১ করিন্হীয় 7:28 - Chakma Bible

²⁸ মাত্তর্ মোগ্ যুনি তুই লস্ সালে তর্ কনঅ পাপ ন-অয়। কনঅ গাবুর্ মিলে যুনি নেক্ লয় সালে সিয়েন্অ পাপ ন-অয়। মাত্তর্ যিগুনে লন্ সিগুনে এ সংসারত্ দুঘ্ পেবাক্, আর মুই এ বেক্কানিত্তুন্ তমারে রেহাই দিবাত্তে চাঙর্।

১ করিন্হীয় 7:28 ပူးပေါင်းရင်းမြစ်များ

মথি লেখ্যে গম্ হবর্ 5:32

মাত্তর্ মুই তমারে কঙর্, যুনি কনজনে বেভিচের দুষ্ বাদে অন্য কনঅ কারনে মোগোরে ছাড়ি দে তে তারে বেভিচারিনি বানায়। আর যিবেরে ছাড়ি দিয়্যে ওইয়্যে সে মিলেবোরে যে লয় তেয়ো বেভিচের্ গরে।

১ করিন্হীয় 7:26

যে অমকদ দুঘোর্ সময় এজের্ সিয়েনত্তে মর্ মনে অয় তুমি যে যেধোক্ক্যেন আঘ সেবাবোত্যে থানা গম্।

১ করিন্হীয় 7:27

তর্ কি মোগ্ আঘে? সালে মোগরে ছাড়ি দিবার্ চেষ্টা ন-গুরিচ্। তর্ কি মোগ্ নেই? সালে মোগ্ লবার্ চেষ্টা ন-গুরিচ্।

১ করিন্হীয় 7:29

ভেইলগ্, যে কধাগান মুই তমারে কবাত্তে চাঙর্ সিয়েন এ-সময়ত্ ভারী কম্। সেনত্তে ইক্কেত্তুন্ ধুরি এমন্‌ গুরিনে চলানা দরকার যে, যিগুনোর্ মোগ্ আঘে তারার্ যেন মোগ্ নেই;

২ করিন্হীয় 1:23

মঅ জিংকানিগানর্ নাঙে শমক্ হেইনে মুই গোজেনরে সাক্ষী রাগেইনে কঙর্, সাজাত্তুন্ তমারে রেহাই দিবাত্যে মুই করিন্থ শঅরত্ ফিরি ন-যাং।

ইব্রীয় 13:4

পত্তিজনে যেন জড়া সুগুলোং বানানা বেপারান্ সর্মানর্ চোগেদি দেগন্। নেক্-মোগোর্ ভিদিরে জড়া সুগুলোং বানানা বেপারান পবিত্র রাগানা উজিত্, কিয়া যে কনঅ বাবোত্যে পর্‌পাগোল্যে অদঅ সাৎ, যিগুনে সেই দুষে দুষী গোজেনে তারারে সাজা দিবো।