১ করিন্হীয় 5:10 - Chakma Bible

¹⁰ এ জগদর্ বজং খাচ্চ্যদর্ মানুচ্, লুভী, চুর্ বা যিগুনে মূত্তি পূজো গরন্ তারার্ কধা অবুচ্চ্যই মুই ন-কং, কিয়া সালে তমার দঅ এ জগদর্ বারেদি যাহ্ পড়িবো।

১ করিন্হীয় 5:10 ပူးပေါင်းရင်းမြစ်များ

লূকে লেখ্যে গম্ হবর্ 18:11

সেই ফরীশীবো থিয়্যেইনে নিজো পৌইদ্যেনে এ তবনাগান্ গুরিলো, ও গোজেন, মুই তরে ভালেদি জানাঙর্, মুই অন্য মানুচ্চুনো ধোক্ক্যেন্ দগাবাঁজি, অসৎ আর বেভিচেরি নয়; এমন্‌ কি, সে খাজানা-তুলিয়্যেবো ধোক্ক্যেন্অ নয়।

যোহন 15:19

যুনি তুমি এ জগদর্ অদা সালে মানুচ্চুনে তারারে নিজোর্ বিলি তমারে কোচ্‌পেদাক্। মাত্তর্ তুমি এ জগদর্ নয়, বরং মুই তমারে জগদ ভিদিরেত্তুন্ বেঈ লোইয়োং কিনেই জগদ মানুচ্চুনে তমারে ঘিনান্।

যোহন 17:6

জগদ ভিদিরেত্তুন্ যিগুনোরে তুই মরে দুয়োচ্ মুই তারা ইধু তরে ফগদাং গোজ্যং। তারা তরই এলাক্, আর তুই তারারে মত্তে দুয়োচ্। তারা তঅ কধা মানিনে চলদন্।

যোহন 17:9

মুই বেক্কুনোত্তে কোজোলী ন-গরঙর্, মাত্তর্ যিগুনোরে তুই মঅ আদত্ দুয়োচ্ তারাত্যে কোজোলি গরঙর্, কিয়া তারা দঅ তরই।

যোহন 8:23

যীশু তারারে কলঅ, “মুই উগুরেত্তুন্ এচ্চ্যং আর তুমি তলেত্তুন্ এচ্চ্য। তুমি এ পিত্‌থিমীর্, মাত্তর্ মুই এ পিত্‌থিমীর্ নয়।

১ করিন্হীয় 1:20

মাত্তর্ জ্ঞানী মানুচ্‌ কুধু? পন্ডিত্ মানুচ্ বা কুধু? আর যিবের্ তর্ক গুরিবার খেমতা আঘে এ যুগোর্ সেবাবোত্যে মানুচ্ বা কুধু? এ জগদর্ জ্ঞানান্ যে বানা মূর্খতা সিয়েন কি গোজেনে ন-দেগায়?

১ করিন্হীয় 10:27

যুনি কনঅ অবিশ্বেজি তমারে হেবাত্যে বলান্ আর তুমি যেবাত্তেয়ো চঅ, সালে বিবেগরে শান্ত-থবাত্যে কনঅ কিজু পুযোর্ ন-গুরিনে তমা মুজুঙোত্ যিয়েনি দিয়্যে ওইয়্যে সিয়েনি হেয়ো।

১ করিন্হীয় 5:11

আসলে মুই যিয়েন লেক্ক্যং সিয়েনর অত্তগান ইয়েন-যুনি কেঅ নিজোরে বিশ্বেজি ভেই কয় অদচ তে বজং খাচ্চ্যদর্ মানুচ্‌ বা লুভী অয়, মূত্তি পূজো গরে, অন্যরে নিন্দে গরে, মাত্তল্ বা দেঙ্‌বাঁজি অয়, মাত্তর্ তা সমারে মিলেমিলি ন-গোজ্জ্য। এমন কি, তা সমারে হানা-দানায়ো ন-গোজ্জ্য।

১ করিন্হীয় 5:9

মঅ চিধিগানত্ মুই তমা ইধু লেক্ক্যং, তুমি যেন বজং খাচ্চ্যদ মানুচ্চুনো সমারে মিলেমিশে ন-গরঅ।

২ করিন্হীয় 4:4

অবিশ্বেজি মানুচ্চুনোর মনানি এ যুগোর্ দেবেদাগুনে কান্ গুরি দুয়োন যেন তারা গম্ হবরর্ পহ্‌রান্ ন-দেগন্। এ গম্ হবরানত্ খ্রীষ্টর্ মহিমাগান্ ফুদি উঠ্যে; আর এ খ্রীষ্টই অলঅ গোজেনর্ অবিকল্ ফগদাং।

ইফিষীয় 2:2

জগদর্ চিন্তেধারা অনুসারে তুমিয়ো এক সময় সেই অবাধ্যত্যে আর পাপে আঢাউদো গত্তা। যে আত্মাগান আগাজর্ খেমতাবলাগুনোর রাজা সেই পাজি আত্মাগানে গোজেনর্ অবাধ্য মানুচ্চুনো ভিদিরে কাম গরের্, আর তুমি সেই আত্মাগানর্ পিজে পিজে চলিদা।

১ যোহন 4:5

সেই ভন্ডগুন এই জগদর্; সেনত্যে তারা এই জগদর্ কধা কন্ আর জগদ্‌তানে তারা কধা শুনে।

১ যোহন 4:7

কোচ্‌পেইয়্যে পুয়ো-ছা লগ্, আমি যেন একজন আরেকজনরে কোচ্‌পেই, কিয়া কোচ্‌পানাগান গোজেনত্তুন্ এজে। তারা মনভিদিরে কোচ্‌পানা আঘে, গোজেনত্তুন্ তারার্ জর্ম ওইয়্যে আর সিগুনে গোজেনরে চিনোন্।

১ যোহন 5:19

আমি কোই পারিই আমি গোজেনর্ আর গোদা জগদ্‌তান শদানর্ খেমতার্ তলেদি পড়ি আঘে।

ফগদাং পেইয়্যে 12:9

সেক্কে সেই দাঙর্ দানপ্পোরে আর তা সমারে তা দুত্‌তুনোরে পিত্‌থিমীত ফেলেই দিয়্যে অলঅ। এই দানপ্পো অলঅ সেই পুরোনা সাব্‌পো যিবেরে দিয়াবল বা শদান্ কুয়ো অয়। তে পিথ্‌তিমীর্ বেক্‌ মানুচ্চুনোরে ভুল্ পধেদি নেযায়।