১ করিন্হীয় 4:15 - Chakma Bible

¹⁵ খ্রীষ্ট পৌইদ্যেনে শিক্ষ্যে দিবার্ মানুচ্‌ অয়ত তমার্ আজার আজার থেই পারন, মাত্তর্ বাপ্ তমার ভালোক্কুন্ নেই; মুয়ই গম হবরর্ মাধ্যমে খ্রীষ্টীয় জিংকানিত্ তমার বাপ্ ওইয়োং।

১ করিন্হীয় 4:15 ပူးပေါင်းရင်းမြစ်များ

গণাণা 11:12

মুই কি এই বেক্‌ মানুচ্চুনোরে পেদত্‌ ধোজ্যং? মুই কি ইগুনোরে পুদেয়োং? তুই তারার পুরোণি মানুচ্চুনো ইদু যে দেজ্‌চান্‌ দিবার্‌ শমক্‌ খেইয়োচ্‌ সিয়েনত্‌ কিত্তেই তুই মরে সাদাঙা-বাব ধোক্ক্যেন গুরি তারারে বুগোদ্‌ গুরি নেযেবাত্তে কোইয়োচ?

রোমীয় 15:20

খ্রীষ্ট নাঙান্ যিয়েনত কনদিন্অ কুয়ো ন-অয় সিয়েনত্ গম্ হবর্ ফগদাং গরানা মঅ জিবনর্ আজা, যেন অন্য মান্‌জ্যর্ বানেয়্যে জাগাত্ মত্তুন্ বানা ন-পড়ে।

১ করিন্হীয় 1:30

যীশু খ্রীষ্ট সমারে যে তুমি এগত্তর্ গুরি আঘ সিয়েন গোজেনত্তুন্ ওইয়্যে। যীশু খ্রীষ্ট আমা ইধু গোজেনর্ দিয়্যে জ্ঞান; তেয়ই আমার নিদ্দুজি, পবিত্র আর উদ্ধোর্।

১ করিন্হীয় 15:1

ভেইলগ্, যে গম্ হবরান্ মুই তমা ইধু ফগদাং গোজ্জ্যং, সেই গম্ হবরানর্ কধাগান তমারে ইদোত্ তুলি দোঙর্। তুমি সিয়েন মানি লোইয়ো আর সিয়েনত্ থির্‌অ আঘঅ।

১ করিন্হীয় 3:10

গোজেনত্তুন্ যে বিশেষ দোয়্যে মুই পেয়োং সিয়েন্দোই কাবিল্ রাজমিস্ত্রি ধোক্ক্যেন্ মুই গড়াগান্ গাড়েয়োং, আর সিয়েন উগুরে অন্যগুনে বিল্ডিং বানাদন্। মাত্তর্ কন্না কেধোক্ক্যেন গুরি বানাদন্ সে পৌইদ্যেনে তে উজিয়ার্ ওক্‌।

১ করিন্হীয় 3:6

মুই বীজি ফেলেয়োং, আপল্লো সিগুনোত্ পানি দিয়্যে, মাত্তর্ গোজেনে সিগুন বাড়েই তুল্ল্যে।

১ করিন্হীয় 3:8

যে বীজি লাগায় আর যে পানি দে তারার উদ্দেচ্চ্য এক্কুই, মাত্তর্ পত্তিজনে যার্ যার্ কাম মজিম বক্‌শিজ্ পেবাক্,

১ করিন্হীয় 9:12

এ পৌইদ্যেনে তমা উগুরে যুনি অন্যগুনোর্ দাবি থায় সালে আমার্ কি সিয়েন আরঅ বেশ্ গুরি ন-থেবঅ? মাত্তর্ আমি সেই দাবিগান কামত্ ন-লাগেই বরং বেক্কানি সোজ্জ্য গুরির্, যেন খ্রীষ্ট পৌইদ্যেনে গম্ হবর্ প্রচার পধত্ আমি কনঅ কাঙেলেত্যে ন-ওই।

১ করিন্হীয় 9:14

ঠিগ্ সেবাবোত্যেগুরি প্রভু উগুম্ দিয়্যে, যিগুনে গম্ হবর্ প্রচার্ গরন তারা যেন সিয়েনত্তুন্ হানা-উরোনা পান্।

১ করিন্হীয় 9:16

মুই গম্ হবর্ প্রচার গরঙর্ সত্য, মাত্তর্ সিয়েনত্যে মর্ বাঈনী গুরিবার কিচ্চু নেই, কিয়া মত্তুন্ সিয়েন গরা পুরিবো। দুর্ভাগ্গ্য মর্, যুনি মুই সেই গম্ হবরান্ প্রচার ন-গরং!

