১ করিন্হীয় 3:17 - Chakma Bible

¹⁷ যুনি কেঅ গোজেনর্ থেবার্ ঘর বর্‌বাদ গরে সালে গোজেনেয়ো তারে বর্‌বাদ গুরিবো, কিয়া তার্ থেবার্ ঘরান পবিত্র, আর তুমিই সেই ঘরান্।

১ করিন্হীয় 3:17 ပူးပေါင်းရင်းမြစ်များ

পত্থম 28:17

এ কধাগান্‌ ভাবিনে তা মনত্‌ দর্‌ এলঅ। তে কলঅ, “ কি দর্‌গরেপারা এ জাগায়ান! ইয়েন্‌ গোজেনর থেবার জাগা ছাড়া আর কিচ্ছু নয়; স্বর্গর্‌ দুঅরান ইয়োদোই।”

১ বংশধর 29:3

এ পবিত্র তবনা-ঘরানত্তে মুই যিয়েনি থুবেয়োং সিয়েনি বাদেয়ো মর্‌ গোজেন ঘরান উগুরে মর্‌ কোচ্‌পানার্‌ কারনে ইক্কিনে মুই মর্‌ নিজোর্‌ সোনা আর রূবো দুয়োঙর্‌।

গীতসংহিতা 74:3

উমরর্ এ ভস্তর কুড়োবোন্দি তুই আঢিনে উজেই আয়; সুুদ্ধো-সাংগ জাগানত্ শত্রুগুনে বেক্কানি বর্‌বাত্ গুরি দুয়োন।

গীতসংহিতা 79:1

ও গোজেন, অন্য জাদ্‌তুনে তর্ সোম্বোত্তিগানি আক্রমন গোজ্যন্, তারা সিদু চোমেয়োন্দি; তঅ সুদ্ধো-সাংগ ঘরান্ তারা অসিজি গোজ্যন্; যিরূশালেমানরে তারা ভস্তর কুড়্ বানেয়োন্।

গীতসংহিতা 93:5

তর্ বেক কধানি বিশ্বেজ্ গুরিবার; ও লগেপ্রভু, তর্ ঘরান সুদ্ধো-সাংগ গুরি উমরত্যে সাজেয়্যে।

গীতসংহিতা 99:9

সেনত্তে আমা গোজেন লগেপ্রভুর বাঈনী গরঅ; তা পবিত্র মুড়োবোর মুজুঙোত্ তারে শ্রদ্ধা জানঅ, কিত্তে আমা গোজেন লগেপ্রভু পবিত্র।

যাত্রা 3:5

লগেপ্রভু কলঅ, “আর কায়-কুরে ন-এইচ্‌। তুই পবিত্র জাগানত্ ঠিয়্যেই আগচ্‌। তঅ টেঙর্‌ জদানি খুলি ফেলা।

যিশাইয় 64:11

আমা পুরোণী মানুচ্চুনে যিয়েনত্ তরে নাঙ্ গিনিদাক্ আমা সেই পবিত্র আর বাঈনী গুরিবার তবনা ঘরান আগুনোত্ পুড়ি যেইয়্যে আর আমা গম্ জিনিস যেদক্কানি এলঅ ভস্ত ওই যেইয়্যে।

যিহিষ্কেল 43:12

ইয়েন অলঅ উবোসনা-ঘরর্ আইন-মুড়োবো উগুরে চেরোকিত্তে বেক্ চাগালাগান অবঅ বজমান্ সুদ্ধো-সাংগ। উবোসনা-ঘরর আইনান্ এবাবোত্যে।

যিহিষ্কেল 5:11

সেনত্তে মুই প্রভু লগেপ্রভু মঅ জিংকানিগান নাঙে কঙর্, তর্ বেক বাজে মূত্তি আর জঘন্য কামানিলোই তুই মঅ ঘরান অসিজি গোজ্যস্ বিলিনে মুই নিজে মঅ দোয়্যেগান সোরেই নেযেম্; মুই তঅ উগুরে মেয়্যে গুরি রিনি ন-চেম্ বা তরে রেহাই ন-দিম্।

যিহিষ্কেল 7:22

ডাগেত্‌তুনে মর্ সুদ্ধো-সাংগ জাগানত্ সোমেইনে সিয়েন অসিজি গুরিবাক্, আর মুই তারা ইন্দিত্তুন্ মুয়োন ফিরেই নিম্।

লেবীয় 15:31

যেরেদি লগেপ্রভু মোশি আর হারোণরে কলঅ, “ইস্রায়েলীয়গুনো ভিদিরে মর্‌ থেবার্‌-তাম্বুল আঘে। তুমি বেক্‌ ফি-বলাগানত্তুন্‌ তারারে দূরোত্‌ রাগেবা যেনে তারা থেবার-তাম্বুলান ফি-বলা গুরিনে তারা ফি-বলাগান ভিদিরে মুরি ন-যান।”

লেবীয় 20:3

তাত্তুন্‌ মুই মুয়োন্‌ ফিরেই নিম্‌ আর তা জাদত্তুন্‌ মুই তারে তুলি ফেলেম, কিত্যে মোলক দেবেদা ইদু তার্‌ পূঅবো উৎসর্ব গুরিনে তে মর্‌ পবিত্র তাম্বুলান্ ফি-বলা গোজ্যে আর মর্‌ পবিত্র নাঙানর্‌ পবিত্রতাগান্‌ বরবাদ্ গোজ্যে।

সফনিয় 3:4

তার ভাববাদীগুনে অবাধ্য আর বেঈমান। তার ধর্মগুরুগুনে সিজিগানরে অসিজি গরন্ আর রীদি-সুদোম বিরুদ্ধে পাপ গরন্।

গণাণা 19:20

অসিজি অনার পরেদি যুনি কনজনে নিজোরে সিজি গুরি ন-নেযায় সালে তারে তার্‌ সমাজ ভিদিরেত্তুন্‌ সমাজ বাড়া গরা পুরিবো, কিত্যে নিজোরে সিজি ন-গুরিনে তে লগেপ্রভুর পবিত্র তাম্বুলান অসিজি গোজ্যে। সিজি গুরিবার্‌ পানিগান্‌ তা উগুরে ছিদেনা ন-অয় বিলি তে অসিজি।

১ করিন্হীয় 3:16

তুমি কি কোই ন-পারঅ যে, তুমি গোজেনর্ থেবার্ ঘর আর গোজেন আত্মা তমা মনত্ বজত্তি গরে?

১ করিন্হীয় 3:18

তুমি কেঅ নিজোরে ফাগি ন-দুয়ো। তমাত্তুন্ যুনি কেঅ এ যুগোর চিন্তেলোই নিজোরে জ্ঞানী মনে গরে সালে তে মূর্খ ওক্‌ যেন তে ঘেচ্চেকগুরি জ্ঞানী ওই পারে,