১ করিন্হীয় 4:11 - Chakma Bible

¹¹ ইক্কিনিয়ো আমি পেট পড়ায় আর পানি তিরেজে দুঘ্ পেইর্। আমার্ কাবড়র অভাব আঘে, আমা লগে চিৎ নপুজ্যে বেবহার গরা অর্, আমার ঘর-বাড়ী নেই।

১ করিন্হীয় 4:11 ပူးပေါင်းရင်းမြစ်များ

ইয়োব 22:6

তুই এনেবাদে তঅ ভেইয়ুনোত্তুন্‌ বন্ধক্‌ নেযেদে; তুই মানুচ্চুনোর্‌ কাবড়ানি খুলি নেযেইনে তারারে লাংটা-ভাংটা রাগেইদে।

মথি লেখ্যে গম্ হবর্ 8:20

যীশু তারে কলঅ, “শিয়েলর্ গাঢ্ আঘে আর পেগোর্ পেগোবা আঘে, মাত্তর্ মান্‌জ্য পুয়োবোর্ মাঢা থবার্ জাগা কনমিক্ক্যে নেই।”

প্রেরিত্‌ 14:19

পরেদি আন্তিয়খিয়া আর ইকনিয়ত্তুন্ কয়েক্কো যিহূদী এইনে পৌল আর বার্ণবা বিরুদ্ধে মানুচ্চুনোরে ভেজেই দিলাক্। সেক্কে মানুচ্চুনে পৌলরে পাত্তর্ মারিলাক্ আর তে মুরি যেইয়্যে মনে গুরিনে শঅরর্ বারেদি তারে টানি নেযেলাক্।

প্রেরিত্‌ 16:23

অমকদ বেত্ মারানার্ পরেদি তারারে জেল্‌খানাত্ থুয়ো অলঅ, আর গমেডালে চুগি দিবাত্যে জেল-নেতাবোরে উগুম্ দিয়্যে অলঅ।

প্রেরিত্‌ 23:2

এ কধাগান্ শুনিনে আজল্ ধর্মগুরু অননিয় পৌল কায়-কুরে যিগুনে থিয়্যেই এলাক্ তারারে পৌল মূয়োনত্ আঘাত্ গুরিবাত্তে উগুম দিলো।

রোমীয় 8:35

সেনত্তে এমন্‌ কি আঘে যিয়েনে খ্রীষ্টর্ কোচ্‌পানাত্তুন্ আমারে দূরোত্ সোরেই দিবো? যন্ত্রণা? মনত্ দুঘ্? অত্যেচার্? পেত্‌ পুরোনা? কাবড়-চুগোড়োর্ অভাব? দযা? মরণ?

১ করিন্হীয় 9:4

আমার্ হানা-দানা গুরিবার্ অধিকার কি নেই?

২ করিন্হীয় 11:20

বানা সিয়েন নয়, যুনি কেঅ তমারে চাগর্ বানায়, তমারে বেক্কুনোরে ভস্ত গরে, তমারে ফালত্ ফেলায়, তমার্ গিরোজ্ অয় বা তমারে চুগোড়্ মারে, তুমি সিয়েনিয়ো সোজ্জ্য গরঅ।

২ করিন্হীয় 4:8

বেক্কানিত্তুন্ আমা উগুরে চাপ্ পরের্, তো আমি ভাঙি ন-পুরির্। বুদ্ধি-নেইয়্যে অলেয়ো আমি পুরোপুরি আজা নেইয়্যে ন-ওর্;

ফিলিপীয় 4:12

অভাব ভিদিরে আর ভারী বেচ্‌ থানার্ ভিদিরে মুই হুজী থেবাত্যে জানং। ভরন পেদে ওক্‌ কি খাল্যে পেদে ওক্‌, ভারী বেচ্‌ থানার্ ভিদিরে ওক্‌ বা অভাব ভিদিরে ওক্‌-কন্ অবস্থাত্ কেধোক্ক্যেন গুরি হুজি থা যায় মুই সিয়েন শিক্ক্যং।

২ তীমথিয় 3:11

ইয়েনিবাদে আন্তিয়খিয়াত, ইকনিয়ত আর লুস্ত্রাত মুই যেদক্কানি অত্যেচার আর দুঘ্ পেইয়োং সেই বেক্‌ অত্যেচারর্ কধায়ো তুই কোই পারচ্, মাত্তর্ প্রভু সিয়েনি বেক্কানিত্তুন্ মরে রোক্ষ্যে গোজ্জ্যে।