১ করিন্হীয় 15:42 - Chakma Bible

⁴² মরাগুনোর্ জেদা ওই উদানায়ো ঠিগ্ সেবাবোত্যে। কিয়্যেগান্ কবর্ দেনার পরেদি সিয়েন বর্‌বাদ ওই যায়, মাত্তর্ সেই কিয়্যেগান এমন্‌ অবস্থায় জেদা গুরি তুলো অবঅ যিয়েন আর কনদিন্অ বর্‌বাদ ন-অবঅ।

১ করিন্হীয় 15:42 ပူးပေါင်းရင်းမြစ်များ

পত্থম 3:19

যে মাদিত্তুন্‌ তরে বানা ওইয়্যে সে মাদিত্‌ ফিরি ন-যানা সং মাঢার ঘাম্‌ টেঙত্‌ ফেলেনে তত্তুন্ হা-পুরিবো। তর এ ধুল্যার কিয়্যেগান্‌ ধুল্যাদই ফিরি যেবঅ।”

ইয়োব 17:14

মরণর জাগায়ানরে যুনি কং, ‘তুই মঅ বাপ্পো,’ আর পুক্কোরে কঙে, ‘মঅ মাবো’ বা ‘মঅ বোন্নো,’

গীতসংহিতা 16:10

কিয়া তুই মরে মরণ জাগাত্ ফেলেই ন-রাগেবে, তর্ ভক্তবোর্ কিয়্যেগানরে তুই বর্‌বাদ্ অবাত্তে ন-দিবে।

গীতসংহিতা 49:14

ভেড়া পালরে যেধোক্ক্যেন ঠিগ্ গোজ্যে খোয়াড়ত্ নেযা অয়, সেধোক্ক্যেন ঠিগ্ গোজ্যে গোরত্ সে মানুচ্চুনোরেয়ো নেযা অবঅ; সিয়েনত্ মরণানে তারার্ গরক্ অবঅ। বেন্যেমাদান্ গোজেন ভক্ত মানুচ্চুনে তারা উগুরে জিদিবাক্; গোরানে তারার কিয়্যেগানি হেই ফেলেব; তারার থেবার জাগা বলতে আর্ কিচ্চু ন-থেবঅ।

যিশাইয় 38:17

“ঘেচ্চেকগুরি মর্ ভালেদিত্তে মুই এ অমকদ দুঘ্‌‌কানি ভোগ গোজ্যং, মাত্তর্ ভস্তর্ গাদত্তুন তর্ কোচ্‌পানালোই তুই মরে উদ্ধোর্ গোজ্যস্। মর্ বেক পাপ্‌‌‌পানি তুই পিজেদি ফেলেই দুয়োচ্।

দানিয়েল 12:3

যিগুনোর বুঝিবার খেমতা আঘে, অত্তাৎ যিগুনে ভালোক্ জনরে ন্যায়পদত্ আন্ন্যন্ তারা আগাজ পহ্‌‌‌‌‌র আর জ্বোল্‌‌‌‌‌জোল্যে তারা ধোক্ক্যেন উমরত্যে জ্বোল্‌‌‌‌‌জোল্যে থেবাক্।

মথি লেখ্যে গম্ হবর্ 13:43

সে অক্তত্ গোজেনভক্ত মানুচ্চুনে তারার্ স্বর্গর্ বাব রেজ্যত্ বেলান ধোক্ক্যেন জ্বোল্‌জোল্যে ওই দেগা দিবাক্। যিবের্ শুনিবার্ কান্ আগে তে শুনোক্।

প্রেরিত্‌ 2:27

কিত্যে তুই মরে মরণর্ জাগাত্ ফেলেই ন-থবে, তর্ ভক্তর্ কিয়্যেগানরে তুই বর্‌‌বাদ্ অবাত্তে ন-দিবে।

প্রেরিত্‌ 2:31

পরেদি কি অবঅ সিয়েন দায়ুদে দেক্ক্যে বিলি মরণত্তুন্ মশীহর্ আরঅ জেদা ওই উদোনা পৌইদ্যেনে কোইয়্যে, গোরত্ মশীহরে থুয়ো ন-অয় আর তার্ কিয়্যেগান্অ বর্‌বাদ ন-অয়।

রোমীয় 1:23

উমর জিংকানিবর্, মহিমাবলা গোজেনর্ উবোসনা ছাড়িনে তারা খানক্কোন্যে মানুচ্, পেগ্, য়েমান আর বুগেদি-আঢি বেড়েইয়্যেগুনোরে মূত্তি পূজো গত্তন্।

রোমীয় 2:7

যিগুনে ধৈজ্জ্য ধুরিনে গম্ কাম্ গরন্ গোজেনত্তুন্ বাঈনী, সর্মান আর ভস্ত ন-ওইয়্যে জিংকানি পেবাত্তে চান, গোজেনে তারারে উমর জিংকানি দিবো।

রোমীয় 8:21

ভস্ত অনার্ বান্যেগানত্তুন্ উদ্ধোর্ ওইনে এ সৃট্টিগানে এক দিন্ন্যে গোজেনর্ পুয়ো-ছা গুনোর্ বাঈনী গুরিবার্ স্বাধীনতার ভাগিদার্ ওই পারিবাক্।

১ করিন্হীয় 15:41

বেলানর্ ছদক্ এক বাবোত্যে, চানানর্ এক বাবোত্যে আর তারাগুনোর্ আরেক্ বাবোত্যে। এমন্‌ কি, ছদগ ইন্দিত্তুন্ এক্কো তারা অন্য আর এক্কোত্তুন্ জুদো।

গালাতীয় 6:8

পাপ-খাচ্চ্যদরে হুজী গুরিবার বীজি লাগেলে সিয়েনত্তুন্ ভস্তর্ ফসল এবঅ। মাত্তর্ পবিত্র আত্মারে হুজী গুরিবার বীজি লাগেলে সিয়েনত্তুন্ উমর্‌অ জিংকানির্ ফসল এবঅ।

১ পিতর 1:4

অত্তাৎ ভবিচ্চদে এন্ এক্কান সম্বোত্তি পেবার আশ্বাস আমি পেইয়্যেই যিয়েন কনদিন্অ ভস্ত ন-অবঅ, যিয়েনত্ ভান্ন্যেই কিচ্চু ন-থেবঅ আর যিয়েন উমরত্যে নুয়ো থেবঅ। এ সোম্বোত্তিগান তমাত্যে স্বর্গত্ থুবেইয়্যে আঘে।