১ করিন্হীয় 15:27 - Chakma Bible

²⁷ পবিত্র বোইবোর্ কধা মজিম,“তে বেক্কানি তার্ টেঙ তলাত্ থোইয়্যে।” বেক্‌ জিনিস্‌চানি অধীনোত্ থুয়ো ওইয়্যে কলে গমেডালে বুঝো যায়, যিবে বেক্‌ জিনিস্‌চানি খ্রীষ্টর্ অধীনোত্ থোইয়্যে সেই গোজেনে নিজোরে বাদ দিইনে সিয়েনি গোজ্জ্যে।

১ করিন্হীয় 15:27 ပူးပေါင်းရင်းမြစ်များ

গীতসংহিতা 8:6

তঅ আঢে বানেবার শাজন্ ভারান তুই তা আঢত্ দুয়োচ্ আর তা টেঙ তলাত্ রাগেয়োচ্ ইয়েনি বেক্কানি-

দানিয়েল 7:14

সেই মান্‌‌‌‌‌‌‌জ্যপুয়োবোরে শাজন্, সর্মান আর রাজাগিরি গুরিবার খেমতা দিয়্যে অলঅ যেন বেক্ জাদ্‌তুনোর, দেজর্ আর ভাযার মানুচ্চুনে তারে সেবা গরন্। তার রাজাগিরি উমরর্; সিয়েন থুম্ ন-অবঅ আর তার রেজ্যগান কনদিন্‌অ ভস্ত ন-অবঅ।‌‌‌‌‌‌‌

মথি লেখ্যে গম্ হবর্ 11:27

মঅ বাপ্পো বেক্কানি মঅ আঢত্ দিয়্যে। বাপ্পো বাদে পুয়োবোরে কনজনে হবর্ ন-পায় আর পুয়োবো বাদে বাপ্পোরে কনজনে হবর্ ন-পায়, আর পুয়োবো যাইদু বাবরে ফগদাং গুরিবাত্তে আওজ্ গরে তেয়ই তারে হবর্ পায়।

মথি লেখ্যে গম্ হবর্ 28:18

সেক্কে যীশু কায়কুরে এইনে তারারে এ কধাগান্ কলঅ, “স্বর্গর্ আর পিত্‌থিমীর বেক্ খেমতাগান্ মরে দিয়্যে ওইয়্যে।

যোহন 13:3

যীশু কোই পারিদো, বাবা গোজেনে তা আঢত্ বেক্কানি দিয়্যে। তে আরঅ কোই পারিদো, তে তাত্তুন্ এচ্চ্যে আর তা ইধু ফিরি যার্।

যোহন 3:35

বাবে পুয়োরে কোচ্‌পায় আর তা আঢত্ বেক্কানি দিয়্যে।

ইফিষীয় 1:20

যিয়েনর মাধ্যমে তে মরণত্তুন্ খ্রীষ্টরে জেদা গুরি তুল্ল্যে আর র্স্বগত্ তার ডেনেদি বোজেয়্যে।

ইফিষীয় 1:22

গোজেনে বেক্কানি খ্রীষ্ট টেঙ তলে থোইয়্যে আর তারে বেক্কানির্ অধিকার দিয়্যে, আর তারে মন্ডলীর্ মাঢা ইজেবে নেযা ওইয়্যে।

ইব্রীয় 1:13

গোজেনে কনদিন্অ কি কনঅ স্বর্গদূতরে এ কধাগান কোইয়্যে, “যেদক্কন সং মুই তঅ শত্রুগুনোরে তঅ টেঙত্ তলে ন-রাগাং, সেদক্কন সং তুই মঅ ডেনেদি বস্”?

ইব্রীয় 10:12

মাত্তর্ যীশু পাপত্যে উমর কাল ধোক্ক্যেন বানা এক্কো উৎসর্ব গুরিনে গোজেনর্ ডেন্ ধাগেদি বলঅ।

ইব্রীয় 2:8

আর তা ঠেঙ তলাত্ বেক্কানি থোইয়োচ্। যেক্কে গোজেনে বেক্কানি মান্‌জ্যর্ অধীনোত্ গুরিলো সেক্কে তে কনঅ কিজু সিয়েনিত্তুন্ বাদ ন-দিলো। খালিক্ বেক্কানি যে আমি ইক্কিনে মান্‌জ্যর অধীনোত্ দেগির্ সিয়েন নয়,

১ পিতর 3:22

যীশু স্বর্গত্ যেয়্যে আর ইক্কিনে গোজেনর্ ডেন্ ধাগেদি আঘে, আর স্বর্গদূত্‌তুনে, খেমতার্ অধিকারীগুনে আর শাসনগুরিয়্যেগুনে তা অধীনত্ আঘন্।

ফগদাং পেইয়্যে 1:18

মুয়ই উমরত্যে জেদা। মুই মোজ্জ্যং আর চঅ, ইক্কিনে মুই যুগ যুগ ধুরিনে উমরত্যে জেদা আঘং। মইধু মরণান্ আর মরণ জাগার চাবি আঘে।