১ করিন্হীয় 16:11 - Chakma Bible

¹¹ ইয়েনত্যে কেঅ যেন তারে থেঝেরা ন-গরন্। তুমি তারে সুগে-শান্দিয়্যে পাধেই দুয়ো, যেন তে মঅ ইধু এই পারে। তে ভেইয়ুনো সমারে এবঅ বিলিনে মুই বাজ্জ্যেই আঘং।

১ করিন্হীয় 16:11 ပူးပေါင်းရင်းမြစ်များ

লূকে লেখ্যে গম্ হবর্ 10:16

যীশু তা শিচ্চ্যগুনোরে কলঅ, “যিগুনে তমা কধানি শুনোন্ তারা মঅ কধায়ো শুনোন্। যিগুনে তরে এলাফেলা গরন্ তারা মরেয়ো এলাফেলা গরন্। যিগুনে মরে এলাফেলা গরন্, যিবে মরে পাধেয়্যে তারা তারেই এলাফেলা গরন্।”

প্রেরিত্‌ 15:3

আন্তিয়খিয়া মন্ডলী তারার্ যেবার্ বেবস্থা গুরি দিলাক্। ফৈনিকিয়া আর শমরিয়া রেজ্যর্ ভিদিরেদি যেবার্ অক্তত্ পৌল আর বার্ণবা মানুচ্চুনোরে জানেলাক্, অযিহূদীগুনে কেধোক্ক্যেন গুরি গোজেন ইন্দি ফিজ্জ্যন্। এ হবরান্ শুনিনে বিশ্বেজি ভেইয়ুন বেক্কুনে অমকদ হুজি অলাক্।

প্রেরিত্‌ 15:33

আন্তিয়খিয়াত্ তারা কয়েক দিন কাদেলাক্। যিরূশালেমর্ যিগুনে যিহূদা আর সীলরে আন্তিয়খিয়াত্ পাধেয়োন, আন্তিয়খিয়ার্ ভেইয়ুনে তারারে ভালেদি জানেইনে যিহূদা আর সীলরে আরঅ তারা ইধু ফেরৎ পাধেই দিলাক্,

১ করিন্হীয় 16:10

তীমথিয় যুনি এজে সালে চেইয়ো যেন তে তমা ইধু গমেডালে থেই পারে, কিয়া মুই যেবাবোত্যে গুরি প্রভুর্ কাম গরঙর্ তেয়ো সেবাবোত্যে গুরি গরের্।

১ করিন্হীয় 16:6

অয়ত তমা ইধু কিজু দিন থেম্, বা যার্‌‌কাল্লো তমা সমারে কাদেম্, যেন মুই যিধু যেদুং সাৎ তুমি মর্ যেবার বেবস্থা গুরি দি পারঅ।

২ করিন্হীয় 1:16

মুই ঠিগ্ গোজ্জ্যংগে যে, ম্যাসিডোনিয়া যেবার্ পধত্ তমা লগে দেগা গুরিনে যেম্ আর ম্যাসিডোনিয়াত্তুন্ আরঅ তমা ইধু ফিরি এম্, যেন তুমি মরে যিহূদিয়াত্ পাদেবার্ বেবস্থা গুরি পারঅ।

১ থিষলনীকীয় 4:8

সেনত্যে এ শিক্ষ্যেগান যে এলাফেলা গরে তে মান্‌জ্যরে এলাফেলা ন-গরে, মাত্তর্ যিবে তার্ পবিত্র আত্মাগানরে তমাত্যে দান গোজ্জ্যে তেয়ই গোজেনরে এলাফেলা গরে।

১ তীমথিয় 4:12

তুই গাবুজ্যে বিলিনে কেঅ যেন তরে ঈচ্ ন-গরন্। কধালোই, চাল্‌চলনত্, কোচ্‌পানাত্, বিশ্বেজত্ আর পবিত্রতালোই তুই বিশ্বেজিগুনো ইধু আদর্শ অ।

তীত 2:15

সেনত্যে পুরো অধিকার নিইনে তুই এ পৌইদ্যেনে শিক্ষ্যে দে, উপদেচ্‌ দে আর দুষ্ দেগেই দে। কেঅ যেন তরে ঈচ্ ন-গরন্।

৩ যোহন 1:6

মন্ডলীর বেক্কুনো মুজুঙোত্ তারা তর্ কোচ্‌পানার কধা কোইয়োন। গোজেনে যেনে হুজি অয় সেবাবোত্যেগুরি তুমি তারার্ যানার্ বেবস্থা গুরি দিলে গম অবঅ।