১ করিন্হীয় 15:6 - Chakma Bible

⁶ ইয়েন্অ পরেদি তে একই সময়োত্ পাঁচশদত্তুন্-অ বেশ্ ভেইয়ুনোরে দেগা দিয়্যে। তারাত্তুন্ কেঅ কেঅ মুরি গেলেয়ো বেশ্ ভাগ মানুচ্‌ এজঅ বাঁজি আঘন্।

১ করিন্হীয় 15:6 ပူးပေါင်းရင်းမြစ်များ

মথি লেখ্যে গম্ হবর্ 28:10

যীশু তারারে কলঅ, “ন-দোরেয়ো; তুমি যেইনে ভেইয়ুনোরে গালীলোত্ যেবাত্তে কঅ। তারা সিধু মরে দেগিবাক্।”

মার্ক 16:7

ইক্কুনি তুমি যেইনে তা শিচ্চ্যগুনোরে আর পিতররে এ কধাগান্ কঅ, তে তমার্ আগে আগে গালীলোত্ যার্। তে যেবাবোত্যেগুরি কোইয়্যে সেবাবোত্যেগুরি তুমি তারে সিধু দেগিবা।”

প্রেরিত্‌ 13:36

“দাযূদে সেক্কে মানুচ্চুনো ভিদিরে গোজেনর্ উদ্দেশ্যগান পূরেবার পরেদি মুরি গেলঅ। তা পূরোণি মানুচ্চুনো সমারে তারে গোর্ দিয়্যে অলে পরেদি তা কিয়্যেগান বর্‌‌বাদ ওই গেলঅ।

প্রেরিত্‌ 7:60

পরেদি তে আঢু পাড়িনে রঅ ছাড়িনে কলঅ, “প্রভু, ইগুনোর্ এ পাপ্পানি ন-ধুরিচ্।” এ কধাগান কোইনে তে মুরি গেলঅ।

১ করিন্হীয় 15:18

সালে খ্রীষ্ট সমারে এগত্তর্ ওইনে যিগুনে মুরি যেইয়োন্ তারা দঅ ভস্ত ওইয়োন।

১ করিন্হীয় 15:20

মাত্তর্ খ্রীষ্টরে ঘেচ্চ্যেকগুরি মরণত্তুন্ জেদা গুরি তুলো ওইয়্যে। তে পত্তম ফল, অত্তাৎ মরণত্তুন্ যিগুনোরে জেদা গরা অবঅ তারা ভিদিরে তেয়ই পত্তমে জেদা ওইয়্যে।

১ থিষলনীকীয় 4:13

ভেইলগ্, আমি ন-চেই যিগুনে মুরি যেয়োন তারার্ কি অবঅ সে পৌইদ্যেনে তমার অজানা থায়, যেন যিগুনো মনত্ কনঅ আজা নেই তারা ধোক্ক্যেন গুরি তুমি দুঘে ভাঙি ন-পোজ্জ্য।

১ থিষলনীকীয় 4:15

প্রভুর্ শিক্ষ্যে মজিম আমি তমারে কোর্, আমি যিগুনে জেদা আঘিই আর প্রভুর্ ফিরি এজানা সং জেদা থেবং, আমি কনঅ বাবদে সেই মরাগুনোর্ আগে ন-যেবং।

২ পিতর 3:4

আর কবাক্, “তার্ এযানার্ যে এগেম্ এলঅ সিয়েনর কি অলঅ? পিত্‌থিমীগান সৃট্টির সময়ত্তুন্ ধুরি যেধোক্ক্যেন চলের্ ঠিগ্ সেধোক্ক্যেন আমার পূরোণি মানুচ্চুনোর্ মরণর পরেত্তুন্ ধুরি বেক্কানি সেবাবোত্যে গুরি চলের্।”