১ করিন্হীয় 15:52 - Chakma Bible

⁵² এক মুহুত্তো ভিদিরে, চোগ তেবদত্, শেষ সময়োর্ তূরীর্ আবাজ সমারে সমারে আমি বেক্কুনে বুদুলি যেবং। সেই তূরীবো যেক্কে বাঁজিবো সেক্কে মরাগুনে এমন্‌ অবস্থায় জেদা ওইনে উদিবাক্ যে, তারা আর কনদিন্অ বর্‌বাদ ন-অবাক্; আর আমিয়ো বুদুলি যেবং।

১ করিন্হীয় 15:52 ပူးပေါင်းရင်းမြစ်များ

গীতসংহিতা 73:19

কেজান্‌গুরি অদাঢত্ তারা ভস্ত ওই যান আর দর্‌বুক লাগেয়্যে দজাত্ এক্কুবারে শেজ্ ওই যান।

যাত্রা 19:16

তিন দিনোত্‌ বেন্যেমাদান্ মেঘ গুজুরো ধুরিলো আর ঝিমিলেনি অলঅ‌ আর মুড়োবো উগুরে এককট্টা ঘন মেঘ দেগা দিলো। ইয়েন বাদেয়ো অমহদ দাঙর দাঙর গুরি শিঙের্ রঅ শুনো গেলঅ। এদক্কানি দেগিনে শুনিনে তাম্বুলো ভিদিরে বেক্‌ মানুচ্চুনে গির্‌গিরেই উদিলাক্।

যাত্রা 20:18

ইস্রায়েলীয়গুনে যেক্কে ঝিমিলাদে আর মুড়োত্তুন্‌ ধুমো উদোদে দেগিলাক্‌ আর মেঘ গুজুরোনি আর শিঙের রঅ‌ শুনিলাক্‌ সেক্কে তারা দূরোত্‌ ঠিয়্যেইনে গির্‌গিরা ধুরিলাক্।

যাত্রা 33:5

কিত্তে লগেপ্রভু মোশিরে কোইয়্যেদে, “ইস্রায়েলীয়গুনোরে কোইদে, তারা এক্কো একবুচ্চ্যে জাদ্। সেনত্যে যুনি মুই কানক্কন্অ তারা সমারে থাং, সালে মুই‌ তারারে শেজ্ গুরি ফেলেম্‌। তারার কিয়্যেত্‌ সনা-রূবো যেদক্কানি আঘে সিয়েনি ইক্কিনে তারা খুলি ফেলাদোক্‌। সে পরেদি মুই ঠিগ্ গুরিম্‌ তারারে নিইনে মুই কি গুরিম্‌।”

যিশাইয় 18:3

ও জগদর্ মানুচ্চুন্, ও পিত্‌‍‍‍‍থিমীত বজত্তিগুরিয়্যে বেক্ মানুচ্চুন্, তুমি চঅ, কক্কে মুড়ো-মুড়ি উগুরে বাবতা তুলো অবঅ, আর শুনো, কক্কে তূরী বাজা অবঅ।

যিশাইয় 27:13

সেদিন্যে এক্কো দাঙর্ শিংগা বাঁজিবো। সেক্কে যিগুনে আসিরিয়া দেজত্ ভস্ত ওই যাদন্ আর যিগুনোরে মিসর দেজত্ ধাবেই দিয়্যে ওইয়্যে তারা এবাক্ আর যিরূশালেমর্ পবিত্র মুড়োবোত্ লগেপ্রভুর্ উবোসনা গুরিবাক্।

যিহিষ্কেল 33:3

তে দেজ্‌‌‌‌‌‌‌চান বিরুদ্ধে সৈন্যদল এত্তে দেগিনে মানুচ্চচুনোরে উজিয়ার গুরিবাত্তে তূরী বাজেল।

যিহিষ্কেল 33:6

মাত্তর্ ধোজ্য, সেই চুগিদার্‌‌‌‌‌‌‌‌বো সৈন্যদলুন্ এত্তে দেগিনেয়ো মানুচ্চুনোরে উজিয়ার গুরিবাত্তে তূরী ন-বাজেল। সে পরেদি সৈন্যগুনে এইনে কনঅ এক্কোরে মারে ফেলেলাক্। সালে বুঝো পুরিবো সেই মানুচ্চো তার নিজোর পাপত্তে মুরি গেলঅ, মাত্তর্ তার মরণত্তে মুই সেই চুগিদার্‌‌‌‌‌‌‌‌‌বোরে দায়ী গুরিম।

সখরিয় 9:14

সে পরেদি লগেপ্রভু তা মানুচ্চুনো উগুরে ফগদাং অবঅ; তা সেল্‌‌লো কারেন ধোক্ক্যেন ঝিমিলেব। প্রভু লগেপ্রভু শিংগা বাজেব আর দোগিণো ঝড় বোইয়্যের ধোক্ক্যেন উজেই যেবঅ;

গণাণা 10:4

যেক্কে এক্কো বাঁশি বাজা অবঅ সেক্কে ইস্রায়েলর্‌ নানান্‌ বংশর নেতাগুনে তমা মুজুঙোত্‌ এইনে এগত্তর্‌ অবাক।

