১ করিন্হীয় 15:9 - Chakma Bible

⁹ প্রচারগ্‌কুনো ভিদিরে মুই বেক্কুনোত্তুন্ তলে, এন্‌ কি, প্রচারক বিলিনে কেঅ যে মরে ডাগে সিয়েনর্ যগাজ্যেয়ো মুই নয়, কিয়া গোজেনর্ মন্ডলীরে মুই অত্যেচার্ গত্তুং।

১ করিন্হীয় 15:9 ပူးပေါင်းရင်းမြစ်များ

প্রেরিত্‌ 8:3

মাত্তর্ শৌলে সেই মন্ডলীবোরে ভস্ত গুরিবাত্তে ঘরে ঘরে যেইনে সেই মন্ডলীর মরদ্ আর মিলেগুনোরে টানি আনিনে জেলোত্ দিয়্যে ধল্ল।

১ করিন্হীয় 10:32

মুই যেবাবোত্যে গুরি বেক্‌ মান্‌জ্যরে নানান্ বাবোত্যে গুরি হুজি গুরিবাত্তে চেষ্টা গরং তুমিয়ো সেবাবোত্যে গরঅ; অত্তাৎ যিহূদী বা অযিহূদী বা গোজেন মন্ডলীর মানুচ্চুনোর পধত্ কাঙেলেত্যে ন-গোজ্জ্য। মুই নিজোর্ মংগল চেষ্টা ন-গুরিনে ভালোক জনর্ মংগলর্ চেষ্টা গরং যেন তারা পাপত্তুন্ উদ্ধোর্ পান্।

২ করিন্হীয় 11:5

মাত্তর্ মত্তুন্ দঅ মনে ন-অয় যে, মুই কন্ কিত্যেদি সেই “বিশেষ” প্রচারগ্‌কুনোত্তুন্ পিজেদি পড়ি আগং।

২ করিন্হীয় 12:11

মুই বেদমা ওইয়োং ঠিগ্, মাত্তর্ তুমিই মরে সিয়েন অবাত্যে বাধ্য গোজ্জ্য, কিয়া তমার্ উচিত্ এলঅ মরে নাঙ্ গিনেনা। যুনিয়ো মুই কিচ্চু নয় তো তমার্ সেই বিশেষ প্রচারগ্‌কুনোত্তুন্ কনঅ বাবদে চিগোন নয়।

গালাতীয় 1:13

যিহূদী ধর্ম পালেবার্ অক্তত কেধোক্ক্যেন গুরি মুই জিংকানি কাদেদুং সিয়েন দঅ তুমি শুন্ন্য। আর তুমি ইয়েন্অ শুন্ন্যদে, কি সাংগাদিক্ গুরি মুই গোজেন মন্ডলীগুনো উগুরে অত্যেচার্ গত্তুং আর সিগুন ভস্ত গুরিবার্ চেষ্টা গত্তুং।

গালাতীয় 1:23

তারা বানা এ কধাগান্ শুন্ন্যন্, “যে মানুচ্চো আমা উগুরে অত্যেচার গত্ত তে ইক্কিনে খ্রীষ্ট উগুরে বিশ্বেজর্ কধা প্রচার গরের্, অদচ সিয়েন তে আগে ভস্ত গুরিবাত্যে চেইয়্যে।”

ফিলিপীয় 3:6

ধর্ম পৌইদ্যেনে মুই এমন্‌ একবুচ্চ্যে এলুং, খ্রীষ্ট মন্ডলী উগুরে মুই অত্যেচার্ গত্তুং; আর গোজেনর্ মানি লোইয়্যে অবার্ আজায় মোশির আইন-কানুন্ পালানা পৌইদ্যেনে কেঅ মরে বদ্‌নাঙ্ গুরি ন-পাত্তাক্।