১ করিন্হীয় 16:2 - Chakma Bible

² তুমি বেক্কুনে তমার্ আয় মজিম্ সাপ্তার্ পত্তম দিনোত্ কিজু তুলিনে থুবো, যেন মুই লুমিলে পরেদি চান্দা তুলো ন-পরে।

১ করিন্হীয় 16:2 ပူးပေါင်းရင်းမြစ်များ

পত্থম 26:12

ইস্‌হাকে সে বজরত্ সেই দেজত্‌ চাষ্‌ গুরিনে একশঅ গুণ ফল্‌ পেলঅ। লগেপ্রভু তারে বর্ দিলো,

পত্থম 30:27

মাত্তর্‌ লাবনে তারে কলঅ, “যুদি মঅ উগুরে তমার কনঅ বেজার্ অবার্‌ কারন ন-থায়্‌ সালে ন-যেয়ো। নানান্ বাবোত্যে লক্ষণত্তুন্‌ মুই বুঝি পারঙত্তে, তমাত্তে লগেপ্রভু মরে বর্‌ দিয়্যে।”

পত্থম 30:30

মুই এবার্‌ আগেদি তমা য়েমান সোম্বোত্তি বেশ্‌ ন-এলাক, মাত্তর্‌ ইক্কুনি দঅ বাড়িনে বোউত্‌ বেশ্‌ ওইয়োন। মুই যিয়েনত্ টেং ফেলেয়োং সিয়েনত্ লগেপ্রভু তমারে আশিদ্‌বাদ্‌ গোজ্যে। মাত্তর্‌ ইক্কুনি মর্‌ নিজোর্‌ পরিবার কধা ভাবিবার্‌ সময় ওইয়্যে।”

পত্থম 32:10

তর্‌ এ চাগর্‌বোরে তুই যে দোয়্যে আর বিশ্বেজ্ দেগেয়োচ্‌ মুই তার যগাজ্যে নয়। বানা এক্কো লুদিক্‌ আদত্‌ নিইনে মুই এ যর্দন গাঙান্‌ পার্‌ ওইয়োং, মাত্তর্‌ ইক্কুনি মঅ সমারে আঘন্ দ্বিবে দাঙর্‌ দল।

পত্থম 33:11

গোজেনে মঅ উগুরে দোয়্যে গোজ্যে, আর মর্‌ যদেষ্ট আঘে। সেনত্তেই এ যে বক্‌শিজ্‌চান তইধু আনা ওইয়্যে সিয়েন্‌ তুই মানি লঅ।” যাকোবে এবাবোত্যেগুরি বোউত্‌ কোজোলী গরানার্‌ পর্‌ এষৌ সিয়েন্‌ মানি-ললঅ।

২ বংশধর 31:10

সেক্কে সাদোকর্‌ বংশর অসরিয় নাঙে আজল্‌ ধর্মগুরুবো জোবত্‌ কলদে, “লগেপ্রভুর ঘরত্‌ মানুচ্চুনে যেক্কে তারার্‌ দানুন্‌ আনদে আরাম্ভ গুরিলাক্‌ সেক্কেত্তুন্‌ ধুরি আমা খানাগানিয়ো যেধোক্ক্যেন যগাজ্যে ওইয়্যে সেধোক্ক্যেন বেশ্‌অ আঘে বোউত্‌, কিত্যে লগেপ্রভু তা মানুচ্চুনোরে আশিদ্‌বাদ গোজ্যে, আর এ বেক্‌ জিনিসছানি ভালোক্কানি উগুজ্যে।”

মার্ক 14:8

তে যিয়েন্ পাজ্যে সিয়েন্ গোজ্যে। মরে কবরত্তে যুক্কোল্ গত্তে আর আগেবাগে মঅ কিয়্যেগান উগুরে তুম্বাজ্ তেল্ ঢালি দিয়্যে।

লূকে লেখ্যে গম্ হবর্ 16:10

সামান্য পৌইদ্যেনে যে বিশ্বেজ্ গরে তে দাঙর্ পৌইদ্যেনেয়ো বিশ্বেজ্ গরে। সামান্য পৌইদ্যেনে যিবেরে বিশ্বেজ্ গরা ন-যায় তারে দাঙর্ পৌইদ্যেনেয়ো বিশ্বেজ্ গরা ন-যায়।

লূকে লেখ্যে গম্ হবর্ 24:1

সাপ্তার্ পত্তম দিনোর্ বেন্ন্যে মাদান্ সেই মিলেগুনে সে তুম্বাজ্‌ মজলাগান্দোই গোরান ইধু গেলাক্।

যোহন 20:19

সেই একই দিনোত্, সাপ্তার্ পত্তম্ দিনোর্ সাজোন্ন্যে অক্তত্ শিচ্চ্যগুনে যিহূদী নেতাগুনোর্ দরে ঘরর্ বেক্‌ দুয়োরানি নাঢিনে এক্কান্ জাগাত্ এগত্তর্ ওইয়োন্। সেক্কে যীশু এইনে তারা সংমধ্যে থিয়্যেইনে কলঅ, “তমার্ শান্তি ওক্।”

যোহন 20:26

ইয়েনর্ এক সাপ্তা বাদে শিচ্চ্যগুনে আরঅ ঘরঅ ভিদিরে এগত্তর্ অলাক্, আর থোমায়ো তারা সমারে এলঅ। যুনিয়ো বেক্‌ দুয়োরানি বান্ন্যে এলঅ তো যীশু এইনে তারা সংমধ্যে থিয়্যেইনে কলঅ, “তমার্ শান্তি ওক্‌।”

প্রেরিত্‌ 20:7

সাপ্তার্ পত্তম্ দিনোত্ প্রভুর্ ভোজ্ গুরিবাত্তে আমি একসমারে এগত্তর্ অলং। সেক্কে পৌলে মানুচ্চুনো ইধু ফগদাং গরা ধুরিলো। তার্ কেল্যে তার্ যেবার্ কধা এলঅ বিলি তে রেদ্ সংভাগ্ সং কধা কনাত্ থেলঅ।

২ করিন্হীয় 8:10

তমার্ পক্ষে যিয়েন গম্ সে পৌইদ্যেনে মুই মর্ মতামত্‌‌তান্ জানাঙর্। তুমি গেলদে বজর্ এ চান্দাগুন্ তুলিবাত্যে আরাম্ভ গোজ্জ্য আর সে কামত্ ভারী আওজ্ দেগেয়ো।

দ্বি’লম্বর বিররণ 8:18

মাত্তর্‌ তুমি তমার্‌ গোজেন লগেপ্রভুর কধানি পুরি ন-ফেলেইয়ো; তেয়ই এদক্কানি গুরিবার্‌ খেমতা তমারে দিয়্যে, আর ইঙিরিনে তে তমার্‌ পুরোণি মানুচ্চুনো ইদু যে নিয়মর্‌ কধানি শমক্‌ খেইনে কোইয়্যে সিয়েনি তে ইক্কিনে পুরেই দের্‌।

ফগদাং পেইয়্যে 1:10

প্রভুর দিনোত্ পবিত্র আত্মাগানে মরে পরিচালনা গোজ্জ্যে। এন্ সময়োত্ মঅ পিজেদি তূরীর রঅ ধোক্ক্যেন একজনর দাঙর্ রঅ শুনিলুং।