১ করিন্হীয় 6:15 - Chakma Bible

¹⁵ তুমি কি কোই ন-পারঅ যে, তমা কিয়্যেগান খ্রীষ্ট কিয়্যেগানর্ ভাগ্? সালে মুই কি খ্রীষ্ট কিয়্যেগান ভাগ্‌কান্দোই বেশ্যে কিয়্যেগান সমারে এগত্তর্ গুরিম? কনদিনঅ নয়।

১ করিন্হীয় 6:15 ပူးပေါင်းရင်းမြစ်များ

পত্থম 44:17

মাত্তর্‌ যোষেফে কলঅ, “এ কামান্‌ মুই কনদিনঅ গুরি ন-পারং। যিবে ইধু সেই কদরাবো পাহ্ যেইয়্যে বানা তেয়ই মর্‌ চাগর্‌ অবঅ। তুমি চিদে ন-গুরিনে তমা বাপ্পো ইধু ফিরি যঅ।”

লূকে লেখ্যে গম্ হবর্ 20:16

তে এইনে তারারে মারে ফেলেব আর খেদ্‌‌‌‌তান অন্যগুনো আঢত্ দিবো।” যেক্কেনে মানুচ্চুনে এ কধাগান্ শুনিলাক্, সেক্কেনে কলাক্, “এবাবোত্যে ন-ওক্।”

রোমীয় 12:5

ঠিগ্ সেবাবোত্যেগুরি আমি জনেদি ভালোক্কুন্ অলেয়ো খ্রীষ্ট সমারে মিজেইনে এক্কান্ কিয়্যে ওইয়্যেই। আমা বেক্কুনোর্ একজন আরেকজন সমারে মিল্ আঘে।

রোমীয় 3:31

এ বিশ্বেজ্‌চানত্তে কি আমি সালে রীদি-সুদোম বাদ্ দি দির্? কনদিন্অ নয়, বরং রীদি-সুদোম কধা যে সত্য সিয়েনই আমি প্রমাণ গুরির্।

রোমীয় 3:6

গোজেনে যুনি অন্যেয় গরে সালে তে কেধোক্ক্যেন্ গুরি মান্‌‌জ্যর্ বিচের্ গরে?

রোমীয় 6:15

মাত্তর্ রীদি-সুদোমর্ অধীনোত্ ন-থেইনে দোয়্যের্ অধীনোত্ ওইয়্যেই বিলি কি আমি পাপ গুরিবোং? খামাক্কায় নয়।

রোমীয় 6:2

খামাক্কায় নয়। পাপর্ দাবী দাওয়া ইধু দঅ আমি মোজ্জ্যেই; সালে কেধোক্ক্যেন গুরি আমি আর পাপর্ পধেদি চলিবং?

রোমীয় 7:13

সালে যিয়েন উপকারি সিয়েন্দোই কি মর্ মরণ অলঅ? কনদিন্‌অ নয়, বরং যিয়েন উপকারি সিয়েন্দোই পাপ্পানে মর্ মরণ্ ঘোদেল, যেন পাপ যে সত্যই পাপ সিয়েন বুঝো যায়। পাপ যে কত্তমান্ জঘন্য সিয়েন উগুম্বোই ধরা পড়ে।

রোমীয় 7:7

সালে কি আমি কবং যে, রীদি-সুদোম বজং? খামাক্কায় নয়; বরং এ কধাগান্ ঠিগ্ যে, রীদি-সুদোম ন-থেলে পাপ্‌পান্ কি সিয়েন মুই হবর্ ন-পেদুং। “লুভ্ ন-গোজ্জ্য,” রীতি-সুদোমে যুনি এ কধাগান্ ন-কদঅ সালে লুভ্ কি সিয়েন্ মুই কোই ন-পাত্তুং।

১ করিন্হীয় 11:3

মুই চাং যেন তুমি বুঝি পারঅ যে, খ্রীষ্ট পত্তি মরদ্ পুয়োর্ মাঢাবো ধোক্ক্যেন্, নেগ্‌কো তা মোগ্‌কোর্ মাঢাবো ধোক্ক্যেন্, আর গোজেনে খ্রীষ্টর্ মাঢাবো ধোক্ক্যেন।

