১ করিন্হীয় 3:15 - Chakma Bible

¹⁵ আর যুনি সিয়েন পুড়ি যায় সালে তার্ ক্ষতি অবঅ। খালিক্ তে নিজে উদ্ধোর্ পেবঅ, মাত্তর্ তা অবস্থাগান এমন্‌ মান্‌জ্য ধোক্ক্যেন অবঅ যে আগুনো ভিদিরেদি পার্ ওই এচ্চ্যে।

১ করিন্হীয় 3:15 ပူးပေါင်းရင်းမြစ်များ

ইয়োব 23:10

মাত্তর্ মুই কন্ পধেদি আঢঙর্ সিয়েন তে হবর্ পায়; তে মরে জগা চেলে মুই আজল্ সনা ধোক্ক্যেন্ ওম্।

গীতসংহিতা 66:10

ও গোজেন, তুই আমারে জগা চেইয়োচ্; রূবোর খাটিগান আগুনোত্ পুড়ি নিগিলেইদে ধোক্ক্যেন গুরি তুই আমারে জোক্‌জোক্যে গোজ্যস্।

গীতসংহিতা 66:12

তুই আমা মাদা উগুরেন্দি যেন মানুচ্চুনোরে ঘোড়াত চড়িনে যাদে দুয়োচ্। আগুন আর পানি ভিদিরেন্দি আমাত্তুন্ এজা পোজ্যে, মাত্তর্ তুই আমারে যগাজ্যে আশিদ্‌বাদ ভিদিরে আন্যচ্।

আমোষ 4:11

মুই তমা গোজেন যেবাবোত্যেগুরি সদোম আর ঘমোরাগানরে ভস্ত গোজ্যং সেবাবোত্যেগুরি তমারে বোউত্ জনরে ভস্ত গুরিলুং। তুমি ওইয়ো আগুনোত্তুন্ তুলি লোইয়্যে জ্বোল্‌‌‌জোল্যে দার্‌‌‌বো ধোক্ক্যেন, তো তুমি মইদু ফিরি ন-এলা।

সখরিয় 3:2

লগেপ্রভু শদান্নোরে কলঅ, “শদান, লগেপ্রভু তরে মানা গোরোক্। যিরূশালেমানরে যিবে বেঈ নেযেয়্যে তে তরে মানা গোরোক্। এই মানুচ্চো কি আগুনোত্তুন্ নিগিলেই আন্যে তক্তা নয়?”

প্রেরিত্‌ 27:21

মানুচ্চুনে ভালোক্ দিন ধুরিনে কিচ্চু ন-খান্ বিলি পৌলে তারা মুজুঙোত্ থিয়্যেইনে কলঅ, “চঅ, মঅ কধাগান্ শুনিনে ক্রীট দ্বীপত্তুন্ জাহাজ্‌চান ন-ছাড়ানা তমার্ উচিত্ এলঅ। সালে এ দযা আর ক্ষতিগানত্তুন্ তুমি রোক্ষ্যে পেদা।

প্রেরিত্‌ 27:44

আর বাগি বেক্কুনে জাহাজর্ তক্তা বা অন্য কনঅ কট্টা ধুরিনে সিয়েনত্ যাদোক্। এবাবোত্যেগুরি বেক্কুনে গমেডালে কুলো চরত্ লুমিলাক্।

১ পিতর 4:18

পবিত্র বোইবোত্ আঘে, গোজেন-ভক্ত মানুচ্চুনোর্ উদ্ধোর্ পানা যুনি এদক্ আগাত্যে অয়, সালে যিগুনে পাপী আর গোজেন উগুরে ভোক্তি নেই, তারার্ অবস্থা কি অবঅ?

২ যোহন 1:8

তুমি সজাক্ থাগঅ, যেনে তমার কামর্ ফল ন-আরেইনে তুমি বক্‌শিজোর্ বেক্কান পেই পারঅ।

যিহূদা 1:23

আগুনোত্তুন্ তুলি আনিনে অন্যগুনোরে রোক্ষ্যে গরঅ। পাপ-খাচ্চ্যদ্‌‌‌‌তোই যিগুনোর্ জিংকানিগানি কাজর্ ওইয়্যে তারার্ কাবড়ানিয়ো ঈচ্ গরঅ আর নিজোরে উজিয়ারে থোইনে তারারে দোয়্যে গরঅ।

ফগদাং পেইয়্যে 3:18

সেনত্যে মুই তরে এ উপদেচ্‌‌চান দোঙর-তুই মত্তুন্ আগুনোত্ পুজ্জ্যে খাটি সনা কিনি লঅ যেন তুই থাগোইয়্যে ওই পারচ্। মত্তুন্ ধূব্ কাবর কিনিনে পিন্‌ যেন তর্ লাংদা থানার লাজ্‌চান দেগা ন-যায়। মত্তুন্ চোগোত্ দিবার মলম কিনি লঅ যেন তুই দেগচ্।