১ করিন্হীয় 7:39 - Chakma Bible

³⁹ নেক্কো যেদকদিন বাঁজি থায় সেদক দিন মোক্কো তাইধু বান্ন্যে থায়। মাত্তর্ যুনি নেক্কো মুরি যায় সালে তে যিবেরে আওজ্ সিবেরে লোই পারে, খালিক্ সে মানুচ্চো যেন প্রভুর্ অয়।

১ করিন্হীয় 7:39 ပူးပေါင်းရင်းမြစ်များ

মালাখি 2:11

যিহূদা বেঈমানী গোজ্যে। ইস্রায়েলত্ আর যিরূশালেমত্ জঘন্য কাম্ গরা ওইয়্যে। যিহূদার মানুচ্চুনে দেবেদা পূজিয়্যে মিলেগুনোরে লোইনে লগেপ্রভু যিগুনোরে কোচ্‌‌‌পায় তারারে অসিজি গোজ্যে।

১ করিন্হীয় 7:10

যিগুনোর্ মেলা ওইয়্যে তারারে মুই এ উগুমান দোঙর্-খালিক্ মুই ন-দোঙর্, প্রভুই দের্-মোক্কো যেন নেগত্তুন্ ন-যায়ই।

১ করিন্হীয় 7:15

মাত্তর্ যুনি সেই অবিশ্বেজি নেক্কো বা মোক্কো যেবাত্তে চায় সালে তে যোক্। এবাবোত্যে অবস্থায় সেই বিশ্বেজি ভেই বা বোন্নো কনঅ বানা-বান্যের্ মধ্যে ন-থায়। গোজেনে দঅ আমারে সুগে-শান্দিয়্যে থেবাত্তে ডাক্ক্যে।

১ করিন্হীয় 7:38

সালে দেগা যায়, যে তা ঝিবোরে বৌ দে তে গম্ কাম্ গরে, আর যে তারে বৌ ন-দে তে আরঅ গম্ কাম গরে।