১ করিন্হীয় 15:49 - Chakma Bible

⁴⁹ আমি যেধোক্ক্যেন সেই মাদির্ মান্‌জ্য ধোক্ক্যেন্ ওইয়্যেই ঠিগ্ সেবাবোত্যে গুরি সেই স্বর্গর্ মান্‌জ্য ধোক্ক্যেন্অ অবং।

১ করিন্হীয় 15:49 ပူးပေါင်းရင်းမြစ်များ

পত্থম 5:3

একশ ত্রিশ বজর বয়জত্‌ আদমর্ এক্কো পুয়ো জর্ম অলঅ। পুয়োবো বারেদি আর ভিদিরেদি রিনি চেলে তা ধোক্ক্যেন্‌ ওইয়্যে। আদমে তা নাঙান্‌ দিলো শেথ।

মথি লেখ্যে গম্ হবর্ 13:43

সে অক্তত্ গোজেনভক্ত মানুচ্চুনে তারার্ স্বর্গর্ বাব রেজ্যত্ বেলান ধোক্ক্যেন জ্বোল্‌জোল্যে ওই দেগা দিবাক্। যিবের্ শুনিবার্ কান্ আগে তে শুনোক্।

রোমীয় 8:29

গোজেনে যিগুনোরে আগেদি বেঈ লোইয়্যে তারারে তে তার্ পুয়ো ধোক্ক্যেন্ অবাত্তে আগেদি ঠিগ্ গুরিয়ো থোইয়্যে, যেন সেই পুয়োবো ভালোক্ ভেইয়োত্তুন্ আজল্লো অয়।

২ করিন্হীয় 3:18

ইয়েনত্যে আমি যিগুনে খ্রীষ্ট সমারে মিজেয়্যেই, আমি বেক্কুনে খুলো মুয়োদি আনাত্ দেখ্যে ফোটু ধোক্ক্যেন গুরি প্রভুর মহিমাগান্ দেগদে দেগদে নিজেয়ো মহিমায় বাড়ি উদিনে বুদুলি যেইনে তা ধোক্ক্যেন ওই যের্। প্রভুর, অত্তাৎ পবিত্র আত্মার্ খেমতালোই ইয়েন অয়।

ফিলিপীয় 3:21

তে আমার বল্‌পোজ্জ্যেলোই ভরা কিয়্যেগান বুদুলিনে তার্ মহিমালোই ভরা কিয়্যে ধোক্ক্যেন গুরিবো। যে খেমতাগান্দোই তে বেক্কানি নিজো অধিনে আনে সেই খেমতাগান্দোই তে এই কামান্ গুরিবো।

১ যোহন 3:2

পরাণর্ পুয়ো-ছাগুন, ইক্কিনে আমি গোজেনর্ পুয়ো, মাত্তর্ যেরেদি কি অবং সিয়েন এজঅ ফগদাং ন-অয়। মাত্তর্ আমি কোই পারিই, খ্রীষ্ট যেক্কে ফগদাং অবঅ সেক্কে আমি তা ধোক্ক্যেন অবং, কিয়া তে আজলে যেধোক্ক্যেন, সেই চেঙেরালোই আমি তারে দেগিবোং।