১ করিন্হীয় 7:35 - Chakma Bible

³⁵ এ কধাগান মুই তমার্ মংগলত্যে কঙর্। মুই তমারে ধরানা-মানা গরানা ভিদিরে রাগেবাত্যে সিয়েনি ন-কঙর্, বরং যিয়েন গরানা উচিত্ আর গম্ সিয়েন গুরিবাত্তে তমারে উচ্চোমি দোঙর্, যেন তুমি পুরো মনান্দোই প্রভুরে সেবা গুরি পারঅ।

১ করিন্হীয় 7:35 ပူးပေါင်းရင်းမြစ်များ

মথি লেখ্যে গম্ হবর্ 19:12

কেঅ কেঅ গুজোং ওইনে জর্মান্, সেনত্তে তারা মোগ্ ন-লন্। আর কাররে কাররে মান্‌জ্যে গুজোং গরন্, সেনত্তে তারা মোগ্ ন-লন্। আরঅ এমন্ কেঅ কেঅ আগন্ যিগুনে স্বর্গ-রেজ্যত্তে মোগ্ ন-লবাক্ বিলি মনান্ থির্ গরন্। যে এ কধাগান মানি লোই পারে তে মানি নেযোক্।”

মথি লেখ্যে গম্ হবর্ 22:15

সেক্কে ফরীশীগুনে গেলাক্কোই আর কেধোক্ক্যেন্ গুরি যীশুরে তা কধা ফালত্ ফেলা যায় সে সল্লাগান্ গরা ধুরিলাক্।

লূকে লেখ্যে গম্ হবর্ 21:34

“তুমি উজিয়ার্ থেয়ো যেন তমা মনানি ওলোমোত্ত্য, মাত্তলে ধুরিনে আর সংসারর্ চিদেলোই লুঙি ন-পড়। সিয়েন ন-অলে ফাল্ যেবাবোত্যেগুরি অদাদত্ বানা যায় সেবাবোত্যেগুরি অদাদত্ সে দিন্নো তমা উগুরে, এমন কি, পিত্‌থিমীর বেক্ মানুচ্চুনো উগুরে এইনে পুড়িবো।

লূকে লেখ্যে গম্ হবর্ 8:14

কাদা ঝুবো ভিদিরে পোজ্যে বীজ্‌চুনোর্ মাধ্যমে সিগুনো পৌইদ্যেনে কুয়ো ওইয়্যে যিগুনে সিয়েনি শুনোন্, মাত্তর্ জিংকানির-পধত্ যাদে যাদে সংসারর্ চিদে-চজ্জালোই, ধন-সোম্বোত্তি আর সুগে থাগদে থাগদে সিয়েনি চাপা পড়ি যায়। সেক্কে তারা জিংকানিত্ কনঅ পাগানা ফল দেগা ন-যায়।

১ করিন্হীয় 7:2

মাত্তর্ চেরোকিত্তে বোউত্ বেভিচের্ অর্, সেনত্তে পত্তি মরদর্ নিজোর্ মোক্ থোক্ আর পত্তি মিলের্ নিজোর্ নেক্ থোক্।

১ করিন্হীয় 7:28

মাত্তর্ মোগ্ যুনি তুই লস্ সালে তর্ কনঅ পাপ ন-অয়। কনঅ গাবুর্ মিলে যুনি নেক্ লয় সালে সিয়েন্অ পাপ ন-অয়। মাত্তর্ যিগুনে লন্ সিগুনে এ সংসারত্ দুঘ্ পেবাক্, আর মুই এ বেক্কানিত্তুন্ তমারে রেহাই দিবাত্তে চাঙর্।

১ করিন্হীয় 7:36

যুনি কেঅ মনে গরে তে তার্ গাবুর্ মিলেবো উগুরে গম্ বেবহার ন-গরের্, যুনি মিলেবোর্ বৌ দেনার্ বয়স পার্ ওই যাইদ্যে ধোক্ক্যেন অয় আর যুনি তে তারে বৌ দিবার দরকার্ মনে গরে, সালে তে নিজোর্ আওজ্ মজিম কাম্ গোরোক্। মিলেবোর্ মেলা ওক্, সিয়েনত্ কনঅ পাপ ন-অয়।

ইফিষীয় 5:3

কনঅ বাবোত্যে সিনেলী, অসিজি আর লুভোর্ কধা যেন তমা ইধু শুনো ন-যায়, কিয়া এ বেক্‌ কধানি গোজেন মানুচ্চুনোর ন-মানায়।

ফিলিপীয় 4:8

যেরেদি কং, ভেইলগ্, যিয়েন সত্য, যিয়েন যগাজ্জ্যে, যিয়েন গম্, যিয়েন খাটি, যিয়েন-দোল্, যিয়েন সর্মান পেবার যগাজ্জ্যে, আজল্ কধা যিয়েন গম্ আর নাঙ্ গিনিবার্, সিন্দি তুমি মনানি দুয়ো।

১ তীমথিয় 1:10

যিগুনে সিনেলী গরন, যিগুনে সমকামী, যিগুনে চাগর বেবসা গরন্, যিগুনে মিজে কধা কন্ আর মিজে সাক্ষি দুয়োন, আর যিগুনে সত্য শিক্ষ্যের বিরুদ্ধে অন্য কনঅ কাম্ গরন।

তীত 2:3

সেবাবোত্যেগুরি বুড়ো মিলেগুনোরে কবে, তারার্ চাল্‌চলনত যেন গোজেন উগুরে ভোক্তি থায় আর তারা যেন গম শিক্ষ্যে দুয়োন। পররে নিন্দে গরানা বা মাত্তল্ অনা তারার্ উচিত নয়।