১ করিন্হীয় 15:58 - Chakma Bible

⁵⁸ সেনত্যে, মর্ পরাণর্ ভেইলগ্, দর-মর গুরি থিয়ো; কনঅ কিজুয়ে যেন তমারে লাড়েই ন-পারে। নিত্য প্রভুর্ কামত্যে নিজোরে পুরোপুরি গুরি দি দুয়ো, কিয়া তুমি কোই পারঅ, তা কামত্ তমার্ কামানি নিষ্ফল নয়।

১ করিন্হীয় 15:58 ပူးပေါင်းရင်းမြစ်များ

২ বংশধর 15:7

মাত্তর্‌ তুমি দরমর অ, নিরাজ্ ন-অবা, কিত্তে তমা কামর্‌ বক্‌শিজ্ তুমি পেবা।”

নহিমিয় 6:4

তারা চের্‌ বার্‌ একই হবর্‌ মইদু পাদেলাক্‌ আর পত্তিবারত্‌ মুই তারারে একই জোব্‌ দিলুঙ্‌।

গীতসংহিতা 112:6

তে আমিঝে থির্ থেবঅ; গোজেনভক্ত মান্‌জ্যরে উমর সং মনত্ রাগেবাক্।

গীতসংহিতা 19:11

সিয়েনে তর্ চাগর্‌বোরে উজিয়ার গরে, আর সিয়েনি পালন গুরিলে লাভবান অয়।

গীতসংহিতা 55:22

তর্ বেক্ কামানি তুই লগেপ্রভুর উগুরে ফেলেই দে, তেয়ই তর্ বেবস্থা গুরিবো; তা ভক্তগুনোরে তে কনদিন্‌অ তলে পরিবাত্তে ন দিবো।

গীতসংহিতা 73:13

মঅ মনানরে মুই অনত্তক্ ঠিগ্ রাগেয়োং, মঅ আঢ্‌তানরে মিজে মিজে ঠিগ্ রাগেয়োং।

গীতসংহিতা 78:37

তারার মনানি তা উগুরে থির্ ন-এলঅ; তার সুদোমানি উগুরে তারা বিশ্বেজি ন-এলাক্।

গীতসংহিতা 78:8

ইয়ন্দোই তারার পুরোণি মানুচ্চুনো ধোক্ক্যেন তারা একবুচ্যে আর উল্লোমি ন-অবাক্; সেই পুরোণি মানুচ্চুনোর মনানি গোজেন উগুরে যোগাজ্যে ন-এলঅ আর মনানিয়ো বিশ্বেজি ন-এলঅ।

গম্ উপদেজ্ 21:21

যে মানুচ্চো আওজ্ গুরিনে সততা আর বিশ্বেজ্ পধেদি চলে তে জিংকানি, আশীদ্‌বাদ্ আর সর্মান পায়।

মার্ক 3:3

যীশু সেই শুগুনো-আঢ্‌‌বলা মানুচ্চোরে কলঅ, “বেক্কুনো মুজুঙোত্ এইনে থিয়্যে।”

লূকে লেখ্যে গম্ হবর্ 19:19

তে সেই চাগর্‌‌‌‌বোরে কলঅ, তুই পাচ্চান্ শঅরর্ কামর্ ভার্ পেবে।

১ করিন্হীয় 16:10

তীমথিয় যুনি এজে সালে চেইয়ো যেন তে তমা ইধু গমেডালে থেই পারে, কিয়া মুই যেবাবোত্যে গুরি প্রভুর্ কাম গরঙর্ তেয়ো সেবাবোত্যে গুরি গরের্।

১ করিন্হীয় 3:8

যে বীজি লাগায় আর যে পানি দে তারার উদ্দেচ্চ্য এক্কুই, মাত্তর্ পত্তিজনে যার্ যার্ কাম মজিম বক্‌শিজ্ পেবাক্,

২ করিন্হীয় 7:1

কোচ্‌পেইয়্যে সমাজ্যেগুন, আমাত্যে এ বেক্‌ এগেমানি গরা আঘে বিলিনে এজঅ, আমি কিয়্যে আর মনর্ বেক্‌ অসিজিয়ানিত্তুন্ নিজোরে সিজি গুরিই আর গোজেন উগুরে ভক্তিগুরি দোরেইনে পুরোপুরি পবিত্রতার্ পধেদি উজেই যেই।