১ করিন্হীয় 12:27

তুমিই খ্রীষ্টর্ কিয়্যেগান্ আর এক একজন সেই কিয়্যেগানর্ এক এক্কান্ ভাগ্।

১ করিন্হীয় 6:13

আরঅ কেঅ কেঅ এ কধাগান-অ কন্, “হানা পেদত্যে আর পেট্‌তো হানাত্যে।” ভারী গম্ কধা, মাত্তর্ এ দ্বিয়েন জিনিস এক দিন গোজেনে বাদ্ দি দিবো। কিয়্যেগান বেভিচার গুরিবাত্যে নয় বরং সিয়েন প্রভুত্যে, আর প্রভু কিয়্যেগানত্তে।

১ করিন্হীয় 6:17

মাত্তর্ যে কেঅ প্রভুর্ সমারে এগত্তর্ অয়, তে তা সমারে আত্মালোই এক অয়।

১ করিন্হীয় 6:19

তুমি কি কোই ন-পারঅ, তমা মনত্ যে বজত্তি গরে আর যিয়েনরে তুমি গোজেনত্তুন্ পেইয়ো, সেই পবিত্র আত্মার্ থেবার্ ঘরান্ অলঅ তমার কিয়্যেগান? তুমি তমার্ নিজোর্ নয়;

১ করিন্হীয় 6:3

তুমি কি কোই ন-পারঅ আমি স্বর্গদূত্‌তুনোর্‌অ বিচের্ গুরিবোং? সিয়েন যুনি অয় সালে এ জগদর্ বেপারান্ দঅ সামান্য কধা!

গালাতীয় 2:17

“খ্রীষ্টর্ মাধ্যমে নিদ্দুজি বিলি গোজেনর্ মানি লোইয়্যে অবার্ চেষ্টায় যুনি দেগা যায়, অযিহূদীগুনো ধোক্ক্যেন আমিয়ো পাপী, সালে সিয়েনর্ অত্তগান্ কি ইয়েন, খ্রীষ্ট পাপর সেবা গরে? কনদিন্অ নয়।

গালাতীয় 3:21

সালে রীতি-সুদোমানি কি গোজেনর্ এগেমানির বিরুদ্ধে? নিচ্চয় নয়। যুনি গোজেনে এমন্‌ রীতি-সুদোম্ দিদো যিয়েনি জিংকানি দি পারে সালে সিয়েনি পালেইনে খামাক্কায় মানুচ্‌ গোজেনর্ মানি লোইয়্যে অদাক্।

গালাতীয় 6:14

প্রভু যীশু খ্রীষ্টর্ ক্রুশ বাদে মুই যেন আর কনঅ কিজুত্ দেমাগ্ ন-গরং। এ ক্রুশোর্ মাধ্যমে জগদ্‌তান্ মঅ ইধু মুরি যেইয়্যে আর মুইয়ো জগদ ইধু মুরি যেয়োং।

ইফিষীয় 4:12

তে ইগুনোরে নেযেল যেন গোজেনর বেক মানুচ্চুনে তারে সেবা গুরিবাত্যে যুক্কোল্ অন্ আর এবাবোত্যেগুরি খ্রীষ্টর কিয়্যেগান গাঢেই তুলো অয়।

ইফিষীয় 5:23

কিয়া খ্রীষ্ট যেধোক্ক্যেন মন্ডলীর, অত্তাৎ তার্ কিয়্যেগানর্ মাঢাবো, নেগ্‌‌‍কোয়ো সেধোক্ক্যেন মোগ্‌‌‍কোর্ মাঢা। সিয়েনবাদে খ্রীষ্টই এ কিয়্যেগানর্ উদ্ধোরগুরিয়্যেবো।

ইফিষীয় 5:30

কিয়া আমি তা কিয়্যেগানর্ ভাগ্।

কলসীয় 2:19

তারা দরমর গুরি মাঢাবোরে, অত্তাৎ যীশু খ্রীষ্টরে ধুরি ন-থান্, অদচ সেই মাঢাবোর্ চাল্লোই গোদা কিয়্যেগান আড়্-এড়ালোই মিজেইনে আর থির্ থেইনে গোজেনর্ আয়োজ মজিম দাঙর্ অ।