১ করিন্হীয় 7:22 - Chakma Bible

²² চাগর্ থানা অবস্থায় প্রভু যারে ডাক্ক্যে তে প্রভুলোই স্বাধীন ওইয়্যে। সেবাবোত্যে যারে স্বাধীন অবস্থায় ডাগা ওইয়্যে তে খ্রীষ্টর্ চাগর্ ওইয়্যে।

১ করিন্হীয় 7:22 ပူးပေါင်းရင်းမြစ်များ

গীতসংহিতা 116:16

ও লগেপ্রভু, ঘেচ্চেক্‌গুরি মুই তঅ চাগর্, তর্ চাগর, তঅ চাগরানিবোর পুয়ো; তুয়ই মর্ বান্যেগান খুলি দুয়োচ্।

রোমীয় 1:1

10 মুই খ্রীষ্ট যীশুর্ চাগর্ পৌল রোম শঅরর্ বিশ্বেজিগুনো ইধু এ চিধিগান্ লেগঙর্। তার প্রচারক্ অবাত্যে গোজেনে মরে ডাক্ক্যে আর তার দিয়্যে গম্ হবরান্ প্রচার গুরিবাত্যে বেঈ লোইয়্যে।

১ করিন্হীয় 7:21

তরে যেক্কে ডাগা ওইয়্যে সেক্কে কি তুই চাগর্ এলে? সেনত্তে দুঘ্ ন-পেইচ্; খালিক্ যুনি স্বাধীন অবার্ জু পাচ্ সালে সিয়েন মানি লঅ।

১ করিন্হীয় 9:19

যুনিয়ো মুই কারঅ চাগর্ নয় তো মুই নিজোরে বেক্কুনোর্ চাগর্ বানেয়োং, যেন ভালোক্ জনরে খ্রীষ্টত্যে জিদি পারং।

১ করিন্হীয় 9:21

আরঅ আইন-কানুনো বারেদি যিগুনে আঘন্ তারারে জিদিবাত্তে মুই আইন-কানুনো বারেদি থেইয়্যে মান্‌জ্য ধোক্ক্যেন ওইয়োং। খালিক্ ইয়েনর্ মানে ইয়েন নয় যে, মুই গোজেনর্ দিয়্যে আইন-কানুনো বারেদি আঘং; মুই দঅ খ্রীষ্টর্ আইনোর্ অধীনোত্ আঘং।

গালাতীয় 1:10

মুই ইয়েনত্ কার প্রশংসা পেবার চেষ্টা গরঙর্, মান্‌জ্যর না গোজেনর্? না কি মান্‌জ্যরে হুজী গুরিবার চেষ্টা গরঙর্? মুই যুনি এজঅ মান্‌জ্যরে হুজী গুরিবার চেষ্টা গরং সালে দঅ মুই খ্রীষ্টর্ চাগর নয়।

গালাতীয় 5:1

খ্রীষ্ট আমারে স্বাধীন গোজ্জ্যে যেন আমি স্বাধীন থেই পারিই। সেনত্যে তুমি থির্ থাগঅ, যেন কেঅ আরঅ তমারে চাগর্ বানেই ন-পারে।

গালাতীয় 5:13

ভেইলগ্, স্বাধীন অবাত্যে দঅ গোজেনে তমারে ডাক্ক্যে। মাত্তর্ তমার পাপ খাচ্চ্যদর্ আওজ্‌চানি পূরেবাত্যে এই স্বাধীনতাগান্ বেবহার ন-গোজ্জ্য। তাত্তুন্ বরং কোচ্‌পানার মনভাব্‌পোই একজন অারেক্ জনরে সেবা গরঅ,

কলসীয় 4:12

ইপাফ্রায়ো তমারে পাত্তুরু তুরু জানার্। তে তমার নিজো মানুচ্চুনোত্তুন্ এক্কো আর তে খ্রীষ্ট যীশুর্ চাগর্। তে নিত্য তমাত্যে তবনার্ যুদ্ধ চালার্ যেন তুমি পূর্ণতাগান্ লাভ গরঅ আর বেক্কানিত গোজেনর্ আওজ্‌চান ঘেচ্চেকগুরি হবর্ পেইনে দরমর গুরি থিয়্যেই পারঅ।

ফিলীমন 1:16

মাত্তর্ তুই তারে আর চাগর্ ইজেবে ন-পেবে বরং চাগরত্তুন্অ বেচ্‌, অত্তাৎ পরাণর্ ভেই ইজেবে পেবে। তে মইধু ভারী পরাণর্, মাত্তর্ মানুচ্‌ আর বিশ্বেজি ভেই ইজেবে তইধু আরঅ পরাণর্।

১ পিতর 2:16

স্বাধীন মানুচ্‌ ইজেবে জিংকানি কাদঅ, মাত্তর্ সদান কামানি ঢাগিবাত্যে সেই স্বাধীনতাগান বেহবার ন-গোজ্জ্য। সিয়েনর বদলে গোজেনর্ চাগর ইজেবে জিংকানি কাদঅ।

২ পিতর 1:1

মুই শিমোন-পিতর যীশু খ্রীষ্টর্ এক্কো চাগর্ আর দূত। আমার গোজেন আর উদ্ধোর গুরিয়্যে যীশু খ্রীষ্ট ন্যায়বলা, আর সেনত্যে তুমিয়ো আমা ধোক্ক্যেন এক্কুই যদবদে বিশ্বেজ্ গোজ্জ্য। ইয়েনত্যে মুই তমা ইধু এ চিধিগান লেগঙর্।

যিহূদা 1:1

মুই যীশু খ্রীষ্টর চাগর আর যাকোবর্ ভেই যিহূদা। বাবা গোজেনে যিগুনোরে ডাক্ক্যে আর কোচ্‌পেইয়্যে আহ্ যীশু খ্রীষ্ট যিগুনোরে রোক্ষ্যে গোজ্জ্যে তারা ইধু মুই এ চিধিগান লেগঙর্।