১ করিন্হীয় 16:6 - Chakma Bible

⁶ অয়ত তমা ইধু কিজু দিন থেম্, বা যার্‌‌কাল্লো তমা সমারে কাদেম্, যেন মুই যিধু যেদুং সাৎ তুমি মর্ যেবার বেবস্থা গুরি দি পারঅ।

১ করিন্হীয় 16:6 ပူးပေါင်းရင်းမြစ်များ

প্রেরিত্‌ 15:3

আন্তিয়খিয়া মন্ডলী তারার্ যেবার্ বেবস্থা গুরি দিলাক্। ফৈনিকিয়া আর শমরিয়া রেজ্যর্ ভিদিরেদি যেবার্ অক্তত্ পৌল আর বার্ণবা মানুচ্চুনোরে জানেলাক্, অযিহূদীগুনে কেধোক্ক্যেন গুরি গোজেন ইন্দি ফিজ্জ্যন্। এ হবরান্ শুনিনে বিশ্বেজি ভেইয়ুন বেক্কুনে অমকদ হুজি অলাক্।

প্রেরিত্‌ 17:15

যে মানুচ্চুনে পৌলরে সমারে গুরি নেযাদন্ তারা তারে এথেন্স শঅরত্ আনিলাক্। সে পরেদি সেই মানুচ্চুনে সীল আর তীমথিয়ত্যে এ উগুমান্দোই বিরয়াত্ ফিরি গেলাক্, সীল আর তীমথিয় যেদক্ ঝাদি-মাদি পারন্ যেইনে যেন পৌল সমারে মিজেই পারন্।

প্রেরিত্‌ 20:38

পৌলর্ মুয়োন্ আর্ তারা ন-দেগিবাক্, বিশেষ গুরিনে এ কধাগানত্যে তারা অমকদ মনত্ দুঘ্ পেলাক্। ইয়েনর্ পরেদি তারা তা লগে লগে জাহাজ্‌চান সং গেলাক্।

প্রেরিত্‌ 21:5

মাত্তর্ সেই দিনুন্ বিদি গেলে পরেদি আমি তারারে ফেলেইনে আমা পধ্‌থানদি লদ্ দিলোং। বেক্ শিচ্চ্যগুন আর তারা মোগ্‌কুন আহ্ ঝি-পুয়োগুনে আমা লগে লগে শঅর বারেদি এলাক্। যেরেদি সাগর পারত্ আমি আঢু পাড়িনে তবনা গুরিলোং।

প্রেরিত্‌ 27:12

বন্দর্‌বো জার্‌কাল কাদেবার্ যগাজ্যে জাগা নয় বিলিনে বেশ্ ভাগ্ মান্‌জ্যে ঠিগ্ গুরিলাক্, সিয়েনত্তুন্ লদ্ দিইনে সম্ভব অলে ফৈণীকত্ যেইনে জার্‌কাল্লো কাদা অবঅ। ফৈণীক্‌কান এলদে ক্রীট দ্বীপর্ জাহাজ্ থামেবার জাগা। এ জাগানর্ দোগিণ-পজিমে আর উত্তর-পোজিমে খুলো-মেলা এলঅ।

প্রেরিত্‌ 28:11

ইয়েনর্ তিন মাস পরেদি আমি এক্কান্ জাহাজত্ গুরি লদ্ দিলোং। জাহাজ্‌চান্ সেই দ্বীপোত্ জার্‌কাল্লো কাদেয়্যে। সিয়েন এলদে আলেক্‌জান্দ্রিয়া শঅরর্ জাহাজ আর তা মাঢাত্ যামা দেবেদার্ মূর্ত্তিবো নক্‌সা গোজ্যে এলঅ।

রোমীয় 15:24

সেনত্তে ইক্কিনে স্পেইন দেজত্ যেবার্ পধত্ মুই তমা ইধু যেবাত্তে চাঙর্। মুই আজা গরং, সেই পধেদি যেবার্ অক্তত্ তমা ইধু যেই পারিম্ আর তমা সমারে খানক্‌কন্ হুজীয়ে কাদানার্ পরেদি তুমি মরে স্পেইন দেজত্ যেবার্ বেবস্থা গুরি দিবা।

১ করিন্হীয় 16:11

ইয়েনত্যে কেঅ যেন তারে থেঝেরা ন-গরন্। তুমি তারে সুগে-শান্দিয়্যে পাধেই দুয়ো, যেন তে মঅ ইধু এই পারে। তে ভেইয়ুনো সমারে এবঅ বিলিনে মুই বাজ্জ্যেই আঘং।

২ করিন্হীয় 1:16

মুই ঠিগ্ গোজ্জ্যংগে যে, ম্যাসিডোনিয়া যেবার্ পধত্ তমা লগে দেগা গুরিনে যেম্ আর ম্যাসিডোনিয়াত্তুন্ আরঅ তমা ইধু ফিরি এম্, যেন তুমি মরে যিহূদিয়াত্ পাদেবার্ বেবস্থা গুরি পারঅ।

তীত 3:12

মুই আর্তিমা বা তুখিকরে তঅ ইধু দি-পাধেলে তুই নীকপলিত্ মঅ ইধু এবাত্যে বিশেষ গুরিনে চেষ্টা গুরিচ্, কিয়া মুই নীকপলিত্ যার্‌কাল্লো কাদেম্ বিলিনে ঠিগ্ গোজ্জ্যং।