১ করিন্হীয় 8:13 - Chakma Bible

¹³ হানাত্তে যুনি মঅ ভেইবো পাপত্ পড়ে সালে মঅ ভেইবো যাতে পাপত্ ন-পড়ে সেনত্তে মুই য়েরা হানা ছাড়ি দিম।

১ করিন্হীয় 8:13 ပူးပေါင်းရင်းမြစ်များ

মথি লেখ্যে গম্ হবর্ 17:27

মাত্তর্ আমা বেবহারে খাজানা-তুলিয়্যেগুনে যেন অগমান্ ন-পান্ ইয়েনত্তে তুই সাগরত্ যেইনে বুড়্‌শি ফেলা, আর পত্তমে যে মাছ্‌‌চো উদিবো সিবের্ মুয়োন্ খুলিলে এক্কো রূবোর্ দীনার্ পেবে। সিবে লোইনে তর্ আর মর্ খাজানাগুন্ দি আয়।”

প্রেরিত্‌ 15:20

সিয়েনত্তুন্ বরং আমি তারা ইধু এ কধাগান লিগিই যে, তারা যেন মূত্তি সমারে এগত্তর্ বেক্কানিত্তুন্ আর বেক্‌ সিনেলিত্তুন্ দূরোত্ থান্, আর তদা চিবিনে মাজ্যে য়েমান য়েরা আর লো যেন তারা ন-খান্।

রোমীয় 14:13

ইয়েনত্তে আমি যেন একজন আরেক্ জনরে দুষ্ ন-ধুরিই, বরং এমন্‌ কনঅ কাম্ ন-গুরিবোং বিলিনে ঠিগ্ গুরিই, যিয়েন দেগিনে কনঅ ভেই মনত্ যাগুলুক্ পায় বা পাপত্ পড়িই পারে।

রোমীয় 14:21

য়েরা হানা, আঙ্গুর রচ্‌ হানা বা এমন্‌ কিজু গরানা উজিত্ নয় যেনে তর্ কনঅ ভেই মনত্ সিয়োংচমা ন-অয়।

১ করিন্হীয় 10:32

মুই যেবাবোত্যে গুরি বেক্‌ মান্‌জ্যরে নানান্ বাবোত্যে গুরি হুজি গুরিবাত্তে চেষ্টা গরং তুমিয়ো সেবাবোত্যে গরঅ; অত্তাৎ যিহূদী বা অযিহূদী বা গোজেন মন্ডলীর মানুচ্চুনোর পধত্ কাঙেলেত্যে ন-গোজ্জ্য। মুই নিজোর্ মংগল চেষ্টা ন-গুরিনে ভালোক জনর্ মংগলর্ চেষ্টা গরং যেন তারা পাপত্তুন্ উদ্ধোর্ পান্।

১ করিন্হীয় 13:5

ভান্ন্যেই বেবহার ন-গরে, নিজোর্ সুবিধের্ চেষ্টা ন-গরে, রাগ্ ন-গরে, কারঅ ভান্ন্যেই বেবহারর্ কধা মনত্ ন-রাগায়,

১ করিন্হীয় 6:12

কেঅ কেঅ কন্, “কনঅ কিজু গরানা মর্ পক্ষে অনুচিত নয়।” সিয়েন থিক্, মাত্তর্ বেক্কানি যে মান্‌জ্যর্ উপকার্ গরে, সিয়েন নয়। কনঅ কিজু গরানা মর্ পক্ষে অনুচিত নয় সত্য, মাত্তর্ মুই কনঅ কিচ্চুর্ চাগর্ ন-ওম্।

১ করিন্হীয় 9:12

এ পৌইদ্যেনে তমা উগুরে যুনি অন্যগুনোর্ দাবি থায় সালে আমার্ কি সিয়েন আরঅ বেশ্ গুরি ন-থেবঅ? মাত্তর্ আমি সেই দাবিগান কামত্ ন-লাগেই বরং বেক্কানি সোজ্জ্য গুরির্, যেন খ্রীষ্ট পৌইদ্যেনে গম্ হবর্ প্রচার পধত্ আমি কনঅ কাঙেলেত্যে ন-ওই।

২ করিন্হীয় 11:29

কেঅ বল্‌‌পোজ্যে অলে মুই কি তার্ বল্‌‌পোজ্যেগানর্ ভাগি ন-অং? কারঅ কারনে কেঅ পাপত্ পড়িলে মুই কি মনত্ জ্বালা ন-পাং?

২ করিন্হীয় 6:3

খ্রীষ্টত্যে আমি যে কাম্ গুরিই সিয়েনর যেন বদ্‌‌নাঙ্ ন-অয় সেনত্তে আমি এমন্‌ কিজু ন-গুরির্ যিয়েনর কারনে কেঅ কনঅ বাবদে মনত্ দুঘ্ ন-পান্।