১ করিন্হীয় 5:9 - Chakma Bible

⁹ মঅ চিধিগানত্ মুই তমা ইধু লেক্ক্যং, তুমি যেন বজং খাচ্চ্যদ মানুচ্চুনো সমারে মিলেমিশে ন-গরঅ।

১ করিন্হীয় 5:9 ပူးပေါင်းရင်းမြစ်များ

গম্ উপদেজ্ 9:6

তুই ভুল্ মানুচ্চুনো লগে মিজেনা বাদ দে, সেক্কে তুই বাঁজিবে; তুই বিচেরবুদ্ধির্ পধেদি আঢাউদো গর্।”

১ করিন্হীয় 5:10

এ জগদর্ বজং খাচ্চ্যদর্ মানুচ্, লুভী, চুর্ বা যিগুনে মূত্তি পূজো গরন্ তারার্ কধা অবুচ্চ্যই মুই ন-কং, কিয়া সালে তমার দঅ এ জগদর্ বারেদি যাহ্ পড়িবো।

১ করিন্হীয় 5:2

আর ইয়েনর্ পরেদিয়ো তুমি দেমাগ্ গরর্! ইয়েনত্তুন্ কি তমার্ দুঘ্ গরানা আর যে এ কামান গোজ্জ্যে তারে তমাত্তুন্ নিগিলেই দেনা কি উচিত্ ন-এলঅ?

১ করিন্হীয় 5:7

যেন তুমি এক্কান নুয়ো সদানেইয়্যে মোইদ্যের্ তাল্ ওই পারঅ; আর আসলেয়ো তুমি সিয়েন। আমা উদ্ধোর্-পরবর্ ভেড়া-ছঅ খ্রীষ্টরে উৎসর্ব গরা ওইয়্যে।

২ করিন্হীয় 6:14

তুমি অবিশ্বেজিগুনো সমারে এক জুঙোলত্ কানাগান্ ন-পাত্য। ন্যায়র্ সমারে অন্যেয়র্ মিজেনাগান কিত্যে? পহ্‌র আর আন্ধার ভিদিরে কি মিজেনা আঘে?

২ করিন্হীয় 6:17

গোজেনে আরঅ কোইয়্যেদে, “ইয়েনত্যে তুমি অবিশ্বেজিগুনো ভিদিরেত্তুন্ নিগিলি এজঅ আর ফারগ্ অ। কনঅ অসিজি জিনিস ন-ধোজ্জো, সালে মুই তমারে মানি লোম্।”

ইফিষীয় 5:11

আন্ধারর্ নিষ্ফল কামর্ লগে তমার যোগ ন-থোক্; তুমি বরং সিয়েনির দুচ্‌ দেগেই দুয়ো,

২ থিষলনীকীয় 3:14

এ চিধিগান ভিদিরে লেগা আমা কধানি যুনি কেঅ ন-মানন্ সালে সেই মানুচ্চোরে চিনি রাগঅ। তা সমারে ন-মিল্ল্য যাতে তে লাজ্ পায়।

২ থিষলনীকীয় 3:6

ভেইলগ্, আমা প্রভু যীশু খ্রীষ্টর্ নাঙে আমি তমারে এ উগুমান দির্-যুনি কনঅ ভেই আল্‌সি গুরিনে কাদায় আর আমাত্তুন্ তুমি যে শিক্ষ্যেগানি পেয়ো সিয়েনি ন-পালায়, সালে তুমি তা সমারে ন-মিল্ল্য।