১ করিন্হীয় 15:28 - Chakma Bible

²⁸ যেক্কে বেক্কানি খ্রীষ্টর্ অধীনোত্ থুয়ো অবঅ, সেক্কে যিবে বেক্কানি খ্রীষ্ট অধীনোত্ থোইয়্যে সেই গোজেনে যাতে বানা এক্কো গিরোজ্ ওই পারে সেনত্তে পুয়োবোয়ো নিজে গোজেনর্ অধীন অবঅ।

১ করিন্হীয় 15:28 ပူးပေါင်းရင်းမြစ်များ

গীতসংহিতা 18:39

তুয়ই মঅ কমরত্ যুদ্ধো গুরিবার্ বলান্ দুয়োচ্, মর্ বিপক্ষগুনোরে মঅ টেঙত্ তলে গোজ্যস্।

গীতসংহিতা 18:47

তেয়ই অন্য জাদ্‌তুনোরে মঅ অধীনোত্ আনে আর মঅ পক্ষেদি তারার্ পাওনা সাজা দে।

যোহন 14:28

তুমি শুন্ন্য মুই তমারে কোইয়োং, মুই যাঙল্লোই আরঅ তমা ইধু ফিরি এম্। যুনি তুমি মরে কোচ্‌পেদা সালে মুই মঅ বাবা ইধু যাঙর্ কিনেই হুজী অদা, কিয়া বাবা মত্তুন্-অ দাঙর্।

১ করিন্হীয় 11:3

মুই চাং যেন তুমি বুঝি পারঅ যে, খ্রীষ্ট পত্তি মরদ্ পুয়োর্ মাঢাবো ধোক্ক্যেন্, নেগ্‌কো তা মোগ্‌কোর্ মাঢাবো ধোক্ক্যেন্, আর গোজেনে খ্রীষ্টর্ মাঢাবো ধোক্ক্যেন।

১ করিন্হীয় 12:6

আমা পত্তিজনরে নানান্ বাবোত্যে কাম্ দিয়্যে ওইয়্যে, মাত্তর্ একই গোজেনে নানান্ উপায়ে আমা পত্তিজন ইধু কাম গুরি থায়।

১ করিন্হীয় 15:29

মাত্তর্ মরাগুনোত্যে যিগুনে বাপ্তিস্ম লন্ তারার্ কি অবঅ? মরাগুনোরে যুনি জেদা গুরি তুলো ন-অয় সালে কিত্ত্যে তারা মরাগুনোত্যে বাপ্তিস্ম লন্?

১ করিন্হীয় 3:23

তুমি খ্রীষ্টর্ আর খ্রীষ্ট গোজেনর্।

ইফিষীয় 1:23

এ মন্ডলী আজলে খ্রীষ্টর্ কিয়্যেগান। যিবে বেক্কানিত্তুন্ বেক্কানি পুরেই দে সেই খ্রীষ্টর্ পুরেই দেনাগান্ অলঅ এ মন্ডলী।

ফিলিপীয় 3:21

তে আমার বল্‌পোজ্জ্যেলোই ভরা কিয়্যেগান বুদুলিনে তার্ মহিমালোই ভরা কিয়্যে ধোক্ক্যেন গুরিবো। যে খেমতাগান্দোই তে বেক্কানি নিজো অধিনে আনে সেই খেমতাগান্দোই তে এই কামান্ গুরিবো।

কলসীয় 3:11

এ অবস্থায় অযিহূদী বা যিহূদী ভিদিরে, চুনু মাঢা কাপ্যে বা চুনু মাঢা-ন-কাপ্যে মান্‌জ্য ভিদিরে, ব-কলম, নিচুজাদ্, চাগর্ বা গিরোজ মোধ্যে কনঅ ফারগ্ নেই; সিয়েনত্ খ্রীষ্ট আজল্ আর তে পত্তিজন ভিদিরে আঘে।