১ করিন্হীয় 6:1 - Chakma Bible

¹ তমা ভিদিরে কারঅ যুনি কনঅ বিশ্বেজি ভেইয়োর্ বিরুদ্ধে নালিচ্‌ গুরিবার কনঅ কারণ থায়, সালে তে কন্ সাহজে গোজেন মানুচ্চুনো ইধু ন-যেইনে যিগুনে গোজেনর্ নয় তারা ইধু যেইনে বিচের্ মাগে?

১ করিন্হীয় 6:1 ပူးပေါင်းရင်းမြစ်များ

মথি লেখ্যে গম্ হবর্ 5:45

যেনে মান্‌জ্যে দেগন্ তুমি ঘেচ্চেকগুরি তমা স্বর্গীয় বাবার্ পুয়ো। তে দঅ গম্-বজং বেক্কুনো উগুরে তা বেলান্ দে আর গম্ আর বজং মানুচ্চুনো উগুরে ঝড়্ দে।

প্রেরিত্‌ 19:38

যুনি দীমীত্রিয় আর তার্ সমাজ্জ্যে-মিস্ত্রিগুনে কারঅ বিরুদ্ধে কনঅ কধা কবার্ চান্ সালে কোদোট্‌অ খুলো আঘে আর শাসন গুরিয়্যেগুনেয়ো সিধু আঘন্। তারা সিধু মগদ্দমা গুরি পারন্।

১ করিন্হীয় 14:33

গোজেনে বিশৃঙ্খলার গোজেন নয়, তে শান্তির্ গোজেন। গোজেন মানুচ্চুনোর্ বেক্ মন্ডলীগুনোত্ যেবাবোত্যে ওই থায়,

১ করিন্হীয় 16:1

এবেরা মুই গোজেন মানুচ্চুনোর্ সাহায্যত্যে চান্দা তুলোনা পৌইদ্যেনে কঙর্। গালাতিয়া রেজ্যর্ মন্ডলীগুনোর্ মানুচ্চুনোরে মুই যে উগুমান দুয়োং তুমিয়ো সেবাবোত্যে গরঅ।

১ করিন্হীয় 16:15

ভেইলগ্, তুমি দঅ কোই পারঅ, স্তিফানর্ পরিবার মানুচ্চুনে আখায়া রেজ্যর্ পত্তম বিশ্বেজি। গোজেন মানুচ্চুনোরে সেবা গুরিবাত্যে তারা নিজোরে উৎসর্ব গোজ্জ্যন্।

১ করিন্হীয় 5:12

মন্ডলীর্ বারেদি মানুচ্চুনোরে বিচের গুরিবাত্যে মর্ কি গরচ্ পোজ্জ্যে? মাত্তর্ মন্ডলীর্ ভিদিরে মানুচ্চুনোরে বিচের গরানা কি তমার্ উচিত নয়?

১ করিন্হীয় 6:5

তমারে লাজ্ দিবাত্তে মুই এ কধাগান কঙর্। তমা ভিদিরে ঘেইচ্চ্যেক্ গুরিনে কি এমন্‌ কনঅ জ্ঞানী মানুচ্‌ নেই, যে ভেইউনো ভিদিরে কোল্-কোজ্জ্যের্ মিট্‌মাট গুরি দি পারে?