১ করিন্হীয় 7:5 - Chakma Bible

⁵ একজন আরেকজন সমারে কিয়্যেদি মিজেবাত্তে মানা ন-গোজ্জ্য; মাত্তর্ বানা তবনা গুরিবার্ সুযোগ্ পেবাত্তে একমত ওইনে কিজু সময়োত্তে ফারগ্ থেই পারঅ। সে পরেদি আরঅ একসমারে মিজেয়ো, যেন নিজোরে দমনর্ অভাবে শদানে তমারে পাপ ইন্দি টানি ন-পারে।

১ করিন্হীয় 7:5 ပူးပေါင်းရင်းမြစ်များ

যাত্রা 19:15

সে পরেন্দি মোশি তারারে কলঅ‌, “তিন দিনোত্যেই তুমি যুগোল্‌ অ। এই সময়ান ভিদিরে তুমি কনজনে মোক্কুনো সমারে ন-মিজেবা।”

যাত্রা 21:10

সেই গিরোজ্‌সো সেই চাগরানিবোরে মোক্‌ লনার্‌ পরেন্দিয়ো যুনি অন্য কাররে লয়্‌ তো তে তার্‌ হেবার্‌-থেবার্‌, কাবড়-চুগোর্‌ দেদে বাধ্য থেবঅ‌ আর কিয়্যেত্‌ তার্‌ যিয়েনি পেবার্‌ সিয়েনি তারে দিয়্যে পরিবো।

যোয়েল 2:16

মানুচ্চুনোরে এগত্তর্ গুরিনে গোজেন নাঙে তারারে যুদো গর্; বুড়ো নেতাগুনোরে এক জাগাত্ ডাগ্, যিগুনে বুগো দুধ হান্ তারারে আর পুয়ো-ঝিগুনোরে এগত্তর্ গর্। নুয়ো বৌ নুয়ো জামেয় ঘর ফেলেই এত্তোক্।

সখরিয় 7:3

তারা বেগত্তুন্ খেমতাবলা লগেপ্রভু ঘরর্ ধর্মগুরুগুনোরে আর ভাববাদীগুনোরে এ কধাগান পুযোর্ গুরিবাত্তে পাদেল, “আমি এদক্ বজর্ যেবাবোত্যেগুরি এচ্চ্যেই সেবাবোত্যে কি পাচ্ মাসত্ আবিলেচ্ গুরিবোং বা উবোস্ থেবং?”

মথি লেখ্যে গম্ হবর্ 17:21

তবনা আর উবোস্ বাদে এবাবোত্যে ভুদোরে নিগিলে দি ন-পারে।

মথি লেখ্যে গম্ হবর্ 19:11

যীশু তারারে কলঅ, “বেক্কুনে এ কধাগান মানি লোই ন-পারন্; বানা যিগুনোরে সেই খেমতাগান্ দিয়্যে ওইয়্যে তারা সিয়েন্ মানি লোই পারন্।

মথি লেখ্যে গম্ হবর্ 4:10

সেক্কে যীশু তারে কলঅ, “দূর্ অ, শদান্। পবিত্র বোইবোত্ লেগা আঘে, তুই তর্ প্রভু গোজেনরে ভোক্তি গুরিবে, বানা তারে সেবা গুরিবে।”

১ করিন্হীয় 7:4

মোক্কোর্ কিয়্যেগান তার্ নিজোর্ নয়, তা নেক্কোর্। এবাবোত্যেগুরি নেক্কোর্ কিয়্যেগান তার্ নিজোর্ নয়, তা মোক্কোর্।

১ থিষলনীকীয় 3:5

সেনত্যে মুই যেক্কে আর সোজ্জ্য গুরি ন-পারিলুং সেক্কে বিশ্বেজ্ ইন্দিত্তুন্ তুমি কি অবস্থায় আঘঅ সিয়েন জানেবাত্যে তীমথিয়রে পাধেয়োং। মত্তুন্ দর্ গরেত্তে, অয়ত শদানে তমারে লুভ্ দেগেয়্যে আর আমার কামানি বেক্কানি ব্যত্ত ওই যেইয়্যে।