১ করিন্হীয় 8:9 - Chakma Bible

⁹ মাত্তর্ উজিয়ার্! যিগুনোর বিশ্বেজ্ নরম, তমার্ এই স্বাধীনতাগান তারা ইধু যেন পাপর্ কারন ন-অয়।

১ করিন্হীয় 8:9 ပူးပေါင်းရင်းမြစ်များ

যিশাইয় 35:3

যিগুনে বল্‌পোজ্যে তারার আঢ্‌তানি দরমর গরঅ; গির্‌গিরেইদ্যে আডুগুন্ ঠিগ্ গরঅ।

যিশাইয় 57:14

লগেপ্রভু কবঅ, “পথ্‌তান বানঅ, বানঅ, সিয়েন যুক্কোল্ গরঅ। মঅ মানুচ্চুনো মুজুঙোত্তুন্ বেক্ যাগুলুক্কানি সোরেই ফেলঅ‌‌‌‌‌।”

যিহিষ্কেল 14:3

ও মান্‌জ্যর্ পুয়োবো, এ মানুচ্চুনে তারার্ মন ভিদিরে মূত্তি থিদেবর্ গুরিনে পাপত্ পড়েদে ধোক্ক্যেন জিনিস তারা মুজুঙোত্ রাগেয়্যে। সেনত্তে মইধু যুনি তারা কনঅ কিজু পুযোর্ গরন সালে মুই তারারে জোব্ ন-দিম।

যিহিষ্কেল 44:12

মাত্তর্ তারা মূত্তিগুনো মুজুঙোত্ মানুচ্চুনোরে সেবা গোজ্যন্ আর ইস্রায়েল জাদরে পাপত্ ফেল্যন, সেনত্তে মুই প্রভু লগেপ্রভু শমক্ গোজ্যং, তারার্ পাপর্ ফল তারাত্তুন ভুগো পড়িবো।

লেবীয় 19:14

যে কানদি ন-শুনে তারে অভিশাব ন-দিবা বা যে চোগেদি ন-দেগে তার্‌ পদ্থানদি উজোত্‌ খাইদে ধোক্ক্যেন কনঅ জিনিস্ ন-থবা। তুমি তমার গোজেনরে ভোক্তিগুরি দোরেইনে চলিবা। মুই লগেপ্রভু।

মথি লেখ্যে গম্ হবর্ 18:10

চেয়ো, তুমি যেন এ চিগোন্ গুরোগুনো ভিদিরে একজনরেয়ো ঈচ্ ন-গরঅ। মুই তমারে কঙর্, স্বর্গত্ তারার্ দূত্‌তুনে নিত্য মঅ স্বর্গর্ বাপ্পো মুয়োন্ দেগদন্।

রোমীয় 15:1

আমি যিগুনে বিশ্বেজদি ঠিগ্, আমি যেন নিজোরে হুজি গরানা ইন্দি চোগ্ ন-দিইনে কম্ বিশ্বেজিগুনোর্ দুর্বলানি সোজ্জ্য গুরিই।

১ করিন্হীয় 10:24

কেঅ তার নিজোর্ মংগল চেষ্টা ন-গোরোক্ বরং পত্তিজনে অন্যর্ মংগল চেষ্টা গোরোক্।

১ করিন্হীয় 10:28

মাত্তর্ যুনি কেঅ তমারে কয়, ইয়েন মূত্তিবো ইধু উৎসর্ব গরা ওইয়্যে, সালে যে সিয়েন কোইয়্যে তাত্যে আর বিবেগত্যে সিয়েন ন-হেইয়ো।

১ করিন্হীয় 10:29

মুই তমার্ বিবেগর্ কধা ন-কঙর্, অন্য মান্‌জ্যর বিবেগর্ কধা কঙর্। মাত্তর্ অন্য এক্কো মান্‌জ্যর বিবেগত্যে কিত্ত্যে মর্ স্বাধীনতাত্ আঢ দিয়্যে অবঅ?

১ করিন্হীয় 10:32

মুই যেবাবোত্যে গুরি বেক্‌ মান্‌জ্যরে নানান্ বাবোত্যে গুরি হুজি গুরিবাত্তে চেষ্টা গরং তুমিয়ো সেবাবোত্যে গরঅ; অত্তাৎ যিহূদী বা অযিহূদী বা গোজেন মন্ডলীর মানুচ্চুনোর পধত্ কাঙেলেত্যে ন-গোজ্জ্য। মুই নিজোর্ মংগল চেষ্টা ন-গুরিনে ভালোক জনর্ মংগলর্ চেষ্টা গরং যেন তারা পাপত্তুন্ উদ্ধোর্ পান্।

১ করিন্হীয় 8:10

তর্ দঅ জ্ঞান আঘে, মাত্তর্ যিবের্ বিবেক নরম তে যুনি তরে দেবেদা মন্দিরোত্ বৈইনে হাদে দেগে সালে তেয়ো কি মূত্তি ইধু উৎসর্ব-গোজ্জ্যে হানা হেবাত্তে উচ্চোমি ন-পেবঅ?