১ করিন্হীয় 9:18

সালে মঅ বক্‌‌শিজ্‌‌চান কি? সেই বক্‌‌শিজ্‌‌চান ইয়েন, মুই যেক্কে গম্ হবর্ প্রচার গরং সেক্কে সিয়েনর্ বদলে মর্ যিয়েন পাওনা আঘে সিয়েন ভোগ্ ন-গুরিনে মাগানা মুই সেই কামান্ গুরি পারং।

১ করিন্হীয় 9:23

ইয়েনি বেক্কানি মুই গম্ হবরত্যে গরঙর্ যেন ইয়েনর্ আশিদ্‌বাদর ভাগি ওই পারং।

২ করিন্হীয় 4:5

আমি দঅ নিজো পৌইদ্যেনে প্রচার ন-গুরির্, বরং প্রচার গুরির্, যীশু খ্রীষ্টই প্রভু আর যীশুত্যে আমি তমার্ চাগর্ ওইয়্যেই।

গালাতীয় 3:24

সালে দেগা যায়, খ্রীষ্ট ইধু আনিবাত্যে এই রীতি-সুদোমানি আমার পরিচালনাগুরিয়্যে, যেন বিশ্বেজর্ মাধ্যমে আমারে নিদ্দুজি বিলিনে মানি লুয়ো অয়।

গালাতীয় 3:25

মাত্তর্ ইক্কিনে বিশ্বেজ্‌চান এইচ্চ্যে বিলিনে আমি আর রীতি-সুদোমর্ পরিচালনার অধীন নয়।

গালাতীয় 4:19

মর্ পুয়ো-ছাগুন্, যেদক্ বিলোন সং তুমি খ্রীষ্ট ধোক্ক্যেন ন-অ সেদক্ বিলোন সং মুই আরঅ তমাত্যে পুয়ো ফুদোইদ্যে দুঘো ধোক্ক্যেন কষ্টত্ ভুগোঙর্।

২ তীমথিয় 4:3

এন্‌ অক্ত এবঅ যেক্কে সত্য শিক্ষ্যেনি মান্‌জ্যর সোজ্জ্য ন-অবঅ, বরং নিজো আওজ্‌চান পূরোণ গুরিবাত্যে তারা ভালোক্কুন্ মাষ্টর্ তুবেবাক্ যিগুনে তারারে হুজি গরেদে ধোক্ক্যেন শিক্ষ্যে দিবাক্।

তীত 1:4

খ্রীষ্ট উগুরে বিশ্বেজ্ গুরিনে যে মঅ সমারে এক ওই যেয়্যে, মর্ সেই আজল্ পুয়োবো তীত ইধু মুই এ চিধিগান লেগঙর্। বাবা গোজেন আর আমার্ উদ্ধোর্ গুরিয়্যে খ্রীষ্ট যীশু তরে দোয়্যে গোরোক্ আর শান্তি দান গোরোক্।

ফিলীমন 1:19

মুই পৌল নিজো আঢে লেগঙর্, মুই সেই কজ্জগুন শুজি দিম্। খালিক্ এ কধাগান মর্ কবার দরকার নেই, খ্রীষ্ট উগুরে বিশ্বেজ্ পৌইদ্যেনে তুই নিজেই মইধু কজ্জ তলাত্ আঘচ্।

যাকোব 1:18

তা নিজোর্ আওজে সত্য কধানিলোই তে আমারে তার্ পুয়ো বানেয়্যে, যেন তার্ সৃট্টি জিনিজো ভিদিরে আমি এক বাবোত্যে পত্তম ফল ধোক্ক্যেন ওই।

১ পিতর 1:23

যে বীজ্ ভস্ত ওই যায় এমন কনঅ বীজত্তুন্ তমার নুয়ো জর্ম ন-অয়, বরং যে বীজ্ কনদিন্অ ভস্ত ন-অয় সিয়োত্তুন্ তমার জর্ম ওইয়্যে। সেই বীজ্ অলঅ গোজেনর্ জেদা আর উমর কধা।