১ করিন্হীয় 3:9 - Chakma Bible

⁹ কিয়া আমি দ্বিয়ো জনেই গোজেন সমারে কাম গুরির্। তুমি গোজেনর্ খেত্, গোজেনর্ বানেয়্যে বিল্ডিং।

১ করিন্হীয় 3:9 ပူးပေါင်းရင်းမြစ်များ

গীতসংহিতা 118:22

রাজমিস্ত্রিগুনে যে শিল্লো বাদ দি দুয়োন্ সিবে বেগত্তুন্ দরকারি শিল্ অলঅ;

গীতসংহিতা 72:16

দেজত্ বোউত্ খেত-খেত্তি ওক্, সিগুন মুড়োগুনোর্ মাদাবো সং ওক্। খেত-খেত্তিয়ে লেবানন ঝারর্ শন্‌শন্ রঅ গরে; শঅরত্তুন্ নিগিলি এচ্চ্যে মানুচ্চুনে যেন মাদ ঘাস ধোক্ক্যেন বোউত্ বাড়ন্।

গম্ উপদেজ্ 9:1

গম্ বুদ্ধিগানে তা ঘরান্ বানেয়্যে; পাত্তর্ কাবিনে তে সাত্তো খুদো বানেয়্যে।

যিশাইয় 32:20

মাত্তর্ পত্তি গঙার পারত্ বীজ্ লাগেইনে আর তমা গোরু আর গাধাগুনোরে গমেডালে চড়িবাত্তে দিইনে তুমি সুগি অবা।

যিশাইয় 61:11

মাদিত্ যেবাবোত্যেগুরি চারা উদোন্ আর বাগানত্ বীজিত্তুন গাজ্ উদোন সেবাবোত্যেগুরি প্রভু লগেপ্রভু বেক্ জাদ্‌‍‍তুনো মুজুঙোত্ সততাগান আর নাঙ্ গিনিবার চারা গেজেব।

যিশাইয় 61:3

যেন সিয়োনত্ যিগুনে আবিলেচ্ গোজ্যন তারা মাঢা উগুরে মুই ছেইয়োর বদলে দোল্ মুকুট দি পারং; যেন মুই আবিলেচর্ বদলে হুজির্ তেল আর হতাশার্ বদলে নাঙ্ গিনিবার পোজাক্ দি পারং। তারারে কুয়ো অবঅ সততার এলোন গাজ্; লগেপ্রভু সিগুন লাগেয়্যেদে যেন সিগুনোর মাধ্যমে তারে বাঈনী গরানাগান ফগদাং পায়।

যিশাইয় 61:5

অন্য জাদর্ মানুচ্চুনে এইনে তমা ভেড়া পালুন চোরেবাক্; বিদেশীগুনে তমা শোস্য খেত্‌তানি আর আংগুর খেদত্ কাম গুরিবাক। ‍‌

যিরমিয় 2:21

মুই দঅ তরে নখ্‌বাজ্ গোজ্যে বিজিত্তুন জোর্মেয়্যে গম্ আংগুরোর্ চারা ইজেবে লাগেয়োং; সালে কেধোক্ক্যেন গুরি তুই এক্কো ভান্ন্যেই ঝার আংগুর গাজ্ ওইয়োচ্?

মথি লেখ্যে গম্ হবর্ 15:13

জোবত্ তে কলঅ, “যে চারাবো মর্ স্বর্গর্ বাপ্পো ন-লাগায় সিগুন বেক্কুন্ উগুরে ফেলা অবঅ। তারা কধা বাদ্ দুয়ো।

মথি লেখ্যে গম্ হবর্ 16:18

মুই তরে কঙর্, তুই পিতর, আর এ পাত্তর উগুরে মুই মর্ মন্ডলীবো গোড়েই তুলিম। নরগর্ কনঅ খেমতা সিবে উগুরে জিদি ন-পারিবো।

মথি লেখ্যে গম্ হবর্ 9:37

সেক্কে যীশু তা শিচ্চ্যগুনোরে কলঅ, “খেত্-খেত্তি ঘেচ্চেকগুরি বোউত্ মাত্তর্ কাম গরেদে মানুচ্ কম্।

মার্ক 16:20

পরেদি শিচ্চ্যগুনে যেইনে বেক্ জাগাইধু ফগদাং গরা ধুরিলাক্। প্রভু তারার্ মাধ্যমে তারা সমারে কাম্ গরা ধুরিলো আর তারারে আমক্ কাম্ গুরিবার খেমতা দিইনে প্রমান্ গুরিলো যে, তারা যিয়েনি ফগদাং গত্তন্ সিয়েনি সত্য।

প্রেরিত্‌ 4:11

পবিত্র বোইয়োর্ কধা মজিম্ যীশু খ্রীষ্ট ‘সেই পাত্তর্‌বো, যিবেরে রাজ্ মিস্ত্রিগুনে, অত্তাৎ তুমি বাদ্ দুয়ো; আর সিবেয়ই বেক্কুনোত্তুন্ দরকারী পাত্তর্ ওই উদিলো।’

১ করিন্হীয় 3:16

তুমি কি কোই ন-পারঅ যে, তুমি গোজেনর্ থেবার্ ঘর আর গোজেন আত্মা তমা মনত্ বজত্তি গরে?

১ করিন্হীয় 3:6

মুই বীজি ফেলেয়োং, আপল্লো সিগুনোত্ পানি দিয়্যে, মাত্তর্ গোজেনে সিগুন বাড়েই তুল্ল্যে।

১ করিন্হীয় 6:19

তুমি কি কোই ন-পারঅ, তমা মনত্ যে বজত্তি গরে আর যিয়েনরে তুমি গোজেনত্তুন্ পেইয়ো, সেই পবিত্র আত্মার্ থেবার্ ঘরান্ অলঅ তমার কিয়্যেগান? তুমি তমার্ নিজোর্ নয়;

২ করিন্হীয় 6:1

গোজেন সমারে কাম গুরিয়্যে ইজেবে আমি তমারে এ কোজোলিগান্ গুরির্, তুমি যেক্কে গোজেনর্ দোয়্যে পেইয়ো সেক্কে সিয়েন বিফল্ অবাত্তে ন-দুয়ো।

২ করিন্হীয় 6:16

আর গোজেনর্ থেবার্ ঘরানত্ মূর্ত্তির জাগায়ান্ কুধু? আমি দঅ জেদা গোজেনর্ থেবার্ ঘর। পবিত্র বোইবোত্ গোজেনে কোইয়্যেদে, “মুই মঅ মানুচ্চুনো ইধু বজত্তি গুরিম, আর তারা সমারে আঢাউদো গুরিম। মুই তারার্ গোজেন ওম্, আর তারা মর্ নিজোর্ মানুচ্ অবাক্।”

ইফিষীয় 2:10

আমি গোজেনর্ আঢ্‌তোই বানেইয়্যে। গোজেনে খ্রীষ্ট যীশুর্ সমারে এগত্তর্ গুরিনে আমারে নুয়ো গুরিনে বানেয়্যে যেনে আমি গম কাম্ গুরিই। এ গম্ কামানি তে আগে ঠিগ্ গুরি থোইয়্যে, যেন আমি সিয়েনি গুরিনে জিংকানি কাদেই।

কলসীয় 2:7

খ্রীষ্ট ভিদিরে মূরোত্ পুরিনে তা ভিদিরে তুমি বাড়ি উদোনাত্ থাগঅ। তুমি শিক্ষ্যে পেইনে যিয়েন বিশ্বেজ্ গোজ্জো সিয়েন্দোই থির্ থাগঅ আর গোজেনরে নিত্য ভালেদি জানেই থাগঅ।

ইব্রীয় 3:6

মাত্তর্ খ্রীষ্ট সেই পরিবারর্ ভারান-পেইয়্যে পুয়ো ইজেবে বিশ্বেজি-এলঅ। আমার ঘেচ্চ্যেকগুরি আজা আঘে বিলিনে মনত্ যে সাহচ্‌ আর হুজী এজে, সিয়েন্দোই যুনি আমি থুম্ সং থির্ থেই সালে দেগা যেবঅ, আমি গোজেন ঘোর্‌বো।

৩ যোহন 1:8

সেনত্যে এবাবোত্যে মানুচ্চুনোরে এজাল্ দেনা আমার উচিত, যেন গোজেনর্ সত্যগানত্যে আমিয়ো তারার্ কামঅ সমাজ্জ্যে ওই।