১ করিন্হীয় 4:14 - Chakma Bible

¹⁴ মুই তমারে লাজ্ দিবাত্যে ইয়েনি ন-লেগঙর্, বরং মর্ পরাণর্ পুয়ো-ছা ইজেবে উজিয়ার্ গুরিবাত্তে লেগঙর্।

১ করিন্হীয় 4:14 ပူးပေါင်းရင်းမြစ်များ

যিহিষ্কেল 3:21

মাত্তর্ পাপ ন-গুরিবাত্তে যুনি তুই সেই গম্ মানুচ্চুনোরে উজিয়ার গরচ্ আর তে পাপ ন-গরে সালে উজিয়ার অবার্ কধা শুনিবার ফলে তে হামাক্কায় বাঁজিবো আর তুইয়ো নিজোরে রোক্ষ্যে গুরিবে।”

প্রেরিত্‌ 20:31

ইয়েনত্তে তুমি উজিয়ার্ থাগঅ। ইদোত্ রাগেবা, তিন বজর্ সং দিন-রেদ্ চোগো পানিলোই মুই তমারে পত্তিজনরে উজিয়ার্ গোজ্জ্যং, কনদিন্অ জুরো গুরি ন-থাগঅ।

১ করিন্হীয় 15:34

সেনত্তে তুমি তমা মনানরে জাগেই তুলো আর পাপ ন-গোজ্জ্য; তমাত্তুন্ কেঅ কেঅ গোজেনরে নঅ চিনোন্; মুই তমারে লাজত্ ফেলেবাত্যে এ কধাগান্ কঙর্।

১ করিন্হীয় 4:15

খ্রীষ্ট পৌইদ্যেনে শিক্ষ্যে দিবার্ মানুচ্‌ অয়ত তমার্ আজার আজার থেই পারন, মাত্তর্ বাপ্ তমার ভালোক্কুন্ নেই; মুয়ই গম হবরর্ মাধ্যমে খ্রীষ্টীয় জিংকানিত্ তমার বাপ্ ওইয়োং।

১ করিন্হীয় 4:17

আর ইয়েনত্তে মুই তীমথিয়রে তমা ইধু পাধেয়োং। বিশ্বেজি ইজেবে তে মর্ কোচ্‌পেইয়্যে আর বিশ্বেজি পুয়ো। যীশু সমারে এগত্তর্ ওইনে মর্ শিক্ষ্যে আর কামানি কিবাবোত্যে, তে সিয়েন তমারে ইদোত্ তুলি দিবো। পত্তি জাগাত্ পত্তি মন্ডলীত্ মুই সেই পৌইদ্যেনে এক্কুই শিক্ষ্যে দি থাং।

১ করিন্হীয় 6:5

তমারে লাজ্ দিবাত্তে মুই এ কধাগান কঙর্। তমা ভিদিরে ঘেইচ্চ্যেক্ গুরিনে কি এমন্‌ কনঅ জ্ঞানী মানুচ্‌ নেই, যে ভেইউনো ভিদিরে কোল্-কোজ্জ্যের্ মিট্‌মাট গুরি দি পারে?

১ করিন্হীয় 9:15

মাত্তর্ মুই ইয়েনির কনঅ কিছু ভোগ্ ন-গরং। তুমি যাতে মত্তে এবাবোত্যে বেবস্থা গরঅ সেনত্তে মুই এ কধাগান্ ন-লেগঙর্। আসলে মর্ এ দেমাগ্‌‌কান যুনি কেঅ মিজে গুরি দে সালে সিয়েনত্তুন্ মর্ মরণান্ বোউত্ গম্।

২ করিন্হীয় 11:11

কিত্যে মুই এ কধাগান্ কঙর্? তমারে কোচ্‌ ন-পাং বিলিনে না কি? গোজেনে কোই পারেদে যে, মুই তমারে কোচ্‌পাং।

২ করিন্হীয় 12:19

তমার্ কি মনে অয়, এ চিধিগানর্ মাধ্যমে আমি তমা ইধু নিজোর্ পক্ষে কধা কোর্? খ্রীষ্ট সমারে মিজেইনে আমি গোজেন মুজুঙোত্ কধা কোর্। কোচ্‌পেইয়্যে ভেইয়ুন, তমারে উগুরেদি তুলিবাত্যে আমি ইয়েনি কোর্।

২ করিন্হীয় 7:3

খালিক্ এ কধাগান্ মুই তমারে দুষি গুরিবাত্যে ন-কঙর্। মুই দঅ আগেদি কোইয়োং, তুমি আমা ইধু এদক্ কোচ্‌পেইয়্যে যে, আমি তমা সমারে মুরিবাত্যেয়ো রাজী, বাঁজিবাত্যেয়ো রাজী।

কলসীয় 1:28

আর সেই খ্রীষ্ট পৌইদ্যেনে আমি প্রচার গুরিই, অত্তাৎ গোজেনর্ দিয়্যে ন-ফুরেইয়্য জ্ঞান লগে আমি পত্তিজনরে উজিয়ার্ গুরিই আর শিক্ষ্যে দিই, যেন পত্তিজনরে আমি খ্রীষ্টর্ মাধ্যমে যগাজ্জ্যে গুরি তুলিই পারি।

১ থিষলনীকীয় 2:11

তুমি কোই পারঅ, বাবে যেধোক্ক্যেন নিজো পুয়ো-ছাগুনোরে উচ্চোমি, সান্তনা আর কড়া গুরিনে উগুম দে, আমিয়ো তমারে পত্তিজনরে সিয়েনই দিদোং, যেন গোজেনর্ মানুচ্‌ ইজেবে তুমি গমেডালে চলঅ। গোজেনে তার্ নিজো রেজ্যগানর্ আর তার মহিমার ভাগী অবাত্যে তমারে ডাগের্।

১ থিষলনীকীয় 5:14

ভেইলগ্, আমি তমারে এ উপদেচ্‌‌‌চান দিত্তে-যিগুনে আল্‌চি তারারে উজিয়ার্ গরঅ; যিগুনোর সাহচ্‌ নেই তারারে সাহচ্‌ দুয়ো; যিগুনে বল্‌‌পোজ্জ্যে তারারে বল্ দুয়ো আর বেক্কুনোরে ধৈয্য ধুরিনে সোজ্জ্য গরঅ।

২ থিষলনীকীয় 3:14

এ চিধিগান ভিদিরে লেগা আমা কধানি যুনি কেঅ ন-মানন্ সালে সেই মানুচ্চোরে চিনি রাগঅ। তা সমারে ন-মিল্ল্য যাতে তে লাজ্ পায়।

১ যোহন 2:1

মর্ কোচ্‌পেইয়্যে পুয়ো-ছাগুন্, তুমি যেনে পাপ ন-গরঅ সেনত্যে মুই তমা ইধু এ বেক্‌ কধানি লেগঙর্। মাত্তর্ কেঅ যুনি পাপ গুরি ফেলান্ সালে বাবা ইধু আমার পৌইদ্যেনে কধা কবাত্যে একজন আঘে; তে অলঅ যীশু খ্রীষ্ট, যিবে নিদ্দুজি।

৩ যোহন 1:4

মর্ পুয়ো-ছাগুনে যে গোজেনর্ সত্যর্ পধেদি চলদন্, এ কধাগান শুনোনাত্তুন্ বেশ্ গুরি হুজি অনা আর নেই।