১ করিন্হীয় 16:19 - Chakma Bible

¹⁹ এশিয়া রেজ্যর্ মন্ডলীগুনোর্ মানুচ্চুনে তমারে ভালেদি জানাদন্। আকিলা, প্রিষ্কিাল্লা আর তারার্ ঘরর্ মন্ডলী মানুচ্চুনে প্রভুর কোচ্‌পানার্ নাঙে তমারে মনত্তুন্ ভালেদি জানাদন্।

১ করিন্হীয় 16:19 ပူးပေါင်းရင်းမြစ်များ

প্রেরিত্‌ 16:6

পবিত্র আত্মাগানে পৌল আর তা সমাজ্যেগুনোরে এশিয়া রেজ্যত্ প্রচার গুরিবাত্তে ন-দিলো। সেক্কে তারা ফরুগিয়া আর গালাতিয়া রেজ্যর্ বেক্‌ জাগানিত্ গেলাক্।

প্রেরিত্‌ 18:18

বেশ্ কয়েক দিন করিন্থ শঅরত্ কাদানার্ পরেদি পৌলে বিশ্বেজি ভেইয়ুনোত্তুন্ বিদেয় নিলো আর আকিলা আহ্ প্রিষ্কিল্লা সমারে পানি পধেদি সিরিয়া দেজত্ এলঅ। পৌলে এক্কান্ মানত্ গোজ্জ্যে বিলি লদ্ দিবার্ আগেদি কিংক্রিয়া বন্দরত্ তা মাধাবো মুরেল।

প্রেরিত্‌ 18:2

সিধু আকিলা নাঙে এক্কো যিহূদী সমারে তার্ দেগা অলঅ। পন্ত রেজ্যত্ আকিলার্ জর্ম ওইয়্যে। সম্রাট ক্লৌদিয় বেক্‌ যিহূদীগুনোরে রোম ছাড়ি যেবাত্যে উগুম্ দিয়্যে। সেনত্তে কয়েক্ দিন আগে আকিলা তা মোক্কো প্রিষ্কিল্লারে লোইনে ইটালিত্তুন্ করিন্থত্ এচ্চ্যে। পৌলে তারা ইধু গেলঅ।

প্রেরিত্‌ 18:26

তে অমকদ সাহচ্‌ গুরিনে সমাজ-ঘরত্ কধা কুয়ো ধুরিলো। সেক্কে প্রিষ্কিল্লা আর আকিলা আপল্লোর কধা শুনিনে তারে তারা ঘরত্ বোলেলাক্ আর গোজেন পধ পৌইদ্যেনে আরঅ গমেডালে তারে বুঝেই দিলাক্।

প্রেরিত্‌ 19:10

দ্বিবজর এবাবোত্যেগুরি বিদি গেলঅ। সেক্কে যে যিহূদী আর গ্রীক্‌‌কুনে এশিয়া রেজ্যত্ থেদাক্ তারা বেক্কুনে প্রভুর্ কধা শুনিলাক্।

প্রেরিত্‌ 2:9

পার্থীয়, মাদীয়, এলমীয় মানুচ্‌ আর মেসোপতেমিয়াত্ বজত্তি গুরিয়্যে মানুচ্চুন, যিহূদীয়া আর কাপ্পাদকিয়া, পন্ত আর এশিয়া রেজ্যত্,

রোমীয় 16:15

ফিললগ আর যুলিয়া, নিরীয় আর তা বোন, ওলুমপ আর তারা সমারে গোজেনর্ যিদুক্কুন মানুচ্ আঘন্ তারা বেক্কুনোরে ভালেদি জানেয়ো।

কলসীয় 4:15

লায়দিকেয়ার বিশ্বেজি ভেইয়ুনোরে আর নুম্ফা আর তা ঘরত্ যে মানুচ্চুনে মন্ডলী ইজেবে এগত্তর অন্, তারারেয়ো পাত্তুরু তুরু জানেয়ো।

২ তীমথিয় 4:19

প্রিষ্কিল্লা আহ্ আকিলা আর অনীষিফর পরিবাররে মর্ ভালেদি জানেচ্।

ফিলীমন 1:2

আমা বোন আপ্পিয়া ইধু, আমা লগে কামগুরিয়্যে আর্খিপ্পর ইধু আর তঅ ঘরত্ যিগুনে মন্ডলী ইজেবে এগত্তর্ অন্ তারা ইধু এ চিধিয়ান লেগঙর্।

১ পিতর 1:1

গোজেনর্ যিদুক্কুন বেঈ লোইয়্যে মানুচ্ পন্ত, গালাতিয়া, কাপ্পাদকিয়া, এশিয়া আর বিথুনিয়া রেজ্যত্ ছিদি পড়িনে বিদেশী ইজেবে বজত্তি গত্তন্, তারা ইধু মুই যীশু খ্রীষ্টর দূত পিতরে এ চিধিগান লেগঙর্।

ফগদাং পেইয়্যে 1:11

তে মরে কলঅ, “যিয়েন দেগিবে সিয়েন এক্কো বোইয়োত্ লেখ্, আর সিয়েন ইফিষ, স্মুর্ণা, পর্গাম, থুয়াতীরা, সার্দ্দি, ফিলাদিল্‌ফিয়া আর লায়দিকেয়া-এ সাত্‌টো শঅরর্ সাত্‌টো মন্ডলী ইধু পাধেই দে।”