গালাতীয় 4:11

তমাত্যে মর্ ইয়েন দর্ লাগেত্তে, তমা ইধু অয়ত মুই মিজে মিজেই কাম্ গোজ্জ্যং।

গালাতীয় 6:9

আমি যেন গম কাম গত্তে গত্তে অরান্ ন-ওই, কিয়া সিয়েন ইরি ন-দিইনে গরানাত্ থেলে আমি ঠিগ্ সময়োত্ সিয়েনর্ ফসল পেবং।

ফিলিপীয় 1:9

মুই তবনা গরং তমার কোচ্‌পানা যেন জ্ঞান আর বিচের-বুদ্ধিলোই এগত্তর্ ওইনে বাড়ানাত্ থায়।

ফিলিপীয় 2:30

খ্রীষ্টর্ কামত্যে তে মরণর্ মুয়ো-মি ওইয়্যে। তুমি আঝির্ ন-থানার্ কারনে মত্যে যিয়েন গুরি ন-পারঅ সিয়েন গুরিবাত্যে তে তার্ পরাণান দিবাত্যেয়ো রাজি এলঅ।

ফিলিপীয় 4:17

কনঅ বক্‌শিজ্ যে মুই মাগঙর্ সিয়েন নয়, মাত্তর্ মুই এমন্‌ ফলর্ আজা গরঙর্ যিগুন তমা নাঙে জমা অনাত্ থেবঅ।

কলসীয় 1:23

খালিক্ ইয়েনত্যে খ্রীষ্ট পৌইদ্যেনে গম হবরানত্তুন্ যে ঘেচ্চ্যেকগুরি আজাগান তুমি পেয়ো সিয়েনত্তুন্ দূরোত্ সুরি ন-যেইনে তমার বিশ্বেজে থির্ থা পড়িবো। সেই গম হবরান সারা জগদত্ প্রচার গরা ওইয়্যে আর তুমি সিয়েন শুন্ন্য। মুই পৌল এ গম হবরানর্ প্রচারক ওইয়োং।

কলসীয় 2:5

মুই কিয়্যেগানদি তমা ইধু ন-থেলেয়ো আত্মায় আঝির্ আঘং আর তমার্ গম চালচলন্ আর খ্রীষ্ট উগুরে তমার থির্ বিশ্বেজ্ দেগিনে গম্ পাঙর্।

কলসীয় 2:7

খ্রীষ্ট ভিদিরে মূরোত্ পুরিনে তা ভিদিরে তুমি বাড়ি উদোনাত্ থাগঅ। তুমি শিক্ষ্যে পেইনে যিয়েন বিশ্বেজ্ গোজ্জো সিয়েন্দোই থির্ থাগঅ আর গোজেনরে নিত্য ভালেদি জানেই থাগঅ।

১ থিষলনীকীয় 1:3

বিশ্বেজর্ কারনে তুমি যে কামানি গরর্, কোচ্‌পানার কারনে যে কামানি গরর্ আর আমার প্রভু যীশু খ্রীষ্ট উগুরে আজা রাগানার্ কারনে যে ধৈয্য ধরর্, সেই কধানি আমি নিত্য আমার বাবা আর গোজেন মুজুঙোত্ তবনা গুরিনে ইদোত্ তুলিই।

১ থিষলনীকীয় 3:12

প্রভু গোরোক্, আমি যেধোক্ক্যেন তমারে কোচ্‌পেই ঠিগ্ সেধোক্ক্যেন গুরিনে তমার্‌অ একজন আরেকজনরে, এমন কি, বেক্কুনো উগুরে কোচ্‌পানা যেন থায়।

১ থিষলনীকীয় 3:3

যেনে এ বেক্‌ দুগ্‌খানির্ মাধ্যমে তুমি কেঅ পিজেদি ন-যঅ। তুমি নিজেই কোই পারঅ যে, দুগ্-কষ্ট আমাত্যে ঠিগ্ গরা আঘে।