গণাণা 16:21

“তুমি অন্য বেক্‌ মানুচ্চুনোত্তুন্‌ যুদো ওই যঅ, যেনে মুই তারারে এই অক্তবোত্‌ শেজ্ গুরি দি পারং।”

গণাণা 16:45

“তুমি ইগুনোত্তুন্‌ সুরি যঅ; মুই ইক্কুনি ইগুনোরে শেজ্ গুরি ফেলেম্‌।” এই কধাগান শুনিনে তারা মাদিত্‌ আদু পাড়িনে পুরিলাক।

মথি লেখ্যে গম্ হবর্ 24:31

দাঙর্ দাঙর্ গুরি তূরী বাঁজি উদিবো আর সমারে সমারে মান্‌জ্য পুয়োবো তা স্বর্গদূত্‌তুনোরে চেরোকিত্তেত্তুন্ পাধেই দিবো। সেই দূত্‌তুনে পিত্‌থিমীর এক কিত্তেত্তুন্ ধুরি অন্য কিত্তেদি সং চেরোকিত্তেত্তুন্ তার বেঈ লোইয়্যে মানুচ্চুনোরে এক সমারে থুবেবাক্।

যোহন 5:25

মুই তমারে ঘেচ্চ্যেক্‌গুরি কঙর্, এন্ অক্ত এজের্, বরং ইক্কিনে এচ্চ্যে, যেক্কে মরাগুনে গোজেন পুয়োবোর্ কধা রঅ শুনিবাক্ আর যিগুনে শুনিবাক্ সিগুনে জেদা অবাক্।

যোহন 5:28

এ কধাগান্ শুনিনে আমক্ ন-অবা, কিয়া এন্ অক্ত এজের্, যিগুনে গোরত্ আঘন্ সিগুনে বেক্কুনে মান্‌জ্যপুয়োবোর্ কধা রঅ শুনিনে নিগিলি এবাক্।

১ করিন্হীয় 15:23

মাত্তর্ সিয়েন ভিদিরে পালা আঘে-পত্তম ফল ধোক্ক্যেন পত্তমে খ্রীষ্ট, সে পরেদি যিগুনে খ্রীষ্টর্ নিজোর্। খ্রীষ্ট এবার্ অক্তত্ তারারে জেদা গরা অবঅ।

১ করিন্হীয় 15:42

মরাগুনোর্ জেদা ওই উদানায়ো ঠিগ্ সেবাবোত্যে। কিয়্যেগান্ কবর্ দেনার পরেদি সিয়েন বর্‌বাদ ওই যায়, মাত্তর্ সেই কিয়্যেগান এমন্‌ অবস্থায় জেদা গুরি তুলো অবঅ যিয়েন আর কনদিন্অ বর্‌বাদ ন-অবঅ।

১ করিন্হীয় 15:50

ভেইলগ্, মুই যিয়েন কঙর্ সিয়েন এই-মানুচ্‌ তার্ লুয়ো-য়েরা কিয়্যেলোই গোজেন রেজ্যর্ অধিকারী ওই ন-পারে। যিয়েন বর্‌বাদ ওই যেবঅ সিয়েন এমন কিজুর্ অধিকারি ওই ন-পারে যিয়েন বর্‌বাদ ন-অবঅ।

১ থিষলনীকীয় 4:15

প্রভুর্ শিক্ষ্যে মজিম আমি তমারে কোর্, আমি যিগুনে জেদা আঘিই আর প্রভুর্ ফিরি এজানা সং জেদা থেবং, আমি কনঅ বাবদে সেই মরাগুনোর্ আগে ন-যেবং।

২ পিতর 3:10

মাত্তর্ প্রভুর দিন্নো চুরো ধোক্ক্যেন গুরি এবঅ। সেই দিন্নো দাঙর্ আগাজ্‌চান হু হু রঅ গুরিনে শেজ্ ওই যেবঅ আর চানান-বেলান্-তারাগুন বেক্কুন পুড়িনে ভস্ত ওই যেবাক্। পিত্‌থিমীগান আর সিয়েন ভিদিরে যিয়েনি আঘে সিয়েনি বেক্কানি পুড়ি যেবঅ।

ফগদাং পেইয়্যে 8:13

পরেদি মুই এক্কো ঈগল পেগোরে আগাজত্ বোউত্ অজলত্ উড়োদে দেগিলুং, আর সেই ঈগল্লোরে দাঙর্ গুরি কধে শুনিলুং, “অন্য যে তিনজন স্বর্গদূতে তুরী বাজেবাত্যে যাদন্, তারার্ তুরীগুনোর্ আবাজ্ অলে যিগুনে এ পিত্‌থিমীর্ তারার্ দজা, দজা, দজা অবঅ।”

ফগদাং পেইয়্যে 8:2

যে সাতজন স্বর্গদূত্ গোজেন মুজুঙোত্ থিয়্যেই থান্ মুই তারারে দেগিলুং। তারা আঢত্ সাত্তো তূরী দিয়্যে অলঅ।