১ করিন্হীয় 16:20 - Chakma Bible

²⁰ বেক্‌ ভেইয়ুনেয়ো তমারে ভালেদি জানাদন্। কোচ্‌পানার্ মনভাব্‌পোই তুমি একজন আরেকজনরে ভালেদি জানেয়ো।

১ করিন্হীয় 16:20 ပူးပေါင်းရင်းမြစ်များ

মথি লেখ্যে গম্ হবর্ 5:47

আর যুনি তুমি বানা তমা নিজো মানুচ্চুনোরে ভালেদি জান সালে অন্যগুনোত্তুন্ বেশ্ আর কি গরর্? অযিহূদীগুনেয়ো কি সে বাবোত্যে ন-গরন্?

রোমীয় 16:16

কোচ্‌পানার্ মনভাব্‌পোই তুমি একজন আরেক জনরে ভালেদি জানেয়ো। খ্রীষ্টর্ বেক্‌ মন্ডলীগুন্ তমারে ভালেদি জানাদন্।

রোমীয় 16:21

মঅ সমারে যিবে কাম্ গরে সেই তীমথিয় তমারে ভালেদি জানার্; লুকিয়, যাসোন আর সোষিপাত্রয়ো তমারে ভালেদি জানার্। তারায়ো মঅ ধোক্ক্যেন্ যিহূদী জাদর্ মানুচ্।

রোমীয় 16:23

মুই যিবের্ ঘরত্ থাং আর মন্ডলী মানুচ্চুনে যিবে ঘরত্ এক সমারে এগত্তর্ অন্ সেই গাইয় তমারে ভালেদি জানার্। এ শঅরর্ টেঙা-পৌইজ্যের্ ইজেব্ রাগেবার ভারান্ যিবে উগুরে আঘে সেই ইরাস্ত আর আমা ভেই কার্ত তমারে ভালেদি জানাদন্।

ফিলিপীয় 4:22

গোজেনর্ বেক্‌ মানুচ্চুন যিগুনে ইধু আঘন, বিশেষ গুরিনে সম্রাট কৈসরর্ ঘর মানুচ্চুনে তমারে ভালেদি জানাদন্।

১ থিষলনীকীয় 5:26

কোচ্‌পানার মনভাব্‌‌পোই বেক্কুনোরে ভালেদি জানেয়ো।

ইব্রীয় 13:24

তমার বেক্‌ নেতাগুনোরে আর গোজেন মানুচ্চুনোরে আমার ভালেদি জানেইয়ো। ইটালী দেজর্ গোজেনর্ মানুচ্চুনে তমারে ভালেদি জানাদন্।

১ পিতর 5:14

কোচ্‌পানার মনভাব্‌পোই তুমি একজন আরেকজনরে পাত্তুরু তুরু জানঅ। তুমি যিগুনে খ্রীষ্টর্ নিজো মানুচ্ ওইয়ো, তমার শান্তি-ওক্‌।