১ করিন্হীয় 16:9 - Chakma Bible

⁹ কিয়া যে কামত্ সাগর ফল পা-যায় সেবাবোত্যে কামত্যে এক্কো দাঙর্ জু মঅ মুজুঙোত্ এচ্চ্যে; খালিক্ ভালোকজনে ইয়েনত্ মানায়ো গত্তন্।

১ করিন্হীয় 16:9 ပူးပေါင်းရင်းမြစ်များ

প্রেরিত্‌ 14:27

আন্তিয়খিয়াত্ লুমিনে মন্ডলীর বেক্কুনোরে তারা এক জাগাত্ থুবেলাক্ আর গোজেনে তারা মাধ্যমে যিয়েনি গোজ্জ্যে সিয়েনি বেক্কানি কলাক্। গোজেনে কেধোক্ক্যেন্ গুরি অযিহূদীগুনোরে সুযোগ গুরি দিয়্যে যাতে তারা খ্রীষ্ট উগুরে বিশ্বেজ্ গুরি পারন্ সিয়েনিয়ো কলাক্।

১ করিন্হীয় 15:32

ইফিষত্ ঝার্‌বো এ্যামানুনো সমারে মত্তুন্ যে লড়াই গরা পোজ্জ্যে, সিয়েন যুনি বানা জাগতিক্ উদেচ্চ্য নিইনে গুরি থাং, সালে সিয়েনত্ মর্ কি লাভ ওইয়্যে? মরাগুনোরে যুনি জেদা গুরিনে তুলো ন-ওই থায় সালে চলেত্তে কধা মজিম, “এজঅ, আমি হানা-দানা গুরিই, কিয়া কেল্ল্যে দঅ আমি মুরিবোং।” তুমি ভুল্ ন-গোজ্জ্য।

২ করিন্হীয় 1:6

আমি যে দুঘ্ ভুগ্ গুরির্ সিয়েনি তমার সান্তনা আর উদ্ধোর নাঙেই গুরির্। আমি যে সান্তনা পেই সিয়েনি তমার্ সান্তনার্ নাঙে পেই। যেক্কে তুমি আমা ধোক্ক্যেন গুরি একই দুঘ্ ভোগ্ গুরিবে সেক্কে এ সান্তনাগান সেই দুঘ্‌‌কানি সমারে সোজ্জ্য গত্তে সাহায্য গুরিবো।

২ করিন্হীয় 2:12

মুই ত্রোয়া শঅরত্ খ্রীষ্ট পৌইদ্যেনে গম্ হবর্ প্রচার গুরিবাত্যে যেইনে দেগিলুং, সিধু কাম্ গুরিবাত্যে প্রভু মরে এক্কো জু গুরি দিয়্যে।

ফিলিপীয় 3:18

মুই তমারে বার্ বার্ কোইয়োং আর ইক্কিনে চোগো পানিলোই আরঅ কঙত্তে, এমন ভালোকজন আঘন্ যিগুনে খ্রীষ্টর্ ক্রুশোর শত্রু ধোক্ক্যেন আঢাউদো গত্তন।

কলসীয় 4:3

আর সে লগে আমাত্যেয়ো তবনা গোজ্জ্য যেন খ্রীষ্ট পৌইদ্যেনে গুমুরো সত্যগানর্ কধা ফগদাং গুরিবাত্যে গোজেনে আমারে জু গুরি দে। সেই গুমুরো সত্যগানত্যে দঅ মরে বন্দী গরা ওইয়্যে।

যাকোব 5:16

ইয়েনত্যে তুমি একজন আরেকজন ইধু পাপ স্বীগের্ গরঅ আর একজন আরেক জনত্যে তবনা গরঅ, যেন তুমি গম ওই পারঅ। গোজেনর্ আওজ্ মজিম যে চলে তার তবনাগানির্ জোর্ আঘে বিলিনে সিয়েনে ফল দে।