১ করিন্হীয় 7:17 - Chakma Bible

¹⁷ সেনত্তে, প্রভু যিবেরে যে অবস্থায় থোইয়্যে আর গোজেনে যিবেরে যিয়েনত্তে ডাক্ক্যে, সেই মজিম তে চোলোক্। এ উগুমান মুই বেক্ মন্ডলীগুনোত্ দি থাং। কনঅ চুনু মাঢা কাবা মান্‌জ্যরে কি ডাগা ওইয়্যে? মাত্তর্ সে চুনু মাঢা কাবা চিহ্নোগান্ পুজি ন-ফেলোক্।

১ করিন্হীয় 7:17 ပူးပေါင်းရင်းမြစ်များ

মথি লেখ্যে গম্ হবর্ 19:12

কেঅ কেঅ গুজোং ওইনে জর্মান্, সেনত্তে তারা মোগ্ ন-লন্। আর কাররে কাররে মান্‌জ্যে গুজোং গরন্, সেনত্তে তারা মোগ্ ন-লন্। আরঅ এমন্ কেঅ কেঅ আগন্ যিগুনে স্বর্গ-রেজ্যত্তে মোগ্ ন-লবাক্ বিলি মনান্ থির্ গরন্। যে এ কধাগান মানি লোই পারে তে মানি নেযোক্।”

১ করিন্হীয় 10:32

মুই যেবাবোত্যে গুরি বেক্‌ মান্‌জ্যরে নানান্ বাবোত্যে গুরি হুজি গুরিবাত্তে চেষ্টা গরং তুমিয়ো সেবাবোত্যে গরঅ; অত্তাৎ যিহূদী বা অযিহূদী বা গোজেন মন্ডলীর মানুচ্চুনোর পধত্ কাঙেলেত্যে ন-গোজ্জ্য। মুই নিজোর্ মংগল চেষ্টা ন-গুরিনে ভালোক জনর্ মংগলর্ চেষ্টা গরং যেন তারা পাপত্তুন্ উদ্ধোর্ পান্।

১ করিন্হীয় 11:16

যুনি কেঅ ইয়েনিলোই তর্ক গুরিবাত্যে চায় সালে মুই ইয়েন কোম, অন্য কনঅ সুদোম আমা ভিদিরেয়ো নেই বা গোজেন মন্ডলীগুনো ভিদিরেয়ো নেই।

১ করিন্হীয় 11:34

যুনি কারঅ পেট পুরে সালে তে ঘরত্তুন্ হেই এজোক্, যেন মন্ডলী ইজেবে এক জাগাত এগত্তর্ অনার্ ফলে সাজা ন-পেই। অন্য বেক্কানি পৌইদ্যেনে মুই যেক্কে এম্ সেক্কে উপদেচ্‌ দিম্।

১ করিন্হীয় 14:33

গোজেনে বিশৃঙ্খলার গোজেন নয়, তে শান্তির্ গোজেন। গোজেন মানুচ্চুনোর্ বেক্ মন্ডলীগুনোত্ যেবাবোত্যে ওই থায়,

১ করিন্হীয় 16:1

এবেরা মুই গোজেন মানুচ্চুনোর্ সাহায্যত্যে চান্দা তুলোনা পৌইদ্যেনে কঙর্। গালাতিয়া রেজ্যর্ মন্ডলীগুনোর্ মানুচ্চুনোরে মুই যে উগুমান দুয়োং তুমিয়ো সেবাবোত্যে গরঅ।

১ করিন্হীয় 4:17

আর ইয়েনত্তে মুই তীমথিয়রে তমা ইধু পাধেয়োং। বিশ্বেজি ইজেবে তে মর্ কোচ্‌পেইয়্যে আর বিশ্বেজি পুয়ো। যীশু সমারে এগত্তর্ ওইনে মর্ শিক্ষ্যে আর কামানি কিবাবোত্যে, তে সিয়েন তমারে ইদোত্ তুলি দিবো। পত্তি জাগাত্ পত্তি মন্ডলীত্ মুই সেই পৌইদ্যেনে এক্কুই শিক্ষ্যে দি থাং।

১ করিন্হীয় 7:18

কনঅ চুনু মাঢা-ন কাপ্যে মান্‌জ্যরে কি ডাগা ওইয়্যে? সালে তার্ চুনু মাঢা কাবা ন-ওক্।

১ করিন্হীয় 7:24

ভেইলগ্, গোজেনে যারে যে অবস্থায় ডাক্ক্যে, তে গোজেন মুজুঙোত্ সেই অবস্থায় থোক্।

১ করিন্হীয় 7:7

যুনি বেক্কুনে মঅ ধোক্ক্যেন্ অদাক্! মাত্তর্ গোজেনত্তুন্ এক একজন এক এক্কান্ দান পেইয়্যে। একজনর্ দান এক বাবোত্যে, আরঅ অন্যজনর্ দান আর এক বাবোত্যে।

২ করিন্হীয় 11:28

বারেদি এ বেপারানি বাদেয়ো বেক্ মন্ডলীগুনোত্যে পত্তি দিন মঅ উগুরে চিন্তের্ চাপ্ পরের্।

২ করিন্হীয় 8:18

তীত সমারে আমি আর এক ভেইয়োরেয়ো পাদের্। যীশু খ্রীষ্ট পৌইদ্যেনে গম্ হবর্ ফগদাঙর্ কামত্ বেক্‌ মন্ডলীগুনে এ ভেইবোরে নাঙ্ গিনি থান্।

গালাতীয় 1:22

যিহূদিয়ার খ্রীষ্টীয় মন্ডলীগুনে মরে ন-চিনিদাক্।

১ থিষলনীকীয় 2:14

ভেইলগ্, যিহূদিয়া রেজ্যত খ্রীষ্ট যীশু লগে গোজেনর্ যে মন্ডলীগুন্ আঘন, তমা অবস্থা তারা ধোক্ক্যেন। যিহূদীগুনো আঢত্ তারা যেত্তমান দুঘ্ পেইয়োন, তুমিয়ো নিজো দেজর্ মানুচ্চুনো আঢত্ সেই একই দুঘোত্ ভুগ্‌গো।

২ থিষলনীকীয় 1:4

আর ইয়েনত্যে গোজেন মন্ডলীগুনো মুজুঙোত্ তমারে নিইনে আমি দেমাগ্ গুরির, কিয়া যেদক্কানি অত্যেচার্ আর দুখ্-কষ্ট তুমি সোজ্জ্য গরর্, সিয়েনির ভিদিরেয়ো তমার ধৈজ্জ্য আর বিশ্বেজ্‌চান থিগি আঘে।