১ করিন্হীয় 8:12

এবাবোত্যেগুরি তুমি তমা ভেইয়ুনো বিরুদ্ধে পাপ গুরিনে যেক্কে তারার নরম বিবেগত্ আঘাত দুয়ো সেক্কে তুমি আজলে খ্রীষ্টর্ বিরুদ্ধে পাপ গরঅ।

১ করিন্হীয় 9:22

যিগুনোর্ বিশ্বেজ্ কম্ তারা ইধু মুই সেবাবোত্যে মান্‌জ্য ধোক্ক্যেন ওইয়োং, যেন খ্রীষ্টত্যে তারারে পুরোপুরি গুরিনে জিদি পারং। আজল্ কধা, মুই বেক্কুনো ইধু বেক্কানি ওইয়োং যেন যে কনঅ বাবদে কিজু মন্‌জ্যরে উদ্ধোর্ গুরি পারং।

২ করিন্হীয় 11:21

মুই লাজেইনে হাম্ কাঙর্, ইয়েনি বেক্কানি পৌইদ্যেনে আমি তমা উগুরে দর্ দর্ ভাব এলং। যিয়েনিলোই অন্যগুনে বাড়্ গরদে সাহস গরন্ মুইও সিয়েনিলোই বাড়্ গরদে সাহস গরং; এ কধাগান মুই বেদমা ধোক্ক্যেন কঙর্।

২ করিন্হীয় 11:29

কেঅ বল্‌‌পোজ্যে অলে মুই কি তার্ বল্‌‌পোজ্যেগানর্ ভাগি ন-অং? কারঅ কারনে কেঅ পাপত্ পড়িলে মুই কি মনত্ জ্বালা ন-পাং?

২ করিন্হীয় 6:3

খ্রীষ্টত্যে আমি যে কাম্ গুরিই সিয়েনর যেন বদ্‌‌নাঙ্ ন-অয় সেনত্তে আমি এমন্‌ কিজু ন-গুরির্ যিয়েনর কারনে কেঅ কনঅ বাবদে মনত্ দুঘ্ ন-পান্।

গালাতীয় 5:13

ভেইলগ্, স্বাধীন অবাত্যে দঅ গোজেনে তমারে ডাক্ক্যে। মাত্তর্ তমার পাপ খাচ্চ্যদর্ আওজ্‌চানি পূরেবাত্যে এই স্বাধীনতাগান্ বেবহার ন-গোজ্জ্য। তাত্তুন্ বরং কোচ্‌পানার মনভাব্‌পোই একজন অারেক্ জনরে সেবা গরঅ,

কলসীয় 2:8

তুমি উজিয়ার্ অ, যেন কেঅ মান্‌জ্যর পাম্‌দিয়্যে ছলনাবলা দর্শনর্ শিক্ষ্যেলোই তমারে বন্দী ইজেবে টানি নেযেই ন-পারে। খ্রীষ্ট লগে সেই শিক্ষ্যের্ কনঅ মিল্ নেই; মান্‌জ্যর্ বানেইয়্যে সুদোম আর জগদর্ নানান্ রীতিনীতি উগুরে সিয়েনি নির্ভর গরে।

১ পিতর 2:16

স্বাধীন মানুচ্‌ ইজেবে জিংকানি কাদঅ, মাত্তর্ সদান কামানি ঢাগিবাত্যে সেই স্বাধীনতাগান বেহবার ন-গোজ্জ্য। সিয়েনর বদলে গোজেনর্ চাগর ইজেবে জিংকানি কাদঅ।

২ পিতর 2:19

সেই ফক্কর্ মাষ্টরুনে সেই মানুচ্চুনোর্ স্বাধীনতা দেনার এগেম্ গরন সত্য, মাত্তর্ নিজে জঘন্য কামর চাগর্ ওইনে থান; কিয়া কেঅ যুনি কনঅ কিজু ইধু ন-জিদোন সালে তে তার চাগর্ অয়।

ফগদাং পেইয়্যে 2:14

মাত্তর্ তো তঅ বিরুদ্ধে মর্ কিজু কবার আঘে। তইধু এমন্‌ মানুচ্চুন আঘন যিগুনে বিলিয়মর শিক্ষ্যে মজিম চলন্। বালাক রাজারে বিলিয়মে শিক্ষ্যে দিয়্যে যেনে তে মূত্তি মুজুঙোত্ উৎসর্ব গোজ্জ্যে হেবার হানা আর পর্‌পাগোল্যে অনালোই ইস্রায়েলীয়গুনোরে পাপ পধেদি নেযায়।