন-সমঅ আর যিগুনে ভিদিরে সুমিবাত্তে চেইয়োন্ তারারেয়ো সোমেবাত্তে ন-দুয়ো।”

প্রেরিত্‌ 18:3

তারা ধোক্ক্যেন্ তেয়ো তাম্বুল বানাইদ্যে কাম্ গত্ত বিলি তারা সমারে থেইনে কাম্ গরা ধুরিলো।

রোমীয় 15:22

ইয়েনত্যে মুই তমা ইধু ভালোক্ বার্ যেবাত্তে চেইনেয়ো যেই ন-পারং।

১ করিন্হীয় 13:7

কোচ্‌পানাগানে বেক্কানি সোজ্জ্য গরে, বেক্কুনোরে বিশ্বেজ্ গত্তে আয়োজি, বেক্কানিত্ আজা রাগায় আর বেক্ অবস্থাত্ থির্ থায়।

১ করিন্হীয় 6:7

আসলে তুমি যে একজন অারেক জন বিরুদ্ধে মামলা-মগদ্দমা গরর্ সিয়েন্দোই ইয়েন প্রমাণ অত্তে যে, তুমি উদি যেয়ো। সিয়েনত্তুন্ বরং অন্যেয়ানি সোজ্জ্য ন-গরঅ কিত্ত্যে? ন-ঠুগিলা কিত্ত্যে?

১ করিন্হীয় 9:14

ঠিগ্ সেবাবোত্যেগুরি প্রভু উগুম্ দিয়্যে, যিগুনে গম্ হবর্ প্রচার্ গরন তারা যেন সিয়েনত্তুন্ হানা-উরোনা পান্।

১ করিন্হীয় 9:15

মাত্তর্ মুই ইয়েনির কনঅ কিছু ভোগ্ ন-গরং। তুমি যাতে মত্তে এবাবোত্যে বেবস্থা গরঅ সেনত্তে মুই এ কধাগান্ ন-লেগঙর্। আসলে মর্ এ দেমাগ্‌‌কান যুনি কেঅ মিজে গুরি দে সালে সিয়েনত্তুন্ মর্ মরণান্ বোউত্ গম্।

১ করিন্হীয় 9:16

মুই গম্ হবর্ প্রচার গরঙর্ সত্য, মাত্তর্ সিয়েনত্যে মর্ বাঈনী গুরিবার কিচ্চু নেই, কিয়া মত্তুন্ সিয়েন গরা পুরিবো। দুর্ভাগ্গ্য মর্, যুনি মুই সেই গম্ হবরান্ প্রচার ন-গরং!

১ করিন্হীয় 9:18

সালে মঅ বক্‌‌শিজ্‌‌চান কি? সেই বক্‌‌শিজ্‌‌চান ইয়েন, মুই যেক্কে গম্ হবর্ প্রচার গরং সেক্কে সিয়েনর্ বদলে মর্ যিয়েন পাওনা আঘে সিয়েন ভোগ্ ন-গুরিনে মাগানা মুই সেই কামান্ গুরি পারং।

১ করিন্হীয় 9:2

অন্যগুনে যুনি মরে প্রচারক্ বিলিনে স্বীগের্ নয়ো-গরন্ তো তুমি অন্তত: সিয়েন স্বীগের্ গুরিবা। তুমি যে প্রভুর্ মানুচ্‌ ওইয়ো সিয়েনই মর্ প্রচারক্-পদর্ প্রমাণ।

২ করিন্হীয় 11:12

যিগুনে তারার্ দেমাগ বেপার্‌লোই নিজোরে আমার সং সং বিলিনে দেগেবাত্যে চান্ তারা যেন সে জু-বো ন-পান্ সেনত্যে মুই যিয়েন গরঙর্ সিয়েন গরানাত্ থেম্।

২ করিন্হীয় 11:20

বানা সিয়েন নয়, যুনি কেঅ তমারে চাগর্ বানায়, তমারে বেক্কুনোরে ভস্ত গরে, তমারে ফালত্ ফেলায়, তমার্ গিরোজ্ অয় বা তমারে চুগোড়্ মারে, তুমি সিয়েনিয়ো সোজ্জ্য গরঅ।

২ করিন্হীয় 2:12

মুই ত্রোয়া শঅরত্ খ্রীষ্ট পৌইদ্যেনে গম্ হবর্ প্রচার গুরিবাত্যে যেইনে দেগিলুং, সিধু কাম্ গুরিবাত্যে প্রভু মরে এক্কো জু গুরি দিয়্যে।

২ করিন্হীয় 6:3

খ্রীষ্টত্যে আমি যে কাম্ গুরিই সিয়েনর যেন বদ্‌‌নাঙ্ ন-অয় সেনত্তে আমি এমন্‌ কিজু ন-গুরির্ যিয়েনর কারনে কেঅ কনঅ বাবদে মনত্ দুঘ্ ন-পান্।