১ করিন্হীয় 6:19 - Chakma Bible

¹⁹ তুমি কি কোই ন-পারঅ, তমা মনত্ যে বজত্তি গরে আর যিয়েনরে তুমি গোজেনত্তুন্ পেইয়ো, সেই পবিত্র আত্মার্ থেবার্ ঘরান্ অলঅ তমার কিয়্যেগান? তুমি তমার্ নিজোর্ নয়;

১ করিন্হীয় 6:19 ပူးပေါင်းရင်းမြစ်များ

১ রাজাবলী 20:4

জোবত্‌ ইস্রায়েলর রাজা কলঅ, “মুই কঙর্‌, মর্‌ গিরোজ্‌ মহারাজ, তুই যিয়েন্‌ কোইয়োচ্‌ সিয়েন্‌ ঠিগ্‌। মুই আর মর্‌ বেক্কানি তর্‌।”

১ বংশধর 29:14

“মাত্তর্‌ ও প্রভু, মুই কন্না বা মর্‌ মানুচ্চুনে বা কন্না, আমি ইঙিরিনে হুজি ওইনে দান গুরি পারিই? বেক্কানি দঅ তত্তুন্‌ এজে। তঅ আদত্তুন্‌ যিয়েনি পেইয়োং মুই বানা তরে সিয়েনি দুয়োঙ্‌।

গীতসংহিতা 100:3

তুমি হরব পঅ লগেপ্রভুই গোজেন। তেয়ই আমারে বানেয়্যে, আমি তার্; আমি তার্ মানুচ্, তার চোরেয়্যে ভেড়া।

যোহন 2:21

মাত্তর্ যীশু গোজেন ঘর্ কধে নিজো কিয়্যেগান কধা কোইয়্যে।

রোমীয় 8:9

মাত্তর্ গোজেনর্ আত্মাগানে যুনি তমা মনত্ বজত্তি গরে সালে তুমি দঅ পাপ-খাচ্চ্যদর্ তলে নয় বরং পবিত্র আত্মার তলে। যিবে মনত্ খ্রীষ্টর্ আত্মা নেই তে খ্রীষ্টর্ নয়।

১ করিন্হীয় 3:16

তুমি কি কোই ন-পারঅ যে, তুমি গোজেনর্ থেবার্ ঘর আর গোজেন আত্মা তমা মনত্ বজত্তি গরে?

১ করিন্হীয় 6:13

আরঅ কেঅ কেঅ এ কধাগান-অ কন্, “হানা পেদত্যে আর পেট্‌তো হানাত্যে।” ভারী গম্ কধা, মাত্তর্ এ দ্বিয়েন জিনিস এক দিন গোজেনে বাদ্ দি দিবো। কিয়্যেগান বেভিচার গুরিবাত্যে নয় বরং সিয়েন প্রভুত্যে, আর প্রভু কিয়্যেগানত্তে।

১ করিন্হীয় 6:3

তুমি কি কোই ন-পারঅ আমি স্বর্গদূত্‌তুনোর্‌অ বিচের্ গুরিবোং? সিয়েন যুনি অয় সালে এ জগদর্ বেপারান্ দঅ সামান্য কধা!

২ করিন্হীয় 5:15

তে বেক্কুনোর্ ওইনে মুরিলো যেন যিগুনে জেদা আঘন্ সিগুনে আর নিজোত্যে বাঁজি ন-থান্; বরং যে তারাত্যে মুরিলো আর জেদা ওইয়্যে তাত্যেই বাঁজি থান্।

২ করিন্হীয় 6:16

আর গোজেনর্ থেবার্ ঘরানত্ মূর্ত্তির জাগায়ান্ কুধু? আমি দঅ জেদা গোজেনর্ থেবার্ ঘর। পবিত্র বোইবোত্ গোজেনে কোইয়্যেদে, “মুই মঅ মানুচ্চুনো ইধু বজত্তি গুরিম, আর তারা সমারে আঢাউদো গুরিম। মুই তারার্ গোজেন ওম্, আর তারা মর্ নিজোর্ মানুচ্ অবাক্।”

তীত 2:14

যীশু খ্রীষ্ট আমাত্যে নিজো জিংকানিগান দিয়্যে, যেন বেক্‌ পাপ্‌পানিত্তুন আমারে উদ্ধোর্ গুরি পারে আর সিয়েন্দোই এমন্‌ এক দল মান্‌জ্যরে সিজি গুরি পারে যিগুনে বানা তা মানুচ্ অবাক্ আর যিগুনে অন্যগুনোরে উপকার গুরিবাত্যে আয়োজি অবাক্।

যাকোব 4:5

তুমি কি মনে গরঅ যে, পবিত্র বোইবো মিজে মিজে এ কধাগান কয় যে, পবিত্র আত্মা, যিয়েনরে গোজেনে আমা মন ভিদিরে দিয়্যে, তে আমাত্তুন্ ভোক্তি পেবাত্যে আওজ্ গুরিনে বাজ্জেই আঘে?