১ থিষলনীকীয় 3:5

সেনত্যে মুই যেক্কে আর সোজ্জ্য গুরি ন-পারিলুং সেক্কে বিশ্বেজ্ ইন্দিত্তুন্ তুমি কি অবস্থায় আঘঅ সিয়েন জানেবাত্যে তীমথিয়রে পাধেয়োং। মত্তুন্ দর্ গরেত্তে, অয়ত শদানে তমারে লুভ্ দেগেয়্যে আর আমার কামানি বেক্কানি ব্যত্ত ওই যেইয়্যে।

১ থিষলনীকীয় 4:1

আরঅ কং ভেইলগ্, গোজেনরে হুজি গুরিবাত্যে কেধোক্ক্যেন গুরি চলানা উচিত সেই শিক্ষ্যেগান্ দঅ তুমি আমাত্তুন্ পেইয়ো, আর ঘেচ্চ্যেকগুরি তুমি সেবাবোত্যে গুরি চলর্। তো প্রভু যীশুর্ ওইনে আমি তমারে কোজোলি গুরির্ আর উপদেচ্‌ দিত্তে যেন তুমি আরঅ বেশ্ গুরিনে সেবাবোত্যেগুরি চলঅ।

২ থিষলনীকীয় 1:3

ভেইলগ্, তমাত্যে নিত্য গোজেনরে ভালেদি জানানা উচিত। তমা বিশ্বেজ্‌চান অমকদ বাড়ের্ আর তমার একজন উগুরে অন্যর্ কোচ্‌পানাগান পেলাং বেঈ পরের্ বিলিনে আমা পক্ষে সেই ভালেদি জানানাগান উচিত।

তীত 2:14

যীশু খ্রীষ্ট আমাত্যে নিজো জিংকানিগান দিয়্যে, যেন বেক্‌ পাপ্‌পানিত্তুন আমারে উদ্ধোর্ গুরি পারে আর সিয়েন্দোই এমন্‌ এক দল মান্‌জ্যরে সিজি গুরি পারে যিগুনে বানা তা মানুচ্ অবাক্ আর যিগুনে অন্যগুনোরে উপকার গুরিবাত্যে আয়োজি অবাক্।

ইব্রীয় 13:21

যিয়েনি গম সিয়েনিলোই তে তার্ আওজ্ মজিম চলিবাত্যে তমারে পুরোপুরি যুক্কোল্ গোরোক্। তার্ চোগেদি যিয়েন গম্ যীশু খ্রীষ্টর্ মাধ্যমে আমা রিবেঙত্ তে সিয়েনই গোরোক্। উমরত্যে গোজেনর্ বাঈনী গরা ওক্‌। আমেন।

ইব্রীয় 3:14

কিয়া পত্তমে যে নিচ্চয়তাগান আমার এলঅ, যুনি আমি সিয়েনত থুম্ সং থির্ থেই সালে দেগা যেবঅ যে, আমি খ্রীষ্ট সমারে ভাগীদার্ ওইয়্যেই।

ইব্রীয় 6:10

গোজেনে দোল্ বিচেরক্; সেনত্যে তমা কামানি আর তা মানুচ্চুনোরে সেবা-যত্তন্ গুরিনে তুমি তারে যে কোচ্‌পানা দেগেয়ো আর দেগর্, সিয়েন তে ভুলি ন-যেবঅ।

২ পিতর 3:14

কোচ্‌পেইয়্যে ভেইয়ুন, তুমি ইক্কিনে ইয়েনি বেক্কানিত্যে বাজ্জেই আঘঅ বিলিনে মনেপরাণে চেষ্টা গরঅ যেনে তে এইনে তমারে থুদো নেইয়্যে ওইনে নিদ্দুজি অবস্থায় সুগে-শান্দিয়্যে বজত্তি গত্তে দেগেগি।

রূত 1:18

নয়মী যেক্কে বুঝি পারিলো, রুতে তা সমারে যেবাত্তে মনান্‌ ঠিগ্‌ গোজ্যে সেক্কে তে তারে আর কিচ্ছু ন-কলঅ।