১ করিন্হীয় 7:36 - Chakma Bible

³⁶ যুনি কেঅ মনে গরে তে তার্ গাবুর্ মিলেবো উগুরে গম্ বেবহার ন-গরের্, যুনি মিলেবোর্ বৌ দেনার্ বয়স পার্ ওই যাইদ্যে ধোক্ক্যেন অয় আর যুনি তে তারে বৌ দিবার দরকার্ মনে গরে, সালে তে নিজোর্ আওজ্ মজিম কাম্ গোরোক্। মিলেবোর্ মেলা ওক্, সিয়েনত্ কনঅ পাপ ন-অয়।

১ করিন্হীয় 7:36 ပူးပေါင်းရင်းမြစ်များ

যিরমিয় 29:6

বৌ লোইনে পুয়ো-ছার্ জর্ম দুয়ো; তমা পুয়ো-ঝিগুনোরে মেলা গুরি দুয়ো যেনে তারার্‌‍অ পুয়ো-ছা অয়। সিয়েনত্ তমা মানুচ্চুন বাড়েবা, ন-কোমেবা।

মথি লেখ্যে গম্ হবর্ 1:18

যীশু খ্রীষ্টর্ জর্ম এবাবোত্যেগুরি ওইয়্যে। যোষেফ সমারে যীশুর মা মরিয়মর বৌ ঠিগ্ ওইয়্যে, মাত্তর্ তারা একসমারে থেবার্ আগেদি পবিত্র আত্মার্ খেমতালোই মরিয়মে পিদিলী ওইয়্যে।

মথি লেখ্যে গম্ হবর্ 5:40

যে কনজনে তঅ সিলুম্মো নিবাত্তে মগদ্দমা গুরিবাত্তে চায় তারে তর্ কাবরান্অ নিবাত্তে দিস্।

১ করিন্হীয় 7:35

এ কধাগান মুই তমার্ মংগলত্যে কঙর্। মুই তমারে ধরানা-মানা গরানা ভিদিরে রাগেবাত্যে সিয়েনি ন-কঙর্, বরং যিয়েন গরানা উচিত্ আর গম্ সিয়েন গুরিবাত্তে তমারে উচ্চোমি দোঙর্, যেন তুমি পুরো মনান্দোই প্রভুরে সেবা গুরি পারঅ।

১ করিন্হীয় 7:37

মাত্তর্ যে মান্‌জ্যর মনান্ থির্, যিবে উগুরে কনঅ চাপ নেই বিলি তে নিজোর্ আওজ্ মজিম কাম্ গুরি পারে, তে যুনি তা ঝিবোরে বৌ ন-দিয়্যে গুরি রাগেব বিলি ঠিগ্ গুরি থায় সালে তে গম্ কাম গরে।

১ করিন্হীয় 7:9

মাত্তর্ যুনি তারা নিজোরে দোঙেই ন-পারন্ সালে নেক্ লোদোক্, কিয়া কিয়্যেগানর্ কামনায় জ্বলিনে-পুড়িনে মরানাত্তুন্ বরং নেক্ লনা বোউত্ গম্।

১ শমূয়েল 2:33

তো তর্‌ বংশর বেক্কুনোরে মুই মর্‌ পূজোবোত্তুন বাদ ন-দিম যেনে তারাত্যে চোগো পানিলোই তর্‌ দিগিবার খেমতাগান্ কুমি যায় আর তুই মনত্‌ দুঘ পাজ্; আর তর্‌ বংশর বেক্‌ মানুচ্চুনে গাবুজ্যে বয়জত্‌ মুরি যেবাক্।