১ করিন্হীয় 3:10 - Chakma Bible

¹⁰ গোজেনত্তুন্ যে বিশেষ দোয়্যে মুই পেয়োং সিয়েন্দোই কাবিল্ রাজমিস্ত্রি ধোক্ক্যেন্ মুই গড়াগান্ গাড়েয়োং, আর সিয়েন উগুরে অন্যগুনে বিল্ডিং বানাদন্। মাত্তর্ কন্না কেধোক্ক্যেন গুরি বানাদন্ সে পৌইদ্যেনে তে উজিয়ার্ ওক্‌।

১ করিন্হীয় 3:10 ပူးပေါင်းရင်းမြစ်များ

২ বংশধর 2:12

হীরমে আরঅ লিগিলো, ইস্রায়েলর গোজেন লগেপ্রভু ধন্য, যিবে আগাজ্‌ আর পিত্‌থিমীগানরে বানেয়্যে। তে রাজা দায়ূদোরে এন্‌ এক্কো জ্ঞানী পুয়ো দিয়্যে যিবের্‌ বুদ্ধি আর বুঝিবার খেমতা আঘে আর যিবে লগেপ্রভুত্তে এক্কান্‌ ঘর্‌ আর নিজোত্তে এক্কান রাজঘর বানেব।

যাত্রা 36:4

সিয়েন্‌ দেগিনেই যিদুক্কুন্‌ কাবিল্‌ কালিগরে পবিত্র তাম্বুল-ঘর বানেবার্‌ কাম্‌ গরদন্ তারা তারার্‌ কামানি থামেইনে মোশি ইদু যেইনে কলাক্‌, “লগেপ্রভুর্‌ উগুম্‌ মজিম কাম্‌ গুরিবাত্তেই যিয়েনি দরকার্‌ মানুচ্চুনে সিত্তুন্‌ আরঅ‌ বোউত্‌ বেশ্‌ পযাপিরা আনদন্‌।”

গম্ উপদেজ্ 12:8

মান্‌জ্যে যেবাবোত্যেগুরি বুদ্ধি খাদান্ সেই মজিম্ নাঙ্ গিনেনাগান্ পান, মাত্তর্ কুজুরো মন মানুচ্চুনোরে ঈচ্ গরা অয়।

গম্ উপদেজ্ 9:1

গম্ বুদ্ধিগানে তা ঘরান্ বানেয়্যে; পাত্তর্ কাবিনে তে সাত্তো খুদো বানেয়্যে।

উপদেশক 12:9

উপদেশকে নিজে জ্ঞানী এলঅ আর তে মানুচ্চুনোরেয়ো জ্ঞান পৌইদ্যেনে শিক্ষ্যে দিদো। তে ভাবি ভাবাই আর পোরোক্ষ্যে গুরিনে বোউত্ দাঘ কধানি সাজেয়্যে।

দানিয়েল 12:3

যিগুনোর বুঝিবার খেমতা আঘে, অত্তাৎ যিগুনে ভালোক্ জনরে ন্যায়পদত্ আন্ন্যন্ তারা আগাজ পহ্‌‌‌‌‌র আর জ্বোল্‌‌‌‌‌জোল্যে তারা ধোক্ক্যেন উমরত্যে জ্বোল্‌‌‌‌‌জোল্যে থেবাক্।

সখরিয় 4:9

“সরুব্বাবিলর আঢ্‌‌তানিয়ে এ উবোসনা-ঘরর্ গড়াগান থিদেবর্ গোজ্যে আর তা আঢ্‌‌তানিয়ে সিয়েন থুম্ গুরিবো। সেক্কে মানুচ্চুনে হবর্ পেবাক্ যে, মুই বেগত্তুন্ খেমতাবলা লগেপ্রভু তরে তারাইদু পাদেয়োং। ‌‌

মথি লেখ্যে গম্ হবর্ 24:45

সেই বিশ্বেজি আর বুদ্ধিবলা চাগর্‌বো কন্না, যিবেরে তা গিরোজ্‌সো তার্ অন্য চাগরুনোরে ঠিগ্ সময়োত্ হানা দিবাত্তে কামর্ ভারান্ দিয়্যে?

