১ করিন্হীয় 4:20 - Chakma Bible

²⁰ গোজেন রেজ্যগান দঅ কধার্ বেপার নয়, সিয়েন খেমতার বেপার। তমা আওজ্‌চান কি?

১ করিন্হীয় 4:20 ပူးပေါင်းရင်းမြစ်များ

রোমীয় 1:16

যীশু খ্রীষ্ট পৌইদ্যেনে এই যে গম্ হবর্ সিয়েনত্ মর্ কনঅ লাজ নেই, কিত্যেই এ গম্ হবরানই অলঅ গোজেনর্ খেমতা যিবের্ মাধ্যমে তে বেক্ বিশ্বেজি গুনোরে পাপত্তুন্ উদ্ধোর্ গরে-পত্তমে যিহূদীগুনোরে, সে পরেদি অযিহূদীগুনোরে।

রোমীয় 14:17

গোজেন রেজ্যত্ হানা-দানা দাঙর্ কধা নয়; দাঙর্ কধা অলঅ, পবিত্র আত্মার্ মাধ্যমে গম্ পধেদি চলানা আর সেক্কে সুগ্-শান্দি, মন হুজি থায়।

১ করিন্হীয় 1:24

মাত্তর্ যিহূদী ওক্‌ আর গ্রীকই ওক্‌, গোজেনে যিগুনোরে ডাক্ক্যে তারা ইধু সেই খ্রীষ্টই গোজেনর্ খেমতা আর গোজেনর্ জ্ঞান।

১ করিন্হীয় 2:4

মর্ প্রচার আর মর্ দিয়্যে হবর্ ভিদিরে মানুচ্চুনোরে ভাজেই নেযাইদ্যে ধোক্ক্যেন কনঅ জ্ঞানবলা যুক্তি-তর্ক ন-এলঅ বরং পবিত্র আত্মার্ খেমতা সিয়েনত্ দেগা যেইয়্যে,

২ করিন্হীয় 10:8

প্রভু আমারে যে অধিকারান্ দিয়্যে সেই অধিকারানর্ উদ্দেচ্চ্য অলঅ তমারে গঠন গরানা, তমারে ক্ষোতি গরানা নয়। যুনিয়ো মুই এ অধিকারান্ নিইনে কিজু বাড়্ গুরি থাং তো সিয়েনত্যে মুই লাজ্ ন-পেইম্।

১ থিষলনীকীয় 1:5

কিয়া আমার ফগদাং গোজ্জ্যে গম্ হবরান বানা কধালোই তমা ইধু ন-এজে, মাত্তর্ সিয়েন খেমতা, পবিত্র আত্মা আর পুরোপুরি নিচ্চিত্ গুরি এচ্চ্যে। তমা সমারে থেবার অক্তত্ তমার ভালেদিত্যে আমি কেধোক্ক্যেন গুরিনে আঢাউদো গোজ্জ্যেই সিয়েন তুমি কোই পারঅ।