১ করিন্হীয় 7:18 - Chakma Bible

¹⁸ কনঅ চুনু মাঢা-ন কাপ্যে মান্‌জ্যরে কি ডাগা ওইয়্যে? সালে তার্ চুনু মাঢা কাবা ন-ওক্।

১ করিন্হীয় 7:18 ပူးပေါင်းရင်းမြစ်များ

প্রেরিত্‌ 15:19

যাকোবে আরঅ কলঅ, “ইয়েনত্যে মর্ মতে যে অযিহূদীগুনে গোজেন ইন্দি ফিজ্জ্যন্ তারারে দুঘ্ দেনা আমার্ উচিত্ নয়।

প্রেরিত্‌ 15:24

“আমি শুনিলোং, আমা ভিদিরেত্তুন্ কয়েকজনে যেইনে ভালোক্কানি কধা কোইনে তমা মনানি যাগুলুগ্ গুরিনে দুঘ্ দুয়োন, মাত্তর্ আমি তারারে এবাবোত্যে কাম্ গুরিবাত্তে ন-কোই।

প্রেরিত্‌ 15:28

পবিত্র আত্মা আর আমি ইয়েনই গম্ মনে গুরিলোং যে, এ দরকারী বেপারানি বাদে আর কনঅ কিছুলোই তমা উগুরে যেন দুষ্‌চান দিয়্যে ন-অয়।

প্রেরিত্‌ 15:5

ফরীশী দলর্ কয়েক্কো মানুচ্‌ বিশ্বেজি ওইয়োন। সেই বিশ্বেজিগুনে উদি থিয়েইনে কলাক্, “অযিহূদীগুনোরে চুনুগুলোগুনোর মাঢাগুন কাবি দেনা দরকার্ আর তারা যেন মোশির রীতি-সুদোমানি পালন গরন্ সেনত্তে তারারে উগুম্ দেনা দরকার্।”

প্রেরিত্‌ 21:21

তারা হবর্ পেইয়োন, অযিহূদীগুনো ভিদিরে যিদুক্কুন্ যিহূদী থান্ তারারে তুই মোশির রীতি-সুদোম বাদ দিইনে চলিবাত্তে শিক্ষ্যে দি থাচ্, অত্তাৎ তুই তারার্ পুয়োগুনোরে চুনুগুলো মাঢাবো কাবিবাত্তে আর যিহূদীগুনোর্ চলেদে সুদোম্ পালেবাত্তে মানা গুরি থাচ্। ইক্কিনে আমি কি গুরিই।

কলসীয় 3:11

এ অবস্থায় অযিহূদী বা যিহূদী ভিদিরে, চুনু মাঢা কাপ্যে বা চুনু মাঢা-ন-কাপ্যে মান্‌জ্য ভিদিরে, ব-কলম, নিচুজাদ্, চাগর্ বা গিরোজ মোধ্যে কনঅ ফারগ্ নেই; সিয়েনত্ খ্রীষ্ট আজল্ আর তে পত্তিজন ভিদিরে আঘে।