মথি লেখ্যে গম্ হবর্ 7:24

“সে পরেদি যে কনজনে মর্ এই বেগ্ কধানি শুনিনে সিয়েনি পালায় তে এমন্ এক্কো বুদ্ধিবলা মান্‌জ্য ধোক্ক্যেন্, যে পাত্তর উগুরে তা ঘরান্ বানেল।

লূকে লেখ্যে গম্ হবর্ 11:35

তঅ ভিদিরে যে পহ্‌‌রান আঘে সিয়েন্ আজলে আন্ধার্ না কি সে পৌইদ্যেনে উজিয়ার্ অ।

লূকে লেখ্যে গম্ হবর্ 21:8

জোবত্ যীশু কলঅ, “জাগি থাগঅ, কেঅ যেন তমারে ন-ঠগায়, কিয়া ভালোক্‌জনে মঅ নাঙে এইনে কধা কবাক্, ‘মুয়ই সিবে!’ আর ‘সময় কায়কুরে এচ্চ্যে।’ মাত্তর্ তারারে ন-বেঙেয়ো।

প্রেরিত্‌ 18:27

যেরেদি আপল্লো যেক্কে আখায়াত্ যেবাত্তে চেলঅ সেক্কে ইফিষ বিশ্বেজি ভেইয়ুনে তারে উচ্চোমি তুলি দিলাক্। আখায়ার শিচ্চ্যগুনে যেন আপল্লোরে মানি লন্ ইয়েনত্তে ইফিষীয় ভেইয়ুনে আখায়াত্ চিধি লিগিলাক্। গোজেনর্ দোয়্যেই আখায়াত্ যিগুনে বিশ্বেজি ওইয়োন আপল্লো সিধু লুমিনে তারারে বল্ দিলো।

রোমীয় 1:5

তার্ মাধ্যমে তা নাঙানত্তে আমি দোয়্যে আর প্রচারক-পদ পেইয়্যেই, যেন বেক্‌ জাদঅ ভিদিরেত্তুন্ মান্‌জ্যে বিশ্বেজ্ গুরিনে গোজেনর্ বাধ্য ওই পারন্।

রোমীয় 12:3

মুই গোজেনত্তুন্ যে বিশেষ দোয়্যে পেইয়োং সিয়েনর্ মাধ্যমে মুই তমা বেক্কুনোরে কঙর্, নিজোরে যেত্তমান্ দাঙর্ মনে গরানা উচিত্ সিয়েনত্তুন্ বেশ্ দাঙর্ তুমি নিজোরে মনে ন-গোজ্য, বরং যেত্তমান্ যগাজ্যে সেত্তমান্ মনে গোজ্য। গোজেনে যিবেরে যেত্তমান্ বিশ্বেজর্ খেমতা দিয়্যে তাত্তুন্ বেশ্ কনজনে যেন নিজোরে মনে ন-গরন্।

রোমীয় 15:15

তো কয়েক্কো পৌইদ্যেনে তমারে ইদোত্ তুলি দিবাত্তে মুই সাহচ্‌ গুরিনে তমা ইধু এ কধাগানি লিগিলুং, কিয়া গোজেনে মরে অযিহূদীগুনো ইধু খ্রীষ্ট যীশুর্ সেবাগুরিয়্যে অবার্ বর্ দিয়্যে। পবিত্র আত্মালোই যিদুক্কুন্ অযিহূদীরে যুদো গুরি থুয়ো ওইয়্যে, তারা যেন গোজেনর্ মানি লোইয়্যে উৎসর্ব ওই পারন্ সেনত্তে তার্ দিয়্যে গম্ হবর্ ফগদাং গুরিনে মুই ধর্মগুরুর্ কাম্ গরঙর্।

রোমীয় 15:20

খ্রীষ্ট নাঙান্ যিয়েনত কনদিন্অ কুয়ো ন-অয় সিয়েনত্ গম্ হবর্ ফগদাং গরানা মঅ জিবনর্ আজা, যেন অন্য মান্‌জ্যর্ বানেয়্যে জাগাত্ মত্তুন্ বানা ন-পড়ে।

১ করিন্হীয় 3:11

যে গড়াগান আগে গারা ওইয়্যে সিয়েন বাদে আর কনঅ গড়া কেঅ তুলি ন-পারন্। যীশু খ্রীষ্টই অলঅ সেই গড়াগান্।

১ করিন্হীয় 9:2

অন্যগুনে যুনি মরে প্রচারক্ বিলিনে স্বীগের্ নয়ো-গরন্ তো তুমি অন্তত: সিয়েন স্বীগের্ গুরিবা। তুমি যে প্রভুর্ মানুচ্‌ ওইয়ো সিয়েনই মর্ প্রচারক্-পদর্ প্রমাণ।

২ করিন্হীয় 10:15

সিয়েনবাদে অন্যগুনোর্ কামানিলোইয়ো আমি দেমাগ্ ন-গুরির্-যুনি গুরিদোং সালে সিয়েন দুযির্ বারেদি যেদঅ। আমি এ আজাগান্ গুরির্ যে, তমার্ বিশ্বেজ্ বাড়ানার্ লগে লগে আমি তমা ভিদিরে আরঅ বোউত্ কাম্ গুরি পারিবোং।

ইফিষীয় 2:20

প্রচারক আর ভাববাদীগুনে অলাক্ গড়াগান্ আর সেই গড়াগানর্ আজল্ পাত্তর্‌বো খ্রীষ্ট যীশু নিজে। সেই গড়াগান উগুরে তমারে তুল ওইয়্যে।

কলসীয় 1:29

এই উদ্দেচ্চ্যগান্দোই গোজেনে যে দাঙর্ খেমতাগানে মঅ ভিদিরে কাম গোজ্জ্যে সেই খেমতা মজিম মুই জদবদে কাম্ গরঙর্।

কলসীয় 4:17

আর্খিপ্পরে এ কধাগান কঅ, “প্রভুর সেবা গুরিবাত্যে তরে যে কামান্ দিয়্যে ওইয়্যে সিয়েন থুম্ গরানা ইন্দি বিশেষ গুরি মনযোগ দুয়ো।”

১ তীমথিয় 4:16

তর্ নিজো পৌইদ্যেনে আর তর্ শিক্ষ্যে পৌইদ্যেনে উজিয়ার্ থাক্। ইয়েনি গরানাত্ থাক্, কিয়া সেক্কে তুই নিজোরে রোক্ষ্যে গুরি পারিবে আর যিগুনে তঅ কধা শুনিবাক্ তারারেয়ো রোক্ষ্যে গুরি পারিবে।

২ তীমথিয় 2:15

যিবে উগুরে গোজেনে হুজি, অত্তাৎ যিবের্ লাজেবার্ কনঅ কারন নেই সেবাবোত্যে কামর্ মানুচ্‌ ইজেবে আর যে ভুল্-নেইয়্যে গুরি সত্যর্ কধা শিক্ষ্যে দে সেবাবোত্যে মানুচ্‌ ইজেবে নিজোরে গোজেন মুজুঙোত্ আঝির্ গুরিবাত্যে বিশেষ গুরিনে আয়োজি অ।

যাকোব 3:1

মর্ ভেইয়ুন্, তমাত্তুন্ বেক্কুনে মাষ্টর অবাত্যে ন-যেয়ো, কিয়া তুমি দঅ কোই পারঅ, আমি মাষ্টর্ বিলিনে অন্যগুনোত্তুন্ আমারে আরঅ দরমর গুরি বিচের্ গরা অবঅ।

১ পিতর 4:11

যুনি কেঅ ফগদাং গরে সালে তে এবাবোত্যে গুরি ফগদাং গোরোক যেন তে গোজেনর্ নিজোর্ মুয়ো কধা কর্। যুনি কেঅ সেবা গরে সালে তে গোজেনর্ দিয়্যে বল্লোই সেবা গোরোক্, যেন যীশু খ্রীষ্টর্ মাধ্যমে বেক্কানিত্ গোজেনর্ বাঈনী পায়। বাঈনী আর খেমতা উমরত্যে তার্। আমেন।

২ পিতর 3:15

মনত্ রাগেয়ো, মান্‌জ্যরে পাপত্তুন্ উদ্ধোর্ পেবার সুযোগ দিবাত্যে আমা প্রভু ধৈজ্জ্য ধুরি আঘে। এই একই কধা আমার পরাণর্ ভেই পৌল-অ গোজেনর্ দিয়্যে জ্ঞানে তমা ইধু লেখ্যে।

ফগদাং পেইয়্যে 21:14

সেই শঅরর্ দেবালানির্ বারবো খুদো গাড়েয়্যে এলঅ আর সিগুনো উগুরে ভেড়া-ছবোর্ বারজন দূতোর্ বারগান নাঙ্ লেগা এলঅ।

ফগদাং পেইয়্যে 21:19

সেই শঅরানর্ দেবাল গড়াগানিত্ নানান্ বাবোত্যে মংগা পাত্তর্ বোজেয়্যে এলঅ। পত্তম গড়াগান হীরের্, দ্বিলম্বরান নীলকান্তমণির, তিন লম্বরান তাম্রমণির, চের্ লম্বরান পান্নার,