১ করিন্হীয় 3:18 - Chakma Bible

¹⁸ তুমি কেঅ নিজোরে ফাগি ন-দুয়ো। তমাত্তুন্ যুনি কেঅ এ যুগোর চিন্তেলোই নিজোরে জ্ঞানী মনে গরে সালে তে মূর্খ ওক্‌ যেন তে ঘেচ্চেকগুরি জ্ঞানী ওই পারে,

১ করিন্হীয় 3:18 ပူးပေါင်းရင်းမြစ်များ

গম্ উপদেজ্ 26:12

তুই কি এমন্ মান্‌জ্যরে দেখ্যচ্ যে তার নিজো চোগেদি জ্ঞানী? তাত্তুন্ বরং বিবেচনা নেইয়্যেবো পৌইদ্যেনে আজা আঘে।

গম্ উপদেজ্ 3:5

তর্ বেক মনান্ দিইনে লগেপ্রভু উগুরে নির্ভর গর্; তর্ নিজো বিচের বুদ্ধি উগুরে ভরসা ন-গুরিচ্।

গম্ উপদেজ্ 3:7

তঅ নিজো চোগেদি জ্ঞানি ন-ওচ্; লগেপ্রভুরে ভোক্তিগুরিনে দোরেচ্, ভান্ন্যেই কামত্তুন্ দূরোত্ যাহ্।

গম্ উপদেজ্ 5:7

মঅ পুয়োগুন, এবেরা মঅ কধাগান শুনো, মুই যিয়েন কঙর্ সিয়েনত্তুন্ এক্কেনায়ো ন-লড়িবা।

যিশাইয় 44:20

তে ছেই হাইদ্যে ধোক্ক্যেন গুরি কাম্ গরে আর তার ঠগাইদ্যে মনানে তারে দজাত্ ফেলায়। তে নিজোরে উদ্ধোর্ গুরি ন-পারে বা নয়ো কয়, “মঅ ডেন্ আঢর্ এ জিনিস্‌‍‍ছান কি মিজে নয়?”

যিশাইয় 5:21

অভিশাব্ পোড়োক্ সেই মানুচ্চুনোর্, যিগুনে নিজো চোগেদি জ্ঞানবলা আর নিজোরে বুদ্ধিবলা বিলিনে মনে গরন্।

যিরমিয় 37:9

“ ‘তুমি এ কধাগান ভাবিনে নিজোরে ন-ঠোগেয়ো যে, বাবিলীয়গুনে ঘেচ্চেকগুরি তমারে ছাড়িনে ন-যেবাক্। না, তারা ন-যেবাক্।

যিরমিয় 8:8

“তুমি কেধোক্ক্যেনগুরি কঅ, ‘আমি জ্ঞানী আর লগেপ্রভুর সুদোমানি আমা ইধু আঘে।’ আজলে ধর্ম-মাস্তরুনে সুদোমানি ভুল্ গুরিনে মিজে কধা লেখ্যন্।

মথি লেখ্যে গম্ হবর্ 13:22

কাদা ঝুবো ভিদিরে পোজ্যে বীজিগুনো মাধ্যমে তারা পৌইদ্যেনে কুয়ো ওইয়্যে যিগুনে সে কধানি শুনোন্, মাত্তর্ সংসারর্ চিন্তে-ভাবনা আর ধন-সোম্বোত্তির্ মেয়্যেলোই সেই কধাগানরে চাপি রাগায়। সেনত্তে সেক্কে কনঅ ফল ন-অয়।

মথি লেখ্যে গম্ হবর্ 18:4

যে কনজনে এ চিগোন গুরোগুনো ধোক্ক্যেন্ নিজোরে চিগোন গরন্ তেয়ই স্বর্গ-রেজ্য ভিদিরে বেগত্তুন্ দাঙর্।

মার্ক 10:15

মুই তমারে ঘেচ্চেক্‌‌‍গুরি কঙর্, চিগোন পুয়ো-ঝিগুনো ধোক্ক্যেন্ গুরি গোজেনর শাসন মানি ন-নিলে কেঅ কনমতে গোজেন রেজ্যত্ সোমেই ন-পারিবাক্।”

লূকে লেখ্যে গম্ হবর্ 18:17

মুই তমারে ঘেচ্চেক্‌‌‍গুরি কঙর্, চিগোন পুয়ো-ঝিগুনো ধোক্ক্যেন্ গুরি গোজেনর শাসন মানি ন-নিলে কেঅ কনমতে গোজেন রেজ্যত্ সোমেই ন-পারিবাক্।”

লূকে লেখ্যে গম্ হবর্ 21:8

জোবত্ যীশু কলঅ, “জাগি থাগঅ, কেঅ যেন তমারে ন-ঠগায়, কিয়া ভালোক্‌জনে মঅ নাঙে এইনে কধা কবাক্, ‘মুয়ই সিবে!’ আর ‘সময় কায়কুরে এচ্চ্যে।’ মাত্তর্ তারারে ন-বেঙেয়ো।

রোমীয় 11:25

ভেইলগ্, তুমি যেন নিজোরে জ্ঞানী মনে ন-গরঅ সেনত্তে মুই এক্কান গুমুরো সত্য তমারে জানেই রাগেবাত্তে চাং। সেই সত্যগান্ ইয়েন-অযিহূদীগুনোরে গুণীনে ন-পুরোনা সং বেচ্‌ ভাগ্ ইস্রায়েলীগুনোর মনানি দরমর ওই থেবঅ।

রোমীয় 12:16

তমার্ একজন উগুরে অন্যর্ মনভাব্ যেন এক্কুই অয়। দাঙর্ মান্‌জ্যর্ ভাব্ ন-দেগেইনে বরং যিগুনে দাঙর্ মানুচ্‌ নয় তারা সমারে মিজেয়ো। নিজোরে জ্ঞানী মনে ন-গোজ্য।

১ করিন্হীয় 15:33

কধায় কয়, “বজং সমাজ্জ্যে গম্ মান্‌জ্যরেয়ো বজং গুরি ফেলায়।”

১ করিন্হীয় 3:17

যুনি কেঅ গোজেনর্ থেবার্ ঘর বর্‌বাদ গরে সালে গোজেনেয়ো তারে বর্‌বাদ গুরিবো, কিয়া তার্ থেবার্ ঘরান পবিত্র, আর তুমিই সেই ঘরান্।

১ করিন্হীয় 4:10

আমি খ্রীষ্টত্যে মূর্খ ওইয়্যেই আর তুমি খ্রীষ্ট সমারে মিজেইনে বুদ্ধিবলা ওইয়ো। আমি বল্‌পোজ্যে মাত্তর্ তুমি বোলী। তুমি বোউত্ সর্মান পেইয়ো আর আমি অসর্মান পেইয়্যেই।

১ করিন্হীয় 6:9

যিগুনে অন্যেয় গরন্ সিগুনে যে গোজেন রেজ্যর্ অধিকারী ন-অবাক্, সিয়েন কি তুমি কোই ন-পারঅ? তুমি ভুল্ ন-গোজ্জ্য। যিগুনোর্ খাচ্চ্যত্ ভান্ন্যেই, যিগুনে মূর্ত্তি পুজো গরন্, যিগুনে বেগেয়্যে গরন্, যিগুনে মরদ-বেগেয়্যে, যে মরদ্‌তুনে মরদ্‌অ সমারে বেগেয়্যে গরন্,

গালাতীয় 6:3

কিচ্চু ন-ওইনেয়ো কেঅ যুনি নিজোরে বিশেষ কিজু বিলিনে মনে গরে সালে দঅ তে নিজোরে থগায়।

গালাতীয় 6:7

তুমি ভুল্ ন-গোজ্জ্য, গোজেন সমারে তামাজা ন-চলে; কিয়া যে যিয়েন লাগেব, তে সিয়েনই কাবিবো।

ইফিষীয় 5:6

মিজে কধাবাত্তালোই যেন কেউ তমারে ভুল্ পধেদি ন-নেযায়, কিয়া যিগুনে অবাধ্য ওইনে সেবাবোত্যে কাম্ গরন গোজেন সাজা তারা উগুরে লামি এজে।

২ তীমথিয় 3:13

মাত্তর্ পাজি মানুচ্চুনে আর ফক্করুনে দিন দিন আরঅ বজং অবাক্। তারা অন্যগুনোরে ভুল্ পধেদি নেযেবাক্ আর নিজেয়ো ভুল্ পধেদি চলিবাক্।

তীত 3:3

আমিয়ো আগে বুদ্ধি-নেইয়্যে আর অবাধ্য এলং, ভুল্ পধেদি চলিদোং, সুগী আর নানান্ বাবোত্যে কামনা-বাসনার চাগর্ এলং। আমি অন্যরে ইংসে গুরিদোং আর ক্ষোতি গুরিবার চিন্তেলোই জিংকানি কাদেদং। নিজে অন্যগুনোত্তুন্ ঈচ্ গরা হেইয়্যে অলেয়ো আমি একজন অারেক জনরে ঘিনেদং।

যাকোব 1:22

বানা গোজেন কধানি শুনিলে ন-চলিবো, সেবাবোত্যে গুরি কাম্‌অ গরা পরিবো। যুনি তুমি বানা গোজেনর্ কধানি শুনো মাত্তর্ সে ধগে কাম্ ন-গরঅ সালে তুমি নিজোরে থগর্।

যাকোব 1:26

কেঅ যুনি নিজোরে ধার্মিক মনে গরে অদচ নিজোর্ জিলানরে ন-সামালায় তে নিজোরে থগায়। তার্ ধর্মর্ কামানি মিজে।

১ যোহন 1:8

আমি যুনি কোই আমা ভিদিরে পাপ নেই সালে আমি নিজোরে ফাকি দিই। সেক্কে ইয়েনই বুঝো যায় যে, আমা মন ভিদিরে গোজেনর্ সত্যগান